San Lucas 21:37 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁷ Xhokma ateth peꞌth Jesús, ellapeneꞌthchaꞌ yexhatats Parets paꞌpakllo, ellerronethñapaꞌ oꞌch awerr Olivophno ñapaꞌ allkaꞌye eꞌñe aꞌpoeꞌth.

San Lucas 21:37 Iomraidhean Croise

San Mateo 21:1

Attheñapaꞌ oꞌ xhaxhaꞌtet allameꞌtets Jerusaléño. Xhapoet aspentho ñeñth paꞌsoꞌcheñ Olivopen. Allñapaꞌ alloꞌtsen anets ñeñthpaꞌ añ paꞌsoꞌcheñ Betfagé. Oꞌña xhapmochet all anetso,

San Mateo 21:17

Oꞌña yerpatwerranet añ ñoñets ñeñth ateth anareth awathotheñ ñokop, allempoña saꞌnerranet ñeñthe anetsrothpaꞌ oꞌ alla awerrerr Betanio. Allpaꞌ allekma ommoena.

San Mateo 26:30

Allempoña oꞌ morrechwanmoet Yomporekoppaꞌ awaneneterr Olivophno.

San Mateo 26:55

Allempoña Jesúspaꞌ ateth otan acheñeneshaꞌ: —Esoꞌmareꞌt sewaxhaꞌtennanaña eꞌñe okchellethareroches ñamha etsachperethareroches atthoch serrmaꞌn. Napaꞌ ¿eꞌñeꞌt ateth sentenen ñerraꞌmrratheꞌ eñethen? Oꞌ allponmatwanen nanorryen Parets paꞌpaklloꞌmar, all neyxhatyen, esoꞌmareꞌtña ama allempokmaña serrmaꞌneꞌthe.

San Marcos 11:12

Tsapath allempo onaxhaꞌtaꞌmoenet Betanioth, Jesúsñapaꞌ cheporraꞌnma.

San Marcos 11:19

Allempoña oꞌ ellerrenpaꞌ onaxheneterr Jerusaléñothpaꞌ awaneneterr Betanio.

San Marcos 14:49

Oꞌ allponmatwanen alloꞌtsenen Parets paꞌpakllo eꞌñe parro sesho, esoꞌmareꞌtña amaña allempokmaña serrmaꞌneꞌthe. Amaꞌtpaꞌ atthepaꞌkaꞌye perra allochñapaꞌ atthoch eꞌñe etsotwerra ñeñth allpon kellkaꞌyeseꞌth nokop ñeñth aꞌmhtaꞌyesayeꞌth Yompor poꞌñoñ.

San Lucas 19:29

Xhapmochet aspentho ñeñth paꞌsoꞌcheñ Olivopen alloꞌtsen anets ñeñth Betfagé ñamha Betania. Oꞌ xhapmochet all Jesúsñapaꞌ

San Lucas 19:37

Attheñapaꞌ oꞌ xhapmochet Jerusaléño. Allempo aꞌnososet Olivophnoth shonteꞌ acheñeneshaꞌ ñeñth ameꞌñenaya Jesúspaꞌ ñetñapaꞌ allotheñ eꞌñe koshaꞌrrtoset. Eꞌñe poksheñeshaꞌ awanenet, panoꞌtatseꞌteñeshaꞌ ayeꞌchoxhtatneññañet Yompor, tharroꞌmar atarr kowen entnenet attho Jesúspaꞌ atarr orrtatenanet Pompor poꞌpartsoña.

San Lucas 19:47

Patheꞌtets yeth Jesúspaꞌ xhokmach seneꞌth Parets paꞌpakllo all yexhatenaneteꞌth Yompor poꞌñoñ. Añña ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar ñamha añ ñeñth atarr etsotayenayeñ ñoñets ñeñth ateth anareth ñamha poꞌpotantañ ñeñth amhchaꞌtarethetyetsa all anetso, ñetñapaꞌ Jesúsa atarr oꞌpatyenet atthoch moetsatachet.

San Lucas 22:39

Allempoñapaꞌ oꞌ rrallmeꞌchwanenet ñeñthe pascuapo, Jesúsñapaꞌ xhaꞌnerrpaꞌ awenerr Olivophno; ñapaꞌ atthekma pena xhokmach sen all. Poeyochreshaꞌñapaꞌ kothaꞌwaneñet.

San Juan 12:1

Oꞌ pechapmatamha oꞌch xhapaꞌmoen pascuapo, Jesúspaꞌ alla xherr Betanio. Allñapaꞌ alloꞌtsen Lázaro ñeñth rromats awaña ñeñth alla tantaterr Jesús.

San Juan 18:2

Ñewa, Judas ñeñthchaꞌ pomoerreꞌ Jesús ñapaꞌ eꞌñe poentarña all, tharroꞌmar awañmoꞌchotheñ Jesúspaꞌ allekma apxhatenan poeyochreshaꞌ.

Los Hechos 1:12

Allempoña oꞌ aꞌten Jesúspaꞌ añña poeyochreshaꞌpaꞌ oꞌ awanerret alla Jerusaléño. Oꞌ onaxherret Olivophnoth alloth aꞌterr Jesús. Tharroꞌmar ñeñth aspeneth Olivopenpaꞌ allameꞌttsoꞌtsena Jerusaléñoth, Olivophnothpaꞌ ñatoꞌ alloꞌtsentheꞌ patherr kilómetro atthoch yexhap Jerusaléño.