San Lucas 20:18 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁸ Elloñapaꞌ ateth otanet: —Allowen ñeñth epothoꞌtetsa añ mapyopaꞌ atarrchaꞌ atserrpenanet, ñamha añ mapoeꞌpaꞌ ñerraꞌm eseshesho mataꞌnompaꞌ eꞌñech aꞌtpetseꞌtwosanet.

San Lucas 20:18 Iomraidhean Croise

San Mateo 21:34

Xhap allempo yen uvachllomhpaꞌ ñañapaꞌ moeñerran poꞌpsheññexhno paꞌtarwasañer ñetchaꞌ enamoerrtsetaꞌ uvachllomh poꞌpsheñeñ paꞌtarwasañresho ñeñth kowampeneꞌ uvachmaꞌ.

San Mateo 21:44

Allowen erraꞌtsenchaꞌ atetsa añ mapyo ñeñthña mapoeꞌpaꞌ eꞌñech aꞌyosatseꞌtwanet. Ñamha ñerraꞌm eseshesho shoraꞌnom ñeñth mapyerpaꞌ eꞌñech aꞌpephtseꞌtwosanet. Atthoña Jesúspaꞌ tomaꞌntatanet ñerraꞌm ama eseshaꞌ pokteyeꞌ entenaye Cristo ñerraꞌm erraꞌtsenchaꞌ ama agërraye, ñeñthña acheñerpaꞌ xhokmach wapoña ñeñthchaꞌ atarr moeroxhtaterrawet.

1 Tesalonicenses 2:16

Ñetpaꞌ atarr epatareꞌtenyet atthoch yeserrpareꞌtach poꞌpoñ acheñ ñeñth ama judioneshayaye atthoch ñetpaꞌxhoꞌña oꞌch aꞌkeshphatarethterret. Atthoña ñetpaꞌ atarr nanak yorenet poꞌchñaret. Tharraña theꞌña Yomporpaꞌ oꞌ entatwerrmochanet poꞌyoroxhenña.