San Lucas 20:23 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²³ Jesúsñapaꞌ eñotanet ñeñth ateth shekareꞌteñetañ, ñañapaꞌ ateth otanet:

San Lucas 20:23 Iomraidhean Croise

San Mateo 16:1

Fariseoneshaꞌ ñamha saduceoneshaꞌ ñetpaꞌ oꞌ awanmoet oꞌch enteñetaꞌ Jesús. Xhaxhaꞌtet Jesúsesho ñetña poeshkënothetpaꞌ ateth otyesoset: —Yapaꞌ añ yemnen oꞌch pegatapoey pepartsoña entoth allochñapaꞌ atthoch yeñotoseph poꞌñoxh phapaꞌ Parets Poechemereph. Ñetpaꞌ xha moeneñet oꞌch topatoset Jesús.

San Mateo 22:18

Jesúsñapaꞌ eñotapanet ñeñth ateth kothapeꞌchyenetañ ñokop, ñañapaꞌ ateth otanet: —Sapaꞌ atarr ashkarñathes, esoꞌmareꞌtña semneñña oꞌch seshkareꞌtenen.

San Lucas 20:20

Tharraña ñetpaꞌ aña atarr eꞌnenet atthoch amaꞌt parrochapaꞌ oꞌch eñorachet ñeñth ama pokteyaye amaꞌt ñamha gobiernokop, allochñapaꞌ atthoch rremoet oꞌch pomoeñetaꞌ amhchaꞌtarethesho ñeñth nen gobiernoꞌ Romoth ñeñth amhchaꞌtarethtetsa alloꞌmarekop. Attheña ñetñapaꞌ eꞌñe aꞌnawa moeñet allponsheña acheñ Jesúsesho ñeñth ottetsañ ñerraꞌmrratheꞌ atarr kowen acheñ, tharraña ñetpaꞌ añekpa amñarethtet atthoch eꞌñe poeshkëñoth poꞌñoñothetpaꞌ oꞌch eñorachet ñeñth ama kowenayaye.

San Lucas 20:22

Ñeñthoꞌmarña theꞌpaꞌ yemneñ oꞌch peñotatapoey erraꞌtsentheꞌña eꞌñe poꞌñoxh kowentetsa. ¿Pokteꞌtheꞌ oꞌch yetsaꞌta impuestos añekop ñeñth amhchaꞌtarethtetsa Romo, ñeñth ama judioneshayaye? Ñatoꞌ amatheꞌ pokteyaye yokop ñeñthey judioneshay oꞌch yetsaꞌta amhchaꞌtareth romoꞌmarneshaꞌ ñeñth ama judioneshayaye.

San Lucas 20:24

—Ñewa, segaten poetallarr kelle. Gatwetpaꞌ ateth otanet: —Ñewa, sapaꞌ oꞌch soten, ¿eseshaꞌt sentenña ñeñth atmaꞌntatarethtetsa all? ¿Eseshaꞌt paꞌsoꞌcheñ ñeñth akellkarethtetsaña all? Ñetñapaꞌ ateth ochet: —Amhchaꞌtarethkaꞌye atmaꞌntatarethtetsaña all ñamha ñokaꞌyeña paꞌsoꞌcheñ ñeñth akellkarethtetsa all.

San Lucas 5:22

Jesúsñapaꞌ eñotanet ñeñth ateth otenet ñokop, ñañapaꞌ ateth otanet: —Sapaꞌ esoꞌmareꞌtchaꞌña ateth sokthapeꞌchatseꞌtyesña seyoxhro.

San Lucas 6:8

Jesúsñapaꞌ eñotanet ñeñth ateth kothapeꞌchatseꞌtyenet poeyoxhreto. Ñañapaꞌ ateth otan yakma ñeñth chelletsa pot: —Aphon phathomos arrma. Yakmaña wapapaꞌ oꞌ thomos all rroxho.

Los Hechos 13:10

Oꞌ kowan achyoꞌtañpaꞌ ateth och: —Phapaꞌ nanak peshkëñ acheñ, nanak peyexhkaten ñeñth ama kowenayaye. Aña phompor pepen oneñeth. Nanak peꞌmoñeꞌteñ ñeñth poktetsa Yomporekop. Esempowachñakaꞌ pewnaꞌña attho photen ama kowenaye Yompor poꞌñoñ. Añpaꞌ ñeñthña poꞌñoxh ñeñth kowentetsa.

1 Corintios 10:9

Ñamha ama pokteyaye eꞌñe poꞌtomñapaꞌ oꞌch yaꞌllokchameꞌch Yompor. Ñeñth ateth peꞌth patantaꞌtets acheñeneshaꞌpaꞌ ñeñthoꞌmaroꞌña shonteꞌ acheñeneshaꞌ ñeñth axhanatyes shechephpaꞌ eꞌñe kollaꞌwet.

1 Corintios 3:19

Tharroꞌmar ñerraꞌm esempo ñeñthey acheñey añe patsro ñerraꞌm xha yotenapañ yapaꞌ atarrtheꞌ es yeñoten, Yomporñapaꞌ ateth enteney ñerraꞌmrratheꞌ xha yotatseꞌtyen. Ñeñthpaꞌ anwareth ñamha awathotheñ Yompor poꞌñoño, ñeñthpaꞌ ateth oten: “Amaꞌt attho es eñotatseꞌtyenetpaꞌ Yomporñapaꞌ oꞌch eñotanet attha otatseꞌtyenet, amaꞌt ñetpaꞌ otenapoetañ nanaktheꞌ es eñotenet tharraña ñeñthpaꞌ shekëñtsa.”

Efesios 4:14

Ya theꞌpaꞌ ama attheye ñerraꞌm cheshaneshaꞌ ñeñth ama es eñotetso ñeñth epwoyeꞌ kothapeꞌcheneꞌ kowen. Ñewa, ateth ñerraꞌm cheshaneshaꞌ theꞌpaꞌ ñatoꞌ poꞌpoñchaꞌ kothapeꞌchyenet, ñatoꞌ tsapathñapaꞌ oꞌchxhoꞌ kothapeꞌchyeneterr poꞌpoñ. Yapaꞌxhoꞌña ateth yepena yamha allempo ama yepoꞌnenaꞌ Cristokop. Yaña ñeñthey ama epwoyeꞌ yoktheñe Cristopaꞌ amach errothenoth yeꞌmhñocheña ya ashkañ atthoch ameꞌñatya ña pokthaphña, aththoch oꞌch pantatey.

Hebreos 4:13

Amaꞌt poesheñarrotheya amach errothenoth yeꞌpotampesyoña Yompor ñeñth yeyexhkateꞌ. Amatheꞌ errothenoth yaꞌnasotampesyoña, ñapaꞌ eꞌñekaꞌye entwennayña yeyoxher ñeñth ora allpon es yokthapeꞌchyen. Ñapaꞌ ñach yaꞌmethatatwerreꞌ allowen ñeñth allpon yokthapeꞌchyen.