San Lucas 21:36 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁶ Añchaꞌña sapaꞌ xhokmachña señoseꞌrtena ñamha añchaꞌña senamoen Yompor atthoch saꞌwantaꞌwanom allowen ñeñthchaꞌ sewapoya paꞌnamen moeroxhteñtsoxhno allochñapaꞌ sañapaꞌ eꞌñech señmañeshaꞌ sathomwerr nesho na Ñeñthen Acheñetosets.

San Lucas 21:36 Iomraidhean Croise

San Mateo 24:42

‘Ñeñthoꞌmarña theꞌpaꞌ oꞌch notas: Xhokmoepaꞌch señoseꞌrtenna tharroꞌmar sapaꞌxhoꞌña ama señotenno esempoch nowerra na ñeñthen eꞌñe Separtseshar sepen.

San Mateo 24:43

Napaꞌ eꞌñech machayotha nowerra ateth pena eñeth allempo attha es sepxhaꞌyena machayothach waponasa oꞌch yoratsreꞌtensaꞌ. Tharraña sa ñeñthes apakllathes señochepaꞌch ñerraꞌm señoteñeñ eꞌñech esempo tsapro waponasa eñeth, sapaꞌ xhochña señoseꞌrtenañ atthoch amach semnacheña oꞌch toramphsas sepakllo oꞌch beꞌthosamphsasa oꞌch yorwennasaꞌ ñeñth allpon semorrentyena.

San Mateo 24:44

Ñeñthoꞌmar notenes sapaꞌxhoꞌña xhokmoepaꞌchña señoseꞌrtenna tharroꞌmar allempoch attha es sepxhaꞌyenapaꞌ allempochña nowerra na Ñeñthen Acheñetosets.

San Mateo 25:13

Jesúsñapaꞌ alla oterranerr ñeñth eꞌmhñoteneꞌ: —Ñeñthoꞌmarña na theꞌpaꞌ oꞌch notas: Sapaꞌ xhokmoepaꞌchña eꞌñe kowen señoseꞌrtena, tharroꞌmar sapaꞌ amakaꞌye señoteñe erraꞌtsenchaꞌ yethñatsro allempoch nowerra na Ñeñthen Acheñetosets, ñamha erroꞌtsenchaꞌ yethro amaꞌt ñeñthpaꞌ ama señoteñe.

San Mateo 26:41

Eꞌñe señoseꞌrteñothpaꞌ xhoña semaꞌyochosa allochñapaꞌ atthoch amach sañeña aꞌpoerrataterro topateñets ñeñthchaꞌ sewapoya atarr womenk. Ñeñthpaꞌ amaꞌt atarr semneñeñ tharraña sechetsñapaꞌ amakaꞌye awamenkatheyeꞌ penso, ñeñthoꞌmarña notenes xhokmach semaꞌyochena.

San Mateo 8:20

Jesúsñapaꞌ ateth och: —Theꞌpaꞌ napaꞌ peñotenchaꞌ amaꞌt nepakllapaꞌ ama necheñe allchaꞌ neyxhenañ. Roꞌkëphpaꞌ xhokma eñall paꞌpon allekma yexhena. Othexhnopaꞌxhoꞌña xhokma eñall paꞌmaꞌ allekma yexhaꞌyenet. Tharraña naña Ñeñthen Acheñetosetspaꞌ ama eñalle ñeñth eꞌñe nepakëll nepen allchaꞌ nephanena.

San Marcos 13:33

‘Sapaꞌ señotaꞌthach ñamha xhokmach señoseꞌrtenna ñamha xhokmach semaꞌyochena tharroꞌmar sapaꞌ amaña señoteñe esempoch xherr ñeñtheñpo allempoch nowerra.

San Marcos 13:37

Ñeñth ateth notenes sa ñeñthpaꞌ allowenakpaskaꞌye, ñeñthoꞌmarña oꞌch alla noterrserr: Xhokmoepaꞌch señoseꞌrterrna allowenes.

