San Lucas 20:26 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁶ Atthoña amaꞌt poeshkëñothet ateth otyenetpaꞌ ama errothenoth eñoracheto ñeñth ama pokteyaye amaꞌt ñamha gobiernokop tharroꞌmar allowen acheñeneshaꞌ ñeñth alloꞌtsaꞌyen eꞌñe kowen enteñet ateth anapoenanet Jesús. Ñeñthña ashkañneshaꞌpaꞌ attha kowanrrorteñet tharroꞌmar atarr kowen anapoenanet Jesús. Ñeñthoꞌmarña ñetpaꞌ ama errothenayeꞌ otenayeꞌ entereterro.

San Lucas 20:26 Iomraidhean Croise

San Mateo 22:12

Amhchaꞌtarethñapaꞌ ateth och: “Esoꞌmareꞌtña masheñe pebeꞌthenña arr amakaꞌye añeyeꞌ pechorreno shetamoets emarr atthoch phokshaprecha ñeñth senaꞌtetsa.” Ñañapaꞌ ama eñoro.

San Mateo 22:22

Ñetña ateth eꞌmoeñet Jesús ateth anapoenanetpaꞌ attha kowanrrorteñet tharroꞌmar Jesúspaꞌ atarrkaꞌye kowen anapoenanet. Attheñapaꞌ kexhpaꞌwaneretpaꞌ awanerret.

San Mateo 22:34

Ñamha allempo fariseoneshaꞌ eꞌmareꞌchet attho Jesús emmaꞌwan saduceoneshaꞌ ñetñapaꞌ apxhannaꞌtet parro.

San Mateo 8:10

Allempo eꞌman Jesús ñeñth ateth oten capitán, ñañapaꞌ ateth otan allowen acheñeneshaꞌ ñeñth kothaꞌneneꞌ: —Ñapaꞌ atarrkaꞌye yemtenna, amaꞌt ñapaꞌ amakaꞌye judioneshayaye. Napaꞌ poꞌñoxh oꞌch notas: Amaꞌt awathapaꞌ ama nentareña acheñ ñeñth eꞌñe ateth neyemtenaya, amaꞌt allowen israelenaꞌtarneshaꞌpaꞌ amaꞌt poesheñarra ama nentareña ñeñth ateth atarr neyemtenaya.

San Lucas 11:54

Ñetpaꞌ añ atarr eꞌnenet atthoch otatseꞌtachet allochñapaꞌ ñatoꞌ poꞌtatseꞌtateñothetpaꞌ atthoch otteñeꞌcheñet.

San Lucas 13:17

Acheñeneshaꞌ allowen ñeñth eꞌmoñeꞌteneꞌ ñetpaꞌ ñeñthña atarr penkatawet. Poꞌpotantañña acheñeneshaxhnopaꞌ ñetñapaꞌ atarr nanak koshenet. Atarr nanak kowen entenet ñeñth ateth pha Jesús.

San Lucas 20:20

Tharraña ñetpaꞌ aña atarr eꞌnenet atthoch amaꞌt parrochapaꞌ oꞌch eñorachet ñeñth ama pokteyaye amaꞌt ñamha gobiernokop, allochñapaꞌ atthoch rremoet oꞌch pomoeñetaꞌ amhchaꞌtarethesho ñeñth nen gobiernoꞌ Romoth ñeñth amhchaꞌtarethtetsa alloꞌmarekop. Attheña ñetñapaꞌ eꞌñe aꞌnawa moeñet allponsheña acheñ Jesúsesho ñeñth ottetsañ ñerraꞌmrratheꞌ atarr kowen acheñ, tharraña ñetpaꞌ añekpa amñarethtet atthoch eꞌñe poeshkëñoth poꞌñoñothetpaꞌ oꞌch eñorachet ñeñth ama kowenayaye.

Romanos 3:19

Ñamha yapaꞌ yeñoteñ ñeñth ateth otyen Yompor poꞌñoñ ñeñth akellkaꞌwareth awathotheñpaꞌ añekopña oten ñeñth echeneꞌ poꞌñoñ, amaña añekpayaye ñeñth ama echayeꞌthe poꞌñoñ allempo. (Ateth ñerraꞌm judioneshaꞌpaꞌ amaꞌt awathotheñ echeññañet Yompor poꞌñoñ, ñeñthara ñoñets ñeñth oꞌ notwanmas ñorraꞌ arr.) Ñeñthoꞌmarña amaꞌt poesheñarrothesa sa amaꞌt ñeñthes judioneshaspaꞌ amatheꞌ errothenoth soto, sapaꞌ eꞌñoꞌ kowen entenes Yompor. Atthoña yeñoteñ amaꞌt alloweney ñeñthey korretsa añe patsropaꞌ ama pokteyeꞌ entenye Yompor ñeñth ateth yephaꞌyena.

Tito 1:10

Tharroꞌmar eñall shonteꞌ ñeñth athpareꞌtets, ñamha ñeñth eꞌñe orrena otatseꞌtyets, ñamha ñeñth shekareꞌtyets. Poꞌñoxh ñeñthpaꞌ ateth pena shonteꞌ judioneshaꞌ.