San Lucas 22:61 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶¹ Allempoña Partseshaꞌ Jesúspaꞌ kowaꞌ allentheꞌtsen Pedro. Pedroñapaꞌ allentha yerpoerrana ateth otneñ Partseshaꞌ: “Amach eñenaꞌ atollop ñeñthe tsaprokma phañapaꞌ oꞌch maꞌpoch phaꞌnasotenna.”

San Lucas 22:61 Iomraidhean Croise

San Mateo 26:34

Jesúsñapaꞌ ateth otererr: —Poꞌñoxhkaꞌye oꞌch notaph, añe tsaprokma amach eñenaꞌ atolloppaꞌ phañapaꞌ oꞌch maꞌpoch phaꞌnasotenna.

San Mateo 26:75

Allempoña Pedropaꞌ alla yerpoerrana ñeñth ateth oteñ Jesús: “Amach eñenaꞌ atollop phañapaꞌ oꞌch maꞌpoch phaꞌnasotenna.” Allempoña Pedro xhaꞌnom allothpaꞌ awoꞌ aꞌyeneth allñapaꞌ all atarr yawosa womenk.

San Marcos 5:30

Jesúsñapaꞌ eñotnomh eꞌñe ña poꞌwamenkothpaꞌ oꞌ aꞌkrratnoman poesheñarr atsnañeth. Ñañapaꞌ allentha poerraperra alla acheñenesheshoneth ñeñth kothaꞌwaneneꞌ, allñapaꞌ ateth otanet: —¿Eseshaꞌtña oꞌ aꞌphllaꞌnmoenña neshtamoth?

San Lucas 10:41

Jesúsñapaꞌ ateth och: —Noxha Marta, shonteꞌ paꞌnamen ñeñth pethorraꞌyena, phapaꞌ ñeñthaña atarr pellkateneꞌ.

San Lucas 22:34

Jesúsñapaꞌ ateth otererr: —Pedro, oꞌch notaph, eꞌñech añe tsaprokma amach eñenaꞌ atollop, phañapaꞌ oꞌch maꞌpoch phaꞌnasotenna. Ñeñthpaꞌ atethchaꞌ photen, napaꞌ añoꞌ pentarno.

San Lucas 22:60

Pedroñapaꞌ alla oterranerr ñeñth yakmar: —Amarramcheꞌ neñoteñeña estheꞌña atarr photenen. Eꞌñe allempo ateth eñorena Pedro, eꞌñepaꞌtchaꞌ allempokma eñenña atollop.

San Lucas 22:62

Allempoña Pedropaꞌ awoꞌ aꞌyo all eꞌñe poellkëñeshaꞌ yawosa womenk.

San Lucas 7:13

Partseshaꞌña Jesús allempo entapan rrethorrnaneshaꞌ poellkapreteñothpaꞌ atarr moerosya. Ñañapaꞌ ateth otapan rrethorrnaneshaꞌ: —Amach noxha peyawatsto.

San Lucas 7:19

Attheña Juanñapaꞌ agotatan epsheña ñeñth poeyochreshaꞌ pen ñeñthchaꞌ moeña Jesúsesho ñeñthchaꞌ aꞌphthoꞌtenayaꞌ Jesús poꞌñoxhtheꞌ ñapaꞌ ñeñth Cristotets ñeñth atarr kowenet awathotheñ, ñatoꞌ amatheꞌ ñeñtheyayepaꞌ añchaꞌ kowet poꞌpsheñeñ ñeñthchaꞌ wapatsa.

San Juan 13:38

Jesúsñapaꞌ ateth otererr: —¿Poꞌñoxhaꞌt eꞌñe pokteꞌ penteñ oꞌch yerroma parro? Poꞌñoxhkaꞌye theꞌ napaꞌ oꞌch notaph: Amach eñenaꞌ atollop phañapaꞌ oꞌch maꞌpoch phaꞌnasotenna.

Los Hechos 5:31

Theꞌña Pomporpaꞌ oꞌ nanak awamenkath peꞌ, eꞌñe poꞌkowenrothpaꞌ all partsoten. Allochñapaꞌ atthoch kothapeꞌchaterran israelenaꞌtarneshaꞌ ñamha atthoch kothapeꞌcherret kowen eꞌñe etserra atthoch peretnerranet poꞌchñar. Ñeñthoꞌmarña Yomporpaꞌ nan Jesús ñeñthchaꞌ Yaꞌkeshphatañer yepen.

Efesios 2:11

Ñewa, theꞌpaꞌ oꞌch alla seyerpoerra ñeñth ateth sepeꞌth awath. Allempopaꞌ atarr allapharoꞌtsaꞌyenes Yomporeshoth. Ñewa, sapaꞌ ateth eñalletñas ama judioneshayayso. Añña ñeñth ateth eñalletena judioneshaꞌ ñetpaꞌ aña yexhenet oꞌch tsorrannenet. Ñeñthoꞌmarña ñetpaꞌ otarethtenet atsorrarethneshaꞌ. Ñeñthoꞌmar ñet sañapaꞌ attha sochatseꞌtenset sapaꞌ añoꞌ atsorratarethneshayayso añoꞌ poechemereyayso Yompor.

El Apocalipsis 2:5

Theꞌpaꞌ oꞌch notas, oꞌch seyerpoerra attho awañmoꞌcha nanak kowen semorrentenna. Theꞌpaꞌ ama attheyeꞌ sepeno. Añ pokteꞌ oꞌch alla sokthapeꞌcherr eꞌñe kowen atthoch oꞌch alla seperra kowen ñeñth ateth sepha allempo eꞌñe ñenmath sameꞌñenna. Ñerraꞌm amach ello sokthapeꞌcherro kowen napaꞌ thayekma oꞌch awen oꞌch neprratamperres ñeñth atmaꞌntatareth sokop ñeñthara ñeñth all orratenet werare.