San Lucas 21:25 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁵ ‘Allempopaꞌ orrterrach ento ñeñth amaꞌt awathapaꞌ ama sentare ñeñthchaꞌña señotaterreꞌ, ñeñthpaꞌ eꞌñech atsnesho, orrterra ñamha arrorresho ñamha rantoxhnesho. Ñamha arr patsro ora allpon paꞌnamen acheñeneshaꞌ poeyorñothetpaꞌ atarrchaꞌ nanak llekaꞌrrterret. Añchaꞌ atarr yoreꞌtameꞌterrawet attho ñeñth añekmoen saꞌppaꞌ oꞌch emoꞌyarterra, atarrchaꞌ womenk maꞌmoreterr allempo.

San Lucas 21:25 Iomraidhean Croise

San Mateo 24:29

‘Oꞌchña wañerr ñeñth moeroxhteñetspaꞌ allempoñapaꞌ eꞌñech allorokma mayerr atsneꞌ. Arrorrpaꞌxhoꞌña oꞌwañchaꞌ atsnom. Rantoxhnopaꞌxhoꞌña shorxhaꞌterrchaꞌ entoth. Ñamha ñeñth womenk orraꞌyetsa ento theꞌ allempoña amaꞌt ñeñthpaꞌ pellaꞌyerrach.

San Mateo 27:45

Oꞌña xhap poktopaꞌ oꞌwañ atsnom oꞌ eꞌñe chekmetwa ora errapharen añe patsro, oꞌña ellerrotenmochapaꞌ oꞌ alla poetarerr.

San Marcos 13:24

‘Oꞌchña wañerr ñeñth moeroxhteñetspaꞌ allempoñapaꞌ xhoch mayerrets ñamha atsneꞌ. Arrorrpaꞌxhoꞌña oꞌwañchaꞌ atsnom.

San Marcos 13:26

Allempoñapaꞌ entapoerrnetchaꞌ na Ñeñthen Acheñetosets oꞌch neswamperra osoth eꞌñe nepartsoteñowen eꞌñe nekowenteñeshaꞌ.

San Marcos 15:33

Oꞌña xhap poktopaꞌ oꞌwañ atsnom oꞌ eꞌñe chekmetwa ora errapharen añe patsro, oꞌña ellerrotenmochapaꞌ oꞌ alla poetarerr.

San Lucas 21:24

Ñamha allempo shonteꞌ acheñpaꞌ eꞌñech moetsanatwerranet ñeñthchaꞌ kellarerrawet. Poꞌpotantaññapaꞌ rremanatwerranetchaꞌ ñeñth kellarenawet oꞌch anmarethterret poꞌpoñ anetso bhaxhayo all yexhaꞌyena paꞌnamen acheñ. Acheñeneshaꞌ ñeñth ama judioneshayayepaꞌ ñeñthchaꞌña eꞌñe aꞌmtsoññetwerreꞌña jerusaléñoꞌmarneshaꞌ, atthoch eꞌñe athmamaꞌtweretña ñeñth anetser Jerusaléñ. Atethchaꞌkaꞌye perra ñeñth allponmat onañchareth ñeñth ama judioneshayaye oꞌch amhchaꞌnoxhterret all Jerusaléño.

San Lucas 21:26

Acheñeneshaꞌ eꞌñe pomhchañothetpaꞌ xhach moeneꞌ othanatyerret tharroꞌmar allempopaꞌ oꞌch eñoterret atarrchaꞌ moeroxhterret allowenet arr patsro. Ñamha ñeñth womenk orraꞌyetsa ento theꞌ, allempoña amaꞌt ñeñthpaꞌ pellaꞌyerrach.

Los Hechos 2:19

Allempoña enopaꞌ oꞌch nentatyesanet ñeñth amaꞌt awathapaꞌ ama poentareto. Patsopaꞌxhoꞌña oꞌch norrtatyesanet ñeñthchaꞌ eñotaterrawet. Kellareñtsothpaꞌ norrtatchaꞌ errasats. Poethomamphsannaꞌteñothet paꞌnetserpaꞌ orrterrach tsoꞌ errakmañen, chepoterrchaꞌ amos ñamha errapharen.

El Apocalipsis 20:11

Allempoña oꞌ nenterrerr atarr añekmoen konañ ñeñth atarr wallamaꞌth ñamha ñeñth anets all. Ñaña eꞌñe poꞌpartsoteñoth aꞌchenkatwan añ pats ñamha enet, oꞌ eꞌñe chenkaꞌwerra poktakma. Ñokpoet ama eñalle allchaꞌ aꞌpoet amaꞌt eꞌñe koñeꞌtha.