San Lucas 20:38 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁸ Jesúsñapaꞌ alla oterraneterr: —Ñewa, yapaꞌ yeñoteñ Yomporpaꞌ ama añeyeꞌ Poꞌyomporer penaye ñeñth rromoets eꞌñe poktakma ñapaꞌ añkaꞌyeña Poꞌyomporer peneꞌ acheñ ñeñth korretsach. Yomporñapaꞌ eꞌñe entenanet allowenetpaꞌ eꞌñe korretseta.

San Lucas 20:38 Iomraidhean Croise

San Mateo 22:32

Ñewa, ñeñthpaꞌ ateth oteney Yompor: “Napaꞌ na ñeñthen Poꞌyomporer pen Abraham ñamha Isaac ñamha Jacob amaꞌt ñetpaꞌ oꞌ rromwet awathotheñ.” Ñewa, yapaꞌ yeñoteñ Yomporpaꞌ ama añeyeꞌ Poꞌyomporer penaye ñeñth rromoets eꞌñe poktakma, ñapaꞌ añkaꞌyeña Poꞌyomporer peneꞌ acheñ ñeñth korretsetach. Atthoña Yomporpaꞌ eꞌñe allameꞌttsa entenanet allowen ñetñapaꞌ eꞌñe bethtetseta.

San Marcos 12:27

Jesúsñapaꞌ alla oterraneterr: —Ñewa, yapaꞌ yeñoteñ Yomporpaꞌ ama añeyeꞌ Poꞌyomporer penaye ñeñth rromoets eꞌñe poktakma, ñapaꞌ añkaꞌyeña Poꞌyomporer peneꞌ acheñ ñeñth korretsach. Atthoña Yomporpaꞌ eꞌñe allameꞌttsa entenanet allowenet ñetñapaꞌ bethtetseta. Ñeñthoꞌmarkaꞌyeña sapaꞌ atarr sepanteñ.

San Lucas 20:39

Añña poesheñaꞌtets ñeñth atarr etsoteneꞌ ñoñets ñeñth ateth anareth, ñetñapaꞌ ateth ochet: —Eꞌñe Maestrochaꞌ eꞌñe poꞌñoxh ateth photen.

San Juan 14:19

Oꞌ mameshamerra palltenmeñ ñeñthña ama ameꞌñetso arr patsro ñetñapaꞌ amach eseshayeꞌ nenterraye, tharraña sapaꞌ xhokmach senterren. Tharroꞌmar napaꞌ korretsana, ñeñthoꞌmarña sapaꞌxhoꞌña korretsasach.

San Juan 6:57

Apa ñeñth nellsenseneꞌ ñapaꞌ ama arromñatheshayaye, ñakaꞌyeña napoeneꞌña attho napaꞌxhoꞌña korretsanach. Ateth nepena namha, allowen ñeñth pokrramh nepeneꞌ napaꞌxhoꞌña añ napoenanet atthoch ñetpaꞌxhoꞌña korretsetach ñamet.

2 Corintios 13:4

Ñewa, poꞌñoxh yeñoteñ allempo korsoꞌtamphset Cristopaꞌ ama awamenkatheyeꞌ enteñeto tharraña Pomporña eꞌñe poꞌwamenkoth alla tantater. Yapaꞌxhoꞌña atthekma yeñotena ama awamenkatheyeꞌ yenteno ñerraꞌm ña, tharraña theꞌña yapaꞌ oꞌ yokrrerra poꞌwamenkoth Yompor atthey ñerraꞌm ña. Atthoña poꞌwamenkoth Yompor eꞌñe kowen yesherbenes.

2 Corintios 6:16

Ñamha ñeñth paꞌpakëll pen Yomporpaꞌ ama attheyaye ñerraꞌmrratheꞌ ñeñth ayexhkatareth ñeñth poꞌyomporer phaꞌyen poꞌpotantañ acheñeneshaꞌ arr patsro. Tharroꞌmar amaꞌt yapaꞌ alloweney ñeñthey ameꞌñenaya, yañapaꞌ paꞌpakëll peney Yompor ñeñth ama arromñatheshayaye. Añpaꞌ ñeñth ateth oten Yompor: Napaꞌ xhokmach neyxhena eꞌñe ñesheto parro allchaꞌ nechopeñeꞌchen. Napaꞌ Poꞌyomporer pennet, ñetpaꞌxhoꞌña eꞌñe neyochreneshaꞌ nepenanet.

Hebreos 11:16

Ñetpaꞌ añña eꞌneteꞌth ñeñthchaꞌ eꞌñe paꞌnetser perret poꞌñoxh ñeñth atarr nanak kowen, ñeñthpaꞌ añepaꞌt Yompor paꞌnetser ñeñth poeꞌntañoꞌtsen. Ñeñthoꞌmarña Yomporpaꞌ eꞌñe pokteꞌ entenanet ama penkënaneto attho Poꞌyomporer peñet. Ñañapaꞌ oꞌpatatenanet ñeñthchaꞌ eꞌñe poꞌñoxh paꞌnetser perret all poeꞌntaño.

El Apocalipsis 22:1

Allempoña mellañotheñpaꞌ oꞌ alla gaterrnerr poꞌñes. Ñeñthpaꞌ arroth wena konañoth alloꞌtsen Yompor epoet ñamha Poechemer Cristo ñeñth atmaꞌntatareth Carnero. Ñeñth oñpaꞌ atarr kowen, atarr llankasaseno poptasoꞌtena. Oñ ñeñth atarr kowen añ tomaꞌntena attho apoeney Yompor atthochña yapaꞌ korretsayach eꞌñe yoksheñeshokmañen errponowañen.