San Lucas 22:36 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁶ Jesúsñapaꞌ alla oterraneterr: —Tharraña theꞌpaꞌ oꞌch notas poꞌpoñ, ñerraꞌm eseshastheꞌ ñeñthes echeneꞌ sekhllayor theꞌpaꞌ oꞌchkaꞌye sanem all sechopeñeꞌchyen amaꞌt ñamha sebolsa. Ñamha ñerraꞌm ama secheno sokchellpaꞌ pokteꞌkaꞌye oꞌch sepom seshtam alloch seyora sokchell.

San Lucas 22:36 Iomraidhean Croise

San Mateo 10:10

Amaꞌt eꞌñe koñeꞌtha amach es sanmatsto allchaꞌ sechopeñeꞌchyes, amaꞌt sebolsa, amaꞌt eꞌñe epma seshtam, amaꞌt sesapata, amaꞌt sekarra, amach sanmatsche tharroꞌmar ñeñtheschaꞌ thorraꞌyetsapaꞌ eꞌñe pokteꞌ rratyesapasetchaꞌ.

San Lucas 22:35

Elloña Jesúspaꞌ yerpaterrana poeyochreshaꞌ; ñeñthpaꞌ ateth oterraneterr: —Ñewa, awaña allempo nemñas ateth notapas amach es sanmatsto amaꞌt koñeꞌtha, amaꞌt sebolsa, amaꞌt sekhllayor amaꞌt ñamha sesapat. Ñewa allempopaꞌ ¿eñalleꞌtña ñeñth sepalltena? Ñetñapaꞌ ateth ochet: —Allempopaꞌ amakaꞌye xho es yepallto amaꞌt eꞌñe mamesha.

San Lucas 22:37

Tharroꞌmar theꞌpaꞌ oꞌch alla noterrserr: Theꞌpaꞌ oꞌchkaꞌye eꞌñe etsoterra ñeñth ateth anwareth Yompor poꞌñoñ nokop. Allkaꞌyeña oten napaꞌ errothwanenchaꞌ perrnet ateth ñerraꞌmrratheꞌ napaꞌ ñeñthen amtsañen. Theꞌpaꞌ ñeñthkaꞌye oꞌ etsotmocha ñeñth eꞌñe ateth anareth nokop.

San Lucas 22:38

Allempoña ñetñapaꞌ ateth otereterr: —Partseshachaꞌ yapaꞌ yechenkaꞌyeña epmeta kochell. Jesúsñapaꞌ ateth otanet: —Ñeñthachkaꞌye.

San Juan 15:20

Seyerpach añ ñoñtsor ñeñth oꞌ notwas: “Allowen ñeñth yochreshats errothenchaꞌ perrñañet ñeñth yochreshaꞌtenawet, ñetpaꞌxhoꞌña eꞌñech atthekma apharethterret ñamet.” Attho napaꞌ kothareꞌtennet poeꞌmoñeꞌteñothetan, sapaꞌxhoꞌña poeꞌmoñeꞌteñothetaspaꞌ kothareꞌtasetchaꞌ samha. Attho napaꞌ ama ameꞌñerrnaneto neñoñ, sapaꞌxhoꞌña amach ameꞌñerrnaseto samha señoñ.

San Juan 16:33

Ora allowen añexhnopaꞌ oꞌ eꞌñe notwas allochñapaꞌ eꞌñe seyemteñothen napaꞌ xhokmach sokshena seyoxhro. Poꞌñoxh añ patsropaꞌ xhokmach semoeroxhtena. Tharraña eꞌñe seyoxhro sapaꞌ xhokmoepaꞌchña sokshena tharroꞌmar napaꞌ oꞌ naꞌmchechatwe allowen ñeñth eꞌmoñeꞌteneꞌ Yompor añe patsroth.

1 Tesalonicenses 3:4

Allempo eꞌñe alloꞌtsaꞌyenakmay alloweney eꞌñe parro allempo yapaꞌ ateth oꞌ yotwas xhokmach waponaya moeroxhteñets. Ñeñthña theꞌpaꞌ atethxhoꞌ oꞌ phonasa, theꞌpaꞌ eꞌñetheꞌ señoteñ eꞌñe poꞌñoxh ateth.

1 San Pedro 4:1

Cristo allempo añe patsroꞌtsenpaꞌ ñapaꞌ eꞌñe pokteꞌ enteñ atthoch moeroxhtateñet nanak. Ñeñthoꞌmarña sapaꞌxhoꞌ eꞌñepaꞌchña pokteꞌ senteñ oꞌch semoeroxhta eꞌñe ñokop. Eꞌñe yemoeroxhteñothpaꞌ oꞌch womenk yephaꞌ yeyoxher. Yemoeroxhteñoth yechtsopaꞌ oꞌch yekexhpaꞌwerr ñeñth ama pokteyaye Yomporekop.