San Lucas 2:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ Allñapaꞌ machayothepaꞌtchaꞌ orrtanet Yompor poꞌmhllañotheñer, xha poptanaꞌtosanet. Ñeñthpaꞌ Yompor poꞌkowenña ñeñth xha aꞌpoetarsamphsosawet. Ñetñapaꞌ atarr nanak mechaꞌtrraꞌtapet.

San Lucas 2:9 Iomraidhean Croise

San Mateo 1:20

Allempoña ateth kothapeꞌchenpaꞌ machayothoꞌ orrtoña Yompor poꞌmhllañotheñer. Ñeñth orrtoya poexhopoñopaꞌ ateth otos: —José Davidnaꞌtare, amach phaꞌllpatsto; pokteꞌkaꞌye oꞌch peyore María ñeñthchaꞌ pethapor pephaꞌ tharroꞌmar ñapaꞌ oꞌkaꞌye axhomenta Parets Poekamkëñoth.

San Lucas 1:28

Mellañotheñña allempo xhap eꞌñe ñeshopaꞌ ateth otos: —Oꞌch noxha newomhchaꞌtoseph. Yompor eꞌñe poemoereñotheph phapaꞌ atarrchaꞌ koshaterreph, ñapaꞌ eꞌñe peshoꞌtsen. Yomporpaꞌ atarr bensareꞌtampeneph. Ello pemhtanaꞌtweñ allowen phakmaneshaꞌ attho bensareꞌtampenanet ñet.

San Lucas 2:8

Allempo emareꞌten María all Beléño ñeñthe tsaprokma allampañoꞌtsen ñamha ñeñth kowampeneꞌ poꞌcarneror pastemo.

San Lucas 24:4

Ñetñapaꞌ xha moeneꞌ yorwoset ama eñoteñeto errothchaꞌña phoset. Eꞌñe allempo ateth kothapeꞌchyenet awepaꞌtchaꞌ orrtapanet epsheña yakma alla thomxhaꞌtoset eꞌñe alloꞌtsaꞌyenet, atarr kowen popoetyenet paꞌshtamoet.

San Juan 12:41

Isaíaspaꞌ tharroꞌmar ateth oteꞌth ñapaꞌ eꞌñe entaneꞌth Cristo poꞌkowenña ñeñthoꞌmarña eñoseꞌthña ñokop.

Los Hechos 12:7

Attheñapaꞌ machayotha poetareswa eꞌñe alla oꞌpono. Orrtoña Yompor poꞌmhllañotheñer. Añña mellañotheñpaꞌ oꞌ aꞌphllan Pedro poephotothpaꞌ oꞌ opoepaꞌ ateth och: —Petanta thekma. Añña cadena alloꞌ wankëñetpaꞌ xha poeyaꞌnets eꞌñe ñotha.

Los Hechos 27:23

Napaꞌ neñoteñ tharroꞌmar tsapopaꞌ orrtona mellañotheñ ñeñth wetsa Yomporeshoth ñeñthara Yompor ñeñth poechemer nepeneꞌ, ñamha ñeñthara ñokop nethorrena.

Los Hechos 5:19

Tharraña amaꞌt abeꞌtharethtetpaꞌ tsapoñapaꞌ oꞌ wapanet Yompor poꞌmhllañotheñer ñeñth wetsa poeꞌntañoth oꞌ toramperranet, oꞌ xhapaterranet aꞌyenethpaꞌ ateth otanet:

2 Corintios 3:18

Alloweney ñeñthey ameꞌñenaya Yepartseshar Cristo, ña Poekamkëñpaꞌ ñachña yaꞌpoꞌpoñeterreꞌ, allochñapaꞌ alloꞌnach yesen kowentapretaya Cristo. Yapaꞌ ama attheyayye ñerraꞌmrratheꞌ ñeñth aꞌnataklleꞌchareth atthoch amach enteññañeto Cristo poꞌkowenña. Yapaꞌ eꞌñe yekweñoth Cristo poꞌkowenña, yapaꞌxhoꞌña oꞌch yekowentapreteña yamha, ateth ñerraꞌmrratheꞌ rerep poptetsa ñerraꞌm xho yekwach atsrrethoneth.

2 Corintios 4:6

Ñewa, yapaꞌ yeñoteñ ateth ot awath Yompor, ñeñthpaꞌ ateth ot: “Eñalletepaꞌch poetareꞌ allochñapaꞌ oꞌwañchaꞌ chekmet.” Ñeñthara Yompor theꞌñapaꞌ oꞌ aꞌpoetarsamperrnay yamha yeyoxher allochñapaꞌ atthoch yeñotater poꞌpotantañ acheñeneshaꞌ attho Cristopaꞌ ña orrtateneꞌ Pompor poꞌkowenña.

1 Timoteo 3:16

Ñamha yapaꞌ yeñoteñ ñeñth ateth kothapeꞌchateney Yompor attho yameꞌñerapaꞌ ñeñthpaꞌ nanak koxhneshaꞌ amaꞌt awathotheñpaꞌ ama eseshayeꞌ eñotenaye. Añpaