San Lucas 22:67 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶⁷ —Yapaꞌ theꞌpaꞌ yemneñ oꞌch photosey ñerraꞌm poꞌñoxhtheꞌ pha ñeñtheph Cristotets. Jesúsñapaꞌ ateth otosanet: —Amaꞌt notatstas na poꞌñoxh ñeñthen Cristotets sañapaꞌ amachkaꞌye pokteyeꞌ sentno atthoch sameꞌñaꞌna.

San Lucas 22:67 Iomraidhean Croise

San Lucas 16:31

Abrahamñapaꞌ alla otererr: “Ñerraꞌm amach eꞌmhñoterrñañeto Yompor poꞌñoñ ñeñth ateth kellkëꞌth Moisés ñamha allowen ñeñth aꞌmhtayeꞌth Yompor poꞌñoñ awath, theꞌña amaꞌt eseshaꞌch tanterrtsa rromothpaꞌ amach eshek xhapanetoña poeyoxhreto atthoch kothapeꞌcherret ello eꞌñe kowen Yomporekop.”

San Lucas 22:68

Ñamha napaꞌxhoꞌña amaꞌt oꞌch es naꞌphthoꞌtas samha sañapaꞌ amachkaꞌye sanapnoña namha. Tharroꞌmar sapaꞌ amachkaꞌye semno saꞌrroyerren.

San Juan 18:19

Korneshaꞌña ñeñth nanak amhchaꞌtarethtetsa, ñapaꞌ allentha aꞌphthoꞌtapan Jesús poeyochreshakop ñamha añekop ñeñth ateth yexhatyen.

San Juan 18:21

Esoꞌmareꞌtña nañeña phaꞌphthoꞌten. Añchaꞌña phaꞌphthoꞌtyes ñeñth neꞌmayeꞌth errothentheꞌ neserrpareꞌtatyesaneteꞌth. Ñetpaꞌ eñoteñettheꞌña ñeñth ateth notyesaneteꞌth.