San Lucas 22:31 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³¹ ‘Simón, poꞌñoxh theꞌpaꞌ oꞌch notaph, oneñethpaꞌ atarrkaꞌye enamoenen na sokop, añ moenen oꞌch topatenes oꞌch ateth phatenes ñeñth ateth kothapeꞌchen ña ñeñth ama pokteyeꞌ enteno Yompor. Oꞌch atarr womenk topatenes ateth ñerraꞌm ñeñth shoshneneꞌ poꞌtrigor eꞌñech womenk paꞌshmoenan poeshoshnat.

San Lucas 22:31 Iomraidhean Croise

San Mateo 26:30

Allempoña oꞌ morrechwanmoet Yomporekoppaꞌ awaneneterr Olivophno.

San Mateo 4:10

Jesúsñapaꞌ alla otererr: —Theꞌpaꞌ oꞌch orrerreph oneñethe. Napaꞌ ama nemno oꞌch ateth nepha tharroꞌmar Yompor poꞌñoñ ñeñth anwareth ñeñthpaꞌ ateth oteney: “Añach ñapoeth yemaꞌyochena Yompor ñeñth Yepartseshar yepen, eꞌñech ñaptha yesherbeꞌ.”

San Lucas 10:41

Jesúsñapaꞌ ateth och: —Noxha Marta, shonteꞌ paꞌnamen ñeñth pethorraꞌyena, phapaꞌ ñeñthaña atarr pellkateneꞌ.

Los Hechos 9:4

Oꞌ xhoyoꞌtampespaꞌ ñañapaꞌ alla rromopra patso. Xhap patsopaꞌ eꞌman ñoñets ñeñth ateth oten: —Esomareꞌt, Saule, pemoeroxhtatennanña ñeñth nameꞌñenaya.

1 Corintios 5:5

oꞌch sepomh ñeñth yakmar oꞌch sapoer oneñeth atthoch aꞌkoñchatoñ poꞌchets. Allochñapaꞌ poekamkëñpaꞌ keshperrach esempowañenchaꞌ werra Yepartseshar Jesús.

2 Corintios 2:11

Ñamha añ eꞌñe poktetsa oꞌch yephretnannena. Allochñapaꞌ amaꞌt oneñethpaꞌ amach alla aꞌpsaterrye Yompor. Tharroꞌmar ñapaꞌ yeñoteñ xhokma eꞌnenan atthoch shekëney.

1 San Pedro 5:8

Eꞌñe señotateñothpaꞌ señotaꞌthach, tharroꞌmar oneñeth ñeñth seꞌmoñeꞌteneꞌpaꞌ xhokma chopeñeꞌchen errapharen ateth ñerraꞌm maꞌyarr, xhach amhchaꞌnoxhetnena eꞌnyeseꞌ ñeñthchaꞌ aꞌchenkat.

El Apocalipsis 12:10

Allempoña napaꞌ oꞌ alla neꞌmoerrerr poꞌpoñ ñoñets ñeñth atarr eꞌmorrtetsa womenk all Yompor poeꞌntaño. Ñeñth ñoñetspaꞌ ateth oten: —Theꞌñapaꞌ poꞌñoxh oꞌ xhap allempoch keshphaꞌwerra allowen acheñeneshaꞌ ñeñth poeyochreshaꞌ pen Yompor, tharroꞌmar oꞌch alla oꞌpaterrana poꞌwamenk eꞌñe poktakma oꞌch alla amhchaꞌtarethterra ñapoeth epoet Poechemer ñeñth Cristo ñeñth nen ña ñeñthchaꞌ amhchaꞌtarethtapretenaya. Añ oneñeth ñeñth xhokma attha tomaꞌtampesyeneꞌ masheñneshaxhno all Yomporesho yetho amaꞌt ñamha tsapomeꞌtets ñeñthñapaꞌ oꞌ awaporeꞌtarethta.