San Lucas 20:35 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁵ Tharraña esempowañen allempoch tanterret poꞌpocheño allowen ñeñthchaꞌ eꞌñe pokteꞌ entwerr Yompor allochñapaꞌ atthoch oꞌch alla korrerret poꞌpocheño, ñetña allempopaꞌ amaꞌt poesheñarrotheta amach senaꞌterreto, amaꞌt koyaneshaꞌpaꞌxhoꞌ amach eseshayeꞌ apoerraye ñeñthchaꞌ yorerrawet.

San Lucas 20:35 Iomraidhean Croise

San Mateo 12:32

Ñamha ñerraꞌm eseshaꞌ nesaseneꞌ na Ñeñthen Acheñetosets ñeñthpaꞌ aphretnaꞌpoꞌ nenteñ. Tharraña ñerraꞌm eseshaꞌ añ achmhareꞌteññañet Parets Poekamkëñ ñeñthñapaꞌ amakaꞌye aphretnaꞌpawoyeꞌ nenteñe. Ñeñthpaꞌ amach aphretnaꞌpawoterro eꞌñe thayotheñ errponowañen.

San Mateo 22:29

Jesúsñapaꞌ atet otapanet: —Xhakaꞌye atarr sepanteñ tharroꞌmar amakaꞌye xhennasoña seyoxhro ñeñth eꞌñe poꞌñoxh ateth yexhateney Yompor poꞌñoñ ñeñth ateth anwareth awathotheñ. Ñamha aña sepantateneꞌ tharroꞌmar sapaꞌ ama sepokteññañe Yompor poꞌwamenk.

San Marcos 10:42

Allempoña Jesúspaꞌ alla xhoreꞌterranet allowenet ñesho ñeñthpaꞌ ateth otanet: —Sapaꞌ señoteñtheꞌ ñeñth ateth pena poꞌpoñ acheñeneshaꞌ ñeñth ama judioneshayaye. Ñet ñeñth paꞌmhchaꞌtarether penet eꞌñech paꞌmhchaꞌnoxhteñokmañen pomnaren phaꞌyenan allowen poeyochreshaxhno.

San Marcos 12:24

Allempoña Jesúspaꞌ ateth oterraneterr: —Sapaꞌ ñeñthoꞌmarkaꞌyeña xha atarr sepanteñ tharroꞌmar amakaꞌye xhennasoña seyoxhro ñeñth eꞌñe poꞌñoxh ateth yexhateney Yompor poꞌñoñ ñeñth ateth anwareth awathotheñ. Ñamha aña sepantateneꞌ tharroꞌmar sapaꞌ ama sepokteññañe Yompor poꞌwamenk.

San Lucas 16:8

Allempo pamoꞌmteꞌ eñotan ñeñth paꞌtarwasañer attha shekareꞌteñ, ñañapaꞌ ateth oten: “Añ acheñer amaꞌt poeshkëñothpaꞌ eꞌñe eñoteñ oꞌch entan ñeñthchaꞌ atarr sherberreꞌ ñokop tsapathoneth.” Poꞌñoxh acheñeneshaꞌ arr patsro ñeñth ama ameꞌñetso ñetñapaꞌ atarr eñoteñet atthoch eꞌñech aña eꞌnenet ñeñthchaꞌ atarr sherberrets ñokpoet tsapathoneth. Tharraña ñeñthña ameꞌñetsapaꞌ ama tama eñoteñeto, ama es kothapeꞌcheneto oꞌch eꞌnenet ñeñthchaꞌ atarr sherberrawet ñamet tsapathoneth.

San Lucas 21:36

Añchaꞌña sapaꞌ xhokmachña señoseꞌrtena ñamha añchaꞌña senamoen Yompor atthoch saꞌwantaꞌwanom allowen ñeñthchaꞌ sewapoya paꞌnamen moeroxhteñtsoxhno allochñapaꞌ sañapaꞌ eꞌñech señmañeshaꞌ sathomwerr nesho na Ñeñthen Acheñetosets.

San Juan 5:29

Xhaꞌnmaxherretchaꞌ alloth apamparethteteꞌth. Ñeñth ateth phaꞌyesayeꞌth eꞌñe kowen ñeñth poktetsa ñetñapaꞌ añekopchaꞌ tanterret atthoch ello alla korrerret. Ñeñthña phaꞌyesayeꞌth ñeñth ama pokteyaye ñetñapaꞌ añekpach tanterret atthoch ello alla amñarethterret koñcheñtso.

Los Hechos 24:15

Ñamha napaꞌ añ nameꞌñena ñeñth atthoch esempowañen Yomporpaꞌ tantaterranchaꞌ allowen acheñ —ñeñth eꞌñe kowen acheñ ñamha amaꞌt ñeñth ama kowenayaye acheñ. Ñetpaꞌxhoꞌña ñeñthara ameꞌñenet.

Los Hechos 5:41

Allempoñapaꞌ oꞌ awanenet, oꞌ saꞌneñet ñeñth xhokma aꞌpoktatyeneꞌ ñoñets. Eꞌñe poksheñeshokmañen awanenet tharroꞌmar Yompor eꞌñe pokteꞌ entanet ñeñthoꞌmar moenatanet oꞌch moeroxhtet ñokop.

2 Tesalonicenses 1:5

Ñewa, yapaꞌ yeñoteñ Yomporpaꞌ eꞌñe pokteꞌ es phaꞌyen. Ñeñthoꞌmarña yeñoteñ sapaꞌ eꞌñe sameꞌñeñoth ña, ñañapaꞌ eꞌñekaꞌye pokteꞌ entenes allochñapaꞌ atthoch sexherr all amhchaꞌtarethtena ña, sapaꞌ ñeñthekopña atarr saꞌmoeroxhtatarethtenaña theꞌ.

Hebreos 11:35

Amaꞌt poꞌpotantañ koyaneshaxhno ñetpaꞌxhoꞌña eꞌñe poeyemteñothet Yompor, oꞌ alla atantatarethterret pamoꞌts ñeñth rromoets. Poꞌpotantañ amaꞌt atarr atserrphatseꞌtarethtenet, ñetpaꞌxhoꞌña eꞌñe poeyemteñothet Yompor ama moeneñeto oꞌch kexhpoet Yompor atthoch aꞌrroyarethetyerret. Eꞌñe pokteꞌ enteñet oꞌch rromoet poeyemteñothet Yompor tharroꞌmar ñetpaꞌ eñoteñet allach tanterret ello ñeñth atarr nanak kowentetsa.

El Apocalipsis 3:4

Tharraña amaꞌt attheñpaꞌ all anetso Sardiso eꞌñe poesheñaꞌttsaña ñeñth ama yexhenaye sosyaꞌtsañ ñeñth ama pokteyeꞌ enteno Yompor. Ñetpaꞌ ateth atmaꞌntatarethtenet amaꞌt paꞌshtamoetpaꞌ ama aꞌsosyateñeto. Ñeñthoꞌmar ñetpaꞌ eꞌñe pokteꞌ nentenanet ñamha atthochña nemnaterranet oꞌch yechopeꞌcherr eꞌñe parro tharroꞌmar ñet ñeñth neshtamtatenanetpaꞌ ama aꞌsosyateñeto, eꞌñe kowenarer orrtenet eꞌñe wallamaꞌthareret.