San Lucas 20:5 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵ Ñetñapaꞌ eꞌñe aꞌnawa otannaꞌtyeset: —Taꞌm errothchaꞌkaꞌye yochtheꞌ. Ñerraꞌm xha yoch Yomporeshothkaꞌye apetña llesens, ñañapaꞌ xhatheꞌkaꞌye otey: “Ñewa, sañapaꞌ esoꞌmareꞌtña ama seꞌmhñocheña awaña allempo serrpareꞌtatosan acheñeneshaꞌ.”

San Lucas 20:5 Iomraidhean Croise

San Mateo 16:7

Ñetña kothapeꞌchyesetpaꞌ ateth otannaꞌtyeset: —Amakaꞌye yanmoña pan ñeñthoꞌmartheꞌkaꞌyeña oteney añoꞌch yemeñeꞌtatscheña fariseoneshaꞌ poꞌchaser.

San Mateo 21:25

Sapaꞌxhoꞌña oꞌch sotosen, awañmoꞌcha allempo apateꞌth Juanañ Yomporekop, ñapaꞌ ¿eseshaꞌtña llesenseꞌ ñatoꞌ Yompor amapaꞌ acheñatheꞌ apoeꞌña llesens? Nemnen oꞌch sotosen ñeñth ateth sokthapeꞌchen sa. Ñetñapaꞌ eꞌñe aꞌnawa otannaꞌtyeset: —Taꞌm errothchaꞌkaꞌye yochtheꞌ. Ñerraꞌm xha yoch Yomporeshothkaꞌye apetña llesens, ñapaꞌ xhatheꞌkaꞌye otey: “Ñewa, sañapaꞌ esoꞌmareꞌtña ama seꞌmhñocheña awaña allempo serrpareꞌtatosan acheñeneshaꞌ.”

San Lucas 20:4

awañmoꞌcha allempo apateꞌth Juanañ Yomporekop ñeñthpaꞌ ¿eseshaꞌtña llesenseꞌ ñatoꞌ Yompor amapaꞌ acheñatheꞌ apoeꞌña llesens? Nemnen oꞌch sotosen ñeñth ateth sokthapeꞌchen sa.

San Lucas 20:6

Elloña ñerraꞌm xha yoch acheñeshotha apet llesenspaꞌ acheñeneshaꞌñapaꞌ xhatheꞌ eꞌmoñeꞌtyet. Poeꞌmoñeꞌteñothetaypaꞌ xhatheꞌ rrollapechyet tharroꞌmar ñetpaꞌ eꞌñe kowen eñcheteꞌth Juanañ, xhokma otyenet ñapaꞌ ñeñthkaꞌyeña aꞌmhtoseꞌ Yompor poꞌñoñ.

San Juan 1:30

Añmapaꞌ ñeñthkaꞌyeña notaseꞌth awaña: “Ñeñthchaꞌ wapatsa chentaꞌpaꞌ ñapaꞌ atarr awamenkatheshaꞌ, nañapaꞌ ama tama awamenkatheyayno, tharroꞌmar ñapaꞌ awathotheñ eñalla. Amaꞌt allempo neꞌñalleta na, ñañapaꞌ eñalla.”

San Juan 1:34

Na poꞌñoxhpaꞌ oꞌkaꞌye neñch ñeñthoꞌmar theꞌpaꞌ neñotatenes ñeñthkaꞌyeña Yompor Poechemer.

San Juan 3:26

Ñeñthoꞌmarña awanmoet Juaneshopaꞌ ñetñapaꞌ ateth otoset: —Maestrochaꞌ ñeñth epaph awaña yomhtaꞌn Jordanaso, ñeñth peserrpareꞌtatosey, ñapaꞌxhoꞌña ñepaꞌtkaꞌyeña apatyets ñamha. Ñeñthoꞌmarña allowenetpaꞌ oꞌkaꞌye awanmoet ñesho.

San Juan 3:36

Eseshaꞌch ameꞌñenaya Yompor Poechemer ñetpaꞌ korretsetach poksheñeshokmañen thayotheñ amaꞌt errponañowen. Añña ñeñth athpareꞌteneꞌ Yompor Poechemer ñetpaꞌ amach enterreto ñeñth korreñtsor. Ñetñapaꞌ xhachkaꞌye koñchaterranet Yompor.

Los Hechos 13:25

Oꞌ eꞌnwamochan ñeñth poꞌtarwas phaꞌpaꞌ Juanaññapaꞌ ateth otanet: “Napaꞌ ama añeyayno ñeñth soten ñeñthchaꞌ Cristotats. Ñapaꞌ theꞌpaꞌ ñeñthña nokthaꞌneneꞌ chentaꞌ. Napaꞌ ama esosheꞌmano atthoch amaꞌt poꞌsapatrexhapaꞌ oꞌch nepyoñ.”