San Lucas 20:25 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁵ Jesúsñapaꞌ alla oterraneterr: —Ñeñthepñapaꞌ añ poktetsa oꞌch yaph amhchaꞌtareth ñeñth ño ñeñth ateth poktetsa gobiernokop; tharraña elloneth ñeñth Yomporo oꞌch yaph ñamha ñeñth ateth poktetsa ñokop.

San Lucas 20:25 Iomraidhean Croise

San Mateo 17:27

Amaꞌt pokteñ amach netsaꞌtatsto tharroꞌmar napaꞌ ñeñthen Poechemeren ñeñth paꞌpakëll peneꞌ ñeñthekop tsaꞌtenet, tharraña atthoch ama yaꞌtsrreꞌmatanetopaꞌ eꞌñekaꞌye pokteꞌ oꞌch netsaꞌta. Oꞌch aweph oño oꞌch pegoꞌtenaꞌ all. Erraꞌtsenchaꞌ ñanom pechtaꞌ pegoroth ñeñthñapaꞌ oꞌch pexhete. Poenamopaꞌ allchaꞌkaꞌye pent poetallarr kelle. Ñeñthña kellepaꞌ oꞌch phaner ñeñthñapaꞌ alloch petsaꞌtanet nokop amaꞌt ñamha phokop.

San Mateo 22:21

Ñetñapaꞌ atet ochet: —Amhchaꞌtarethkaꞌye atmaꞌntarethtetsaña all, ñamha ñokaꞌyeña paꞌsoꞌcheñ ñeñth akellkarethtetsa all. Jesúsñapaꞌ alla oterraneterr: —Ñeñthepñapaꞌ añ poktetsa oꞌch yaph amhchaꞌtareth ñeñth ño ñeñth ateth poktetsa gobiernokop, tharraña ellonethña ñeñth Yomporo oꞌch yaph ñamha ñeñth ateth poktetsa ñokop.

San Marcos 12:17

Jesúsñapaꞌ alla oterraneterr: —Ñeñthepñapaꞌ añ poktetsa oꞌch yaph amhchaꞌtareth ñeñth ño ñeñth ateth poktetsa gobiernokop, tharraña ellonethña ñeñth Yomporo oꞌch yaph ñamha ñeñth ateth poktetsa ñokop. Ñeñthña shekënayeñ attha kowanrrorteñet tharroꞌmar Jesúspaꞌ atarrkaꞌye kowen anapoenanet.

San Lucas 20:24

—Ñewa, segaten poetallarr kelle. Gatwetpaꞌ ateth otanet: —Ñewa, sapaꞌ oꞌch soten, ¿eseshaꞌt sentenña ñeñth atmaꞌntatarethtetsa all? ¿Eseshaꞌt paꞌsoꞌcheñ ñeñth akellkarethtetsaña all? Ñetñapaꞌ ateth ochet: —Amhchaꞌtarethkaꞌye atmaꞌntatarethtetsaña all ñamha ñokaꞌyeña paꞌsoꞌcheñ ñeñth akellkarethtetsa all.

Los Hechos 5:29

Allempoñapaꞌ otanet Pedro ñamha ñeñth epoet, ñetñapaꞌ ateth ochet: —Añña eꞌñe pokteꞌ amach acheña yameꞌño, añña Yomporchaꞌña yameꞌña.

1 Corintios 10:31

Ñeñthoꞌmar theꞌpaꞌ oꞌch notas: Amaꞌt erraꞌtsena es yephaꞌyenpaꞌ añ pokteꞌ oꞌch yorrtena eꞌñe kowen, atthoch acheñeneshaꞌ oꞌch ayeꞌchoxhtateññañet ñamet Yompor. Amaꞌt allempo es yerraꞌyen, ñamha amaꞌt allempo es yorryenpaꞌ añ pokteꞌ oꞌch yorrtaten eꞌñe kowen Yomporekop.

1 San Pedro 4:11

Ñeñthpaꞌ ateth ñerraꞌm eseshas serrpareꞌtatspaꞌ Yomporepaꞌchña poꞌñoñ seserrpareꞌten. Ñerraꞌm eseshas yenpoeneꞌ poꞌpsheñeñpaꞌ Yomporepaꞌchña poꞌwamenkoth seyenpannena. Allochñapaꞌ yeparrokmateñoth epay Jesucristopaꞌ oꞌch yaꞌyeꞌchoxhtatwerrñañ Yompor. Yomporepaꞌchña ayeꞌchoxhtatwapoꞌ alloweney. Amhchaꞌnaꞌtpawepaꞌch poꞌpartsoña thayotheñ errponowañen. Ñeñthpaꞌ atthepaꞌchña Nompore.