San Lucas 21:17 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁷ Shonteꞌch acheñeneshaꞌ ñeñthchaꞌ seꞌmoñeꞌterreꞌ tharroꞌmar sapaꞌ nakaꞌye eꞌñe sameꞌñena.

San Lucas 21:17 Iomraidhean Croise

San Mateo 10:22

Shonteꞌch acheñeneshaꞌ ñeñthchaꞌ seꞌmoñeꞌterreꞌ tharroꞌmar sapaꞌ nakaꞌye eꞌñe sameꞌñena. Amaꞌtchaꞌ atarr moeroxhtaterrsetpaꞌ tharraña eseshaꞌch eꞌñe awantaꞌwanmoeꞌ eꞌñe poeyemteñothen na, ñeñthchaꞌña aꞌkeshphatarethterrtsa.

San Mateo 24:9

‘Allempoña sapaꞌ pomoerrsetchaꞌ atthoch errothwanen perrset allchaꞌña moetsatyerrset. Atarrchaꞌ eꞌmoñeꞌterres allowen acheñeneshaxhno tharroꞌmar sapaꞌ nakaꞌyeña eꞌñe sameꞌñena.

San Mateo 5:11

‘Sapaꞌxhoꞌña nanak kosheñtsoꞌtsaꞌyenes ñerraꞌm esempo errotwanen penset noꞌmar. Nanak kosheñtsoꞌtsaꞌyenes ñerraꞌm xho sapaꞌ sasareꞌtyenset, eꞌmoñeꞌtyenset, paꞌnamen sosey tomaꞌtampesyenset.

San Marcos 13:13

Shonteꞌch acheñeneshaꞌ ñeñthchaꞌ seꞌmoñeꞌterreꞌ tharroꞌmar sapaꞌ nakaꞌye eꞌñe sameꞌñena. Amaꞌtchaꞌ atarr moeroxhtaterrsetpaꞌ tharraña eseshaꞌch eꞌñe awantaꞌwanmoeꞌ eꞌñe poeyemteñothen na, ñeñthchaꞌña aꞌkeshphatarethterrtsa.

San Lucas 21:16

Elloña allempoch ateth perrsetpaꞌ ñeñth eꞌñe sompor sepen ñamha sachor ñatoꞌ ñeñthachkaꞌye sepomoerreꞌ tharroꞌmar ñapaꞌ amakaꞌye ameꞌñenno, amapaꞌ ñatoꞌ semoꞌnasheñ, amapaꞌ ñatoꞌ poꞌpotantañ samoꞌtseshaꞌ, amapaꞌ ñatoꞌ ñeñth eꞌñe parro seyemtena ñeñthachkaꞌye sepomoerreꞌ tharroꞌmar ñetpaꞌ ama parrokmayeꞌ atthekma sokthapeꞌcheno. Ñamha patantaꞌttsospaꞌ moetsatyerrsetchaꞌ.

San Lucas 21:18

Napaꞌ atarrchaꞌ nekwampenes atthoch amach errothenoth sechenkërro amaꞌt eꞌñe awatha. Atthoña amaꞌt eꞌñe poepharra sechpaꞌ ñeñthpaꞌxhoꞌña amach naꞌchenkaterrnaso.

San Lucas 6:22

‘Ñamha sapaꞌ atarr kosheñtsoꞌtsaꞌyenes ñerraꞌm esempo eꞌmoñeꞌtenset noꞌmar ñerraꞌm esempo moeñoꞌtenset, ñerraꞌm esempo poesasareꞌteñothetas sochatseꞌtenset tharroꞌmar sapaꞌ na sameꞌñena Ñeñthen Acheñetosets.

San Juan 15:19

Ñerraꞌm sa eꞌñe parro atthekmaseñ ñeñth ama ameꞌñetso arr patsro, ñetñapaꞌ eꞌñetheꞌ kowen moerensetañ tharroꞌmar eꞌñekaꞌye ñeñthenaꞌtarekmas. Tharraña sapaꞌ ama eꞌñe atthekmayeꞌ separroꞌmarneshakmateno ateth pena allowen acheñeneshaꞌ ñeñth ama ameꞌñetso arr patsro. Sañapaꞌ oꞌ naꞌkrerres elloneth nokop. Ñeñthoꞌmarña acheñeneshaꞌ añ patsropaꞌ oꞌ eꞌmoñeꞌtaset samha.

San Juan 15:21

Ñeñthpaꞌ atethchaꞌ perrset tharroꞌmar sapaꞌ nakaꞌye sameꞌñena tharroꞌmar ama eseshayeꞌ eñotenaye Yompor ñeñth nellsenseneꞌ.

San Juan 17:14

Napaꞌ añ neꞌñoranaꞌtenanet ñeñth eꞌñe pho peñoñ. Acheñeneshaꞌña ñeñth ama ameꞌñetso añ patsro, ñetñapaꞌ xha eꞌmoñeꞌtenanet tharroꞌmar ñetpaꞌ ama alloꞌna parroꞌmarneshateneto ñeñth ama ameꞌñetso, ateth nepena namha ama neparroꞌmarneshatenaneto.

San Juan 7:7

Tharroꞌmar acheñeneshaꞌña añ patsropaꞌ amachkaꞌye errothenoth eꞌmoñeꞌtasoña sa, tharraña napaꞌ xhokma eꞌmoñeꞌtyennet tharroꞌmar napaꞌ añkaꞌye neñotatyenanet ñeñth ateth phatseꞌtyenet ñeñth ama pokteyaye.

Los Hechos 9:16

Ñamha oꞌch neñotach Saulo ñapaꞌ oꞌch moeroxhta nanak nokop, tharroꞌmar theꞌpaꞌ oꞌch ameꞌñaꞌna na. Añpaꞌ allowa ñeñth ateth serrpareꞌt Yepartseshar epoet Ananías.

2 Corintios 12:10

Ñeñthoꞌmarña napaꞌ añ atarr nokshateneꞌ attho napaꞌ ama awamenkathoyenayayno ñamha attho atarr penknaꞌntatennet tharroꞌmar ama esoyeꞌ entenneto. Ñamha napaꞌ añña nokshateneꞌ ñeñth allpon atarr echarrareꞌ nentyen, ñamha attho xhokmach kothareꞌtennet, ñamha amaꞌt allpon ñeñth newenoya ñeñthña atarr nokshateneꞌ. Eꞌñe pokteꞌ nenteñ oꞌch nemoeroxhta Cristokop. Tharroꞌmar neñoteñ ñerraꞌm esempo ama awamenkathoyenayeꞌ yenteno eꞌñe ya, allempoña Cristopaꞌ awamenkath peney.

2 Corintios 4:11

Attho allponmat yokrrena añe patsro yapaꞌ xhokmach pomatatenyet yerromoepaꞌtoꞌ. Eꞌñe yemorrenteñoth Jesús ateth penyet. Tharraña attho Jesúspaꞌ oꞌ alla tanterra, yapaꞌxhoꞌña atthoña aꞌkeshphaterrey allempo es yewenoya amaꞌt yapaꞌ arromñatheneshaya. Atthochña yeñotach acheñeneshaꞌ attho Jesús theꞌpaꞌ oꞌ bethterra.

2 Corintios 4:5

Tharroꞌmar ñeñthey eꞌñe yeñmañeshokmañen seserrpareꞌtateneꞌpaꞌ ñeñthpaꞌ ama añekpayeꞌ ateth yepeno atthoch senteney ya ñerraꞌmrratheꞌ samoꞌmteꞌ sepeney. Añchaꞌña yeserrpareꞌtatenes Jesucristo, ñachña Separtseshar sepen. Yapaꞌ añña atarr yethorrena sokop eꞌñe yemorrenteñoth Jesús.

Filipenses 1:29

Ama pathrrayaya moenatenye Yompor attho oꞌ yameꞌñera Cristo. Añña eꞌñe poemoereñothey moenateney ñamha eꞌñe yameꞌñeñothpaꞌ xhochña yemoeroxhta ñokop.

1 San Pedro 4:14

Ñerraꞌm xho sasareꞌtenset attho oꞌ secristonaꞌtarterra, sañapaꞌ atarrchaꞌ kosheñtsoꞌtsenes, tharroꞌmar eꞌñe allempotheñ Yompor Poekamkëñ ñeñth kowenñatsotetspaꞌ xhaponasa sesho. Poꞌñoxh ñetpaꞌ Cristoꞌna sasareꞌtenet tharraña sapaꞌ eꞌñe kowen sekowentateññañ Cristo.

El Apocalipsis 2:3

Ñamha napaꞌ neñotwenes ñeñth allpon semoeroxhtena nokop ñamha attho eꞌñe kowen saꞌwantaꞌwen moeroxhteñets, ama semoenmeꞌcheñe allo sethorrena.