San Lucas 1:19

Mellañotheññapaꞌ alla otererr: —Napaꞌ ñeñthen Gabrieletets ñeñthen sherbeneꞌ Yompor. Napaꞌ ña nellsenseneꞌ atthoch neꞌñoranaꞌtapha oꞌch neñotataph añ kowen ñoñets.

San Lucas 18:1

Allempoña Jesúspaꞌ alla serrpareꞌtaterraneterr tomaꞌnteñtso atthoch eñochet ñeñth poktetsa yokop xhokmach yemaꞌyochena amach yemoenmeꞌchatsche maꞌyochatsa.

San Lucas 20:35

Tharraña esempowañen allempoch tanterret poꞌpocheño allowen ñeñthchaꞌ eꞌñe pokteꞌ entwerr Yompor allochñapaꞌ atthoch oꞌch alla korrerret poꞌpocheño, ñetña allempopaꞌ amaꞌt poesheñarrotheta amach senaꞌterreto, amaꞌt koyaneshaꞌpaꞌxhoꞌ amach eseshayeꞌ apoerraye ñeñthchaꞌ yorerrawet.

San Lucas 21:35

ateth ñerraꞌmrratheꞌ tamell eꞌñech machayotha rreman ñeñthekop amenkareth. Ñeñthe yetharokmach xherrana ora allowen ñeñth yexhaꞌyetsa añe patsro errapharen.

Los Hechos 10:2

Añña Cornelioñapaꞌ nanak kowen kothapeꞌcheꞌth Partsokop, ñamha nanak mechaꞌnaꞌteñ. Amaꞌt ñeñth yexhetsa eꞌñe parro ñetpaꞌxhoꞌña kothapeꞌcheteꞌth kowen Partsokop. Ñapaꞌ nanak amoeraña, shonteꞌ es apaꞌyesaneꞌth ñeñth es palltatseꞌth. Ñamha xhokmach maꞌyochenana Parets.

1 Corintios 16:13

Eꞌñe allowanenpaꞌ oꞌch noterrserr: Theꞌpaꞌ eꞌñech señota, tharroꞌmar xhokma eñall ñeñthchaꞌ yaꞌpsaterreꞌ Yompor. Ñamha eꞌñe sameꞌñeñothpaꞌ womenkëpaꞌch sephaꞌ seyoxher. Ñamha amach semhchaꞌtatsto, xhochña sewmenkta Yomporekop.

2 Corintios 4:14

Yapaꞌ yeñoteñ Yomporpaꞌ awoꞌt tantaterran Poechemer ñeñthara Yepartseshar Jesús. Ñeñthoꞌmar yeñoteñ yapaꞌxhoꞌña tantatwerreychaꞌ Yompor eꞌñe ateth phan Poechemer Jesús, allochñapaꞌ amaꞌt sapaꞌ oꞌch xhapatwerres allowenes eꞌñe parro ñesho.

Colosenses 4:2

Ñamha theꞌ allowenespaꞌ oꞌch notas samha: Xhokmoepaꞌchña semaꞌyoxhrenaña maꞌyochatsa, amach sekhllañotha semaꞌyocheñoña Yompor. Eꞌñechña separasyosoꞌteñeshaꞌ semaꞌyocheña.

1 Tesalonicenses 5:17

Ñamha xhokmoepaꞌchña semaꞌyochena.

2 Timoteo 4:5

Tharraña phapaꞌ añach patherr phokthapeꞌch ñeñth kowentetsa Yomporekop, ñamha xhokmach phaꞌwantaꞌ ñerraꞌm waponapha moeroxhteñets, ñamha añach patherr pemaꞌyoxhra serrpareꞌtatyesets kowen ñoñets alloch yekeshperra. Ñamha xhokmach pethorra ñeñth ateth petarwas apaph Yompor.

1 San Pedro 4:7

Theꞌñapaꞌ oꞌ mellapoterrmocha. Ñeñthoꞌmarña añ poktetsa, eꞌñe yeñotateñothpaꞌ oꞌch yemaꞌyochera Yompor. Eꞌñech yetpara es yepen atthothchaꞌ amach yepseñe Yompor maꞌyochaya.

