San Lucas 20:14 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁴ Arepaꞌtchaꞌña amaꞌt mameshapaꞌ mechaꞌnaꞌtapeto. Allempo entapoñet poechemerpaꞌ ateth otannaꞌtyeset: “Añmapaꞌ ñeñthkaꞌyeña poechemer ñeñthchaꞌ oꞌpaterraya pompor poenaremh esempo. Ñapaꞌxhoꞌña theꞌpaꞌ oꞌchkaꞌye yemtsaph allochñapaꞌ yachkaꞌyeña eꞌñe oꞌpaterrayaña pompor poenaremh.”

San Lucas 20:14 Iomraidhean Croise

San Mateo 16:7

Ñetña kothapeꞌchyesetpaꞌ ateth otannaꞌtyeset: —Amakaꞌye yanmoña pan ñeñthoꞌmartheꞌkaꞌyeña oteney añoꞌch yemeñeꞌtatscheña fariseoneshaꞌ poꞌchaser.

San Mateo 21:25

Sapaꞌxhoꞌña oꞌch sotosen, awañmoꞌcha allempo apateꞌth Juanañ Yomporekop, ñapaꞌ ¿eseshaꞌtña llesenseꞌ ñatoꞌ Yompor amapaꞌ acheñatheꞌ apoeꞌña llesens? Nemnen oꞌch sotosen ñeñth ateth sokthapeꞌchen sa. Ñetñapaꞌ eꞌñe aꞌnawa otannaꞌtyeset: —Taꞌm errothchaꞌkaꞌye yochtheꞌ. Ñerraꞌm xha yoch Yomporeshothkaꞌye apetña llesens, ñapaꞌ xhatheꞌkaꞌye otey: “Ñewa, sañapaꞌ esoꞌmareꞌtña ama seꞌmhñocheña awaña allempo serrpareꞌtatosan acheñeneshaꞌ.”

San Mateo 21:34

Xhap allempo yen uvachllomhpaꞌ ñañapaꞌ moeñerran poꞌpsheññexhno paꞌtarwasañer ñetchaꞌ enamoerrtsetaꞌ uvachllomh poꞌpsheñeñ paꞌtarwasañresho ñeñth kowampeneꞌ uvachmaꞌ.

San Lucas 19:47

Patheꞌtets yeth Jesúspaꞌ xhokmach seneꞌth Parets paꞌpakllo all yexhatenaneteꞌth Yompor poꞌñoñ. Añña ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar ñamha añ ñeñth atarr etsotayenayeñ ñoñets ñeñth ateth anareth ñamha poꞌpotantañ ñeñth amhchaꞌtarethetyetsa all anetso, ñetñapaꞌ Jesúsa atarr oꞌpatyenet atthoch moetsatachet.

San Lucas 20:13

‘Allempoña ñeñth pamoꞌmteꞌ penetpaꞌ ateth ot: “Theꞌpaꞌ errothwachñakaꞌyeña nepeꞌtheꞌ. Theꞌpaꞌ oꞌch nemñe ñeñth eꞌñe na nechemer ñeñth atarr nemorrentena. Ñatoꞌrraña ñeñthpaꞌ mechaꞌnaꞌtapetchaꞌ.”

San Lucas 20:15

Allempoñapaꞌ oꞌ rromapet oꞌ chetareꞌtnomet narmetsmo aꞌyoth, allña moetsapoñetña ñamha poechemer. Arrpaꞌ allowa ateth tomaꞌntata Jesús eꞌñe ñañeña. Jesúsñapaꞌ ateth oterranerr acheñeneshaꞌ: —Ñewa, theꞌpaꞌ oꞌch notas, ñeñth pamoꞌmteꞌ pen atarwasañexhnopaꞌ atethchaꞌ phowerranet.

San Lucas 20:19

Añña ñeñth atarr etsotayenayeñ ñoñets ñeñth ateth anareth ñamha ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar, ñetña allempopaꞌ oꞌ eñochet ñetkaꞌye atmaꞌntatarethtenet, ñeñthpaꞌ ñokpoetkaꞌye ateth eñorenaña Jesús. Allempoña ñetpaꞌ atarr moeneñetañ oꞌch rremoet Jesús eꞌñe allorokma tharraña ama eseshayeꞌ rromaye tharroꞌmar ñetpaꞌ mechaꞌteñet acheñeneshaꞌ. Ñewa, acheñeneshaꞌ eꞌñekaꞌye kowen enteñet Jesús.

San Lucas 20:5

Ñetñapaꞌ eꞌñe aꞌnawa otannaꞌtyeset: —Taꞌm errothchaꞌkaꞌye yochtheꞌ. Ñerraꞌm xha yoch Yomporeshothkaꞌye apetña llesens, ñañapaꞌ xhatheꞌkaꞌye otey: “Ñewa, sañapaꞌ esoꞌmareꞌtña ama seꞌmhñocheña awaña allempo serrpareꞌtatosan acheñeneshaꞌ.”

San Lucas 22:2

Tharraña allowen ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar ñamha allowen ñeñth atarr etsotayenayeñ ñoñets ñeñth ateth anarethet ñokpoet, ñetñapaꞌ Jesúsa atarr oꞌpatenet oꞌch moetsatachet tharraña ñetpaꞌ aña mechaꞌnaꞌtenet acheñeneshaꞌ.

Los Hechos 2:23

Añña ñeñthara Jesús sañapaꞌ oꞌ sepomwer atthoch korsoꞌtamphset. Sañapaꞌ oꞌ saph poꞌpoñ acheñeneshaꞌ ñeñth athpareꞌteneꞌ Yompor atthoch ñetpaꞌ oꞌch moetset. Ateth oꞌ sephowa, Yomporpaꞌ awathotheñ eñotwaseꞌth atethchaꞌ sepha, tharroꞌmar ateth moeneꞌth ña.

Los Hechos 3:15

Ñañapaꞌ xhaña semtsach ñeñth alloch eꞌñe yokrra. Tharraña amaꞌt moetsetañpaꞌ añña Pomporpaꞌ oꞌ alla tantater. Tharroꞌmar yapaꞌ yeñoteñ yapaꞌ yenter amaꞌt allempo tantwerra.

Romanos 8:17

Ñamha yapaꞌ yeñoteñ attho oꞌ poechemer perrey Yomporpaꞌ yapaꞌxhoꞌña yagapapreterchaꞌ Cristo ora ñeñth allpon oꞌpatatenya Yompor. Ñerraꞌm xho yemoeroxhta Cristoꞌmarekop theꞌ, ateth peꞌth ña atarr moeroxhteꞌth awath añe patsro, esempowañen yapaꞌxhoꞌña yekowentapreterach.

Hebreos 1:2

Tharraña theꞌña yapaꞌ eꞌñe ña Poechemer oꞌ eñoranaꞌterrya ñeñth ateth eñoreññaña Yompor yokop. Ñewa, ñeñthpaꞌ ñeñthara Poechemer ñeñth Jesucristotets ñeñth neꞌth Pompor awathotheñ, ñach oꞌpatenaya allowen ñeñth ora allpon eñall, tharroꞌmar ña yexhkatapreteꞌ awath Pompor añ patser ñamha allowen ñeñth esokmañen paꞌnamen eñalletyestsa.