San Lucas 20:24 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁴ —Ñewa, segaten poetallarr kelle. Gatwetpaꞌ ateth otanet: —Ñewa, sapaꞌ oꞌch soten, ¿eseshaꞌt sentenña ñeñth atmaꞌntatarethtetsa all? ¿Eseshaꞌt paꞌsoꞌcheñ ñeñth akellkarethtetsaña all? Ñetñapaꞌ ateth ochet: —Amhchaꞌtarethkaꞌye atmaꞌntatarethtetsaña all ñamha ñokaꞌyeña paꞌsoꞌcheñ ñeñth akellkarethtetsa all.

San Lucas 20:24 Iomraidhean Croise

San Mateo 18:28

Ñeñthña paꞌtarwasañerpaꞌ oꞌ xhaꞌnerr entwerran poꞌpsheñeñ ñeñth parro atarwasatarethtenet ñeñth tebeneꞌ ñamha, ñeñthpaꞌ eꞌñe koñeꞌtha kelle. Ñañapaꞌ xha rremaꞌwerreꞌpaꞌ allentha moeñoxheꞌ ateth otwer: “Petsaꞌterrnañakaꞌye ñeñth allpon petebenen.”

San Mateo 20:2

Ñeñth allpon entospaꞌ ateth otosanet: “Amaꞌt semno oꞌch setarwasenaꞌ naꞌmro. Pamthaꞌtetspaꞌ netsaꞌtasach allpon kelle ñeñth patherr denario.” Ñetñapaꞌ eꞌñe pokteꞌ eñchet allentha moeñanet paꞌmro, allchaꞌ thotoset narmetsmo.

San Mateo 22:20

Ñañapaꞌ ateth oterraneterr: —Ñewa, sapaꞌ oꞌch soten, ¿eseshaꞌt sentenña ñeñth atmaꞌntarethtetsa all? ¿Eseshaꞌt paꞌsoꞌcheñ akellkarethtetsa all?

San Marcos 12:16

Ñetña apetpaꞌ ñañapaꞌ ateth oterraneterr: —Ñewa, sapaꞌ oꞌch soten, ¿eseshaꞌt sentenña ñeñth atmaꞌntatarethtetsaña all? ¿Eseshaꞌt paꞌsoꞌcheñ akellkarethtetsa all? Ñetñapaꞌ ateth ochet: —Amhchaꞌtarethkaꞌye atmaꞌntarethtetsaña all, ñokaꞌyeña paꞌsoꞌcheñ ñeñth akellkarethtetsa all.

San Lucas 2:1

Allempopaꞌ añ amhchaꞌtarethtatseꞌth romoꞌmarneshaꞌ ñeñthpaꞌ añ paꞌsoꞌcheñ Augusto. Ñañapaꞌ nenan poꞌñoñ ñeñthpaꞌ ateth oten: Allowen acheñeneshaꞌ errapharen añe patsropaꞌ kellkatyesetepaꞌ paꞌsoꞌcheñ.

San Lucas 20:22

Ñeñthoꞌmarña theꞌpaꞌ yemneñ oꞌch peñotatapoey erraꞌtsentheꞌña eꞌñe poꞌñoxh kowentetsa. ¿Pokteꞌtheꞌ oꞌch yetsaꞌta impuestos añekop ñeñth amhchaꞌtarethtetsa Romo, ñeñth ama judioneshayaye? Ñatoꞌ amatheꞌ pokteyaye yokop ñeñthey judioneshay oꞌch yetsaꞌta amhchaꞌtareth romoꞌmarneshaꞌ ñeñth ama judioneshayaye.

San Lucas 20:23

Jesúsñapaꞌ eñotanet ñeñth ateth shekareꞌteñetañ, ñañapaꞌ ateth otanet:

San Lucas 20:25

Jesúsñapaꞌ alla oterraneterr: —Ñeñthepñapaꞌ añ poktetsa oꞌch yaph amhchaꞌtareth ñeñth ño ñeñth ateth poktetsa gobiernokop; tharraña elloneth ñeñth Yomporo oꞌch yaph ñamha ñeñth ateth poktetsa ñokop.

San Lucas 23:2

Allñapaꞌ atarr otteñeꞌchoset, tomaꞌtampesyesoset, ñeñthpaꞌ ateth otyesoset: —Ya añ acheñer xhokma yenteñ yexhatyenan yamoꞌtseshaxhno judioneshaꞌ ñeñth amaꞌt mameshapaꞌ ama kowenayaye, ñamha ateth oteney añoꞌch yetsaꞌtatsto impuesto ñeñth romoꞌmarneshakop ñeñth nen amhchaꞌtareth Romoth. Amaꞌt ñapaꞌ ateth otena ñapaꞌ ñoꞌ Cristotets ñoꞌ atarr amhchaꞌtarethtetsa arr.

San Lucas 3:1

Ñewa, allempo xhap allempoch amhchaꞌtarethta ñamha ñeñth paꞌsoꞌcheñ Tiberio all Romo. Allempo xhap oꞌ amhchaꞌtarethta xharraꞌ poechena amnar char allempoña Judeopaꞌ añ amhchaꞌtarethtatsa ñamha Poncio Pilato. Galileoñapaꞌ añ amhchaꞌtarethtatsa Herodes. Paꞌmoꞌnasheñña Felipepaꞌ ñapaꞌ epa anetsokop amhchaꞌtarethta, ñeñthpaꞌ arr amhchaꞌtarethta Iturea ñamha Traconite. Lisaniasñapaꞌ arr amhchaꞌtarethta Abilinio.

Los Hechos 11:28

añña ñeñth paꞌsoꞌcheñ Agabopaꞌ oꞌ thomospaꞌ serrpareꞌtatosanet, ateth otanet: —Orrtach moexheñets esempo errapharen patso. Añpaꞌ allowa ñeñth ateth ot Agabo. Añ eñotateꞌ Yompor Poekamkëñ, amaꞌt allempopaꞌ ama orrtenaꞌ moexheñets. Allempo amhchaꞌtarethta Claudiopaꞌ allempoꞌña orrta moexheñets.

Los Hechos 26:32

Allempoña amhchaꞌtareth Agripa otan Festo: —Amach ña moenetsñe oꞌch aꞌpoktatenanaꞌ ñoñets amhchaꞌtarethesho Romopaꞌ yapaꞌ oꞌtheꞌ yaꞌrroyereñ eꞌñe thayekma.

Filipenses 4:22

Ñamha allowen ñeñth poeyochreshaꞌ oꞌ perranet Parets arr Romopaꞌ ñetpaꞌxhoꞌña moeneñet oꞌch womhchaꞌtaset ñamet necartoth. Ñeñth nanak moenets atethpaꞌ ñeñthpaꞌ ñeñth parro yexhena ñeñth atarr amhchaꞌtarethtetsa arr Romo.