1 San Pedro 5:8

Eꞌñe señotateñothpaꞌ señotaꞌthach, tharroꞌmar oneñeth ñeñth seꞌmoñeꞌteneꞌpaꞌ xhokma chopeñeꞌchen errapharen ateth ñerraꞌm maꞌyarr, xhach amhchaꞌnoxhetnena eꞌnyeseꞌ ñeñthchaꞌ aꞌchenkat.

1 San Juan 2:28

Theꞌña nechemerneshachaꞌ alloꞌnepaꞌch sesen parrokmatenaya Cristo allochñapaꞌ ñerraꞌm esempoch werra ñapaꞌ ñachña eꞌñe seyemtapoerra atthoch sapaꞌ amach xha sepenkapoero ñerraꞌm esempoch werra.

San Judas 1:24

Theꞌña Yompor ñeñth eꞌñe ñapoeth partsotets, ñeñth allowen es eñotyets, ñamha ñeñth Yaꞌkeshphatañer yepen, ñañapaꞌ atarr awamenkatheshaꞌ, ñachña awamenkath sepeneꞌ allochñapaꞌ amach alla seshoraꞌnerro. Atthochña sapaꞌ xhapatwerreschaꞌ eꞌñe ñesho all atarr kowentena ña. Eꞌñech soksheñeshokmañen sexhaxherr, amach eñalle amaꞌt koñeꞌtha ñeñthchaꞌ entapreterres ñeñth ama pokteyeꞌ enteno ña. Theꞌpaꞌ eꞌñe yameꞌñeñoth Yepartseshar Jesucristo ayeꞌchoxhtaterrapoꞌch Yompor atthoch eꞌñe kowen yekowentaterrñañ. Xhokmoepaꞌch eꞌñe ñapoeth Yepartseshar yepeñ, xhokmoepaꞌch amhchaꞌtarethtena eꞌñe thayotheñ errponañowen ñeñth ateth pha awathotheñ. Theꞌpaꞌ ñeñthach notas, ñeñthpaꞌ atthetepaꞌch Nompore. Allowa. Judas

El Apocalipsis 11:4

Ñewa, añ epsheñoꞌmar ñeñthchaꞌ eñerrets Yomporekop ñetpaꞌ atmaꞌntatarethtenet epcha olivoch ñamha epa all orratenet werare ñeñth eꞌñe thomxhets all Yomporesho, ñeñthara Yompor ñeñth pomnaren phoweneꞌ allowen acheñeneshaꞌ arr patsro.

El Apocalipsis 6:17

Tharroꞌmar theꞌpaꞌ oꞌ xhap añ yethro allempoch yoroxhterra allempoch atsaꞌtatarethterra allowen acheñeneshaꞌ. Amaꞌt eseshapaꞌ amach errothenoth awantoñeto Yompor poꞌyoroxhenña.

El Apocalipsis 7:9

Allempoña napaꞌ oꞌ alla nenterrerr shonteꞌ acheñeneshaꞌ, nanak cheꞌmoechenet ama eꞌñotwenteno ñeñth allpon alloꞌtsen. Shonteꞌ paꞌnamen acheñeneshaꞌ. Ñeñthpaꞌ paꞌnamen anetsoth waxhaꞌtyenet, shonteꞌ paꞌnamen mereñtsoret ñeñth waxhetsa all, shonteꞌ paꞌnamen ñoñets eꞌñe poꞌpoñeꞌttsokma eñosyenet. Ñetñapaꞌ all thomxhenet eꞌñe ñewapoth alloꞌtsen Yompor poꞌkonañ alloꞌtsen ñamha Cristo ñeñth tomaꞌntenaya Carnero. Ñetpaꞌ eꞌñe wallamaꞌtharerochet paꞌshtam. Potothetñapaꞌ añ orraꞌyenet ateth ñerraꞌm shekëpan.

El Apocalipsis 8:2

Allempoña napaꞌ alla nenterrerr mellañotheñneshaꞌ ñeñth kanxherrsheña ñeñth thomxhets eꞌñe all Yomporesho. Ñetña poesheñaꞌttset allpaꞌ aparethtet poktor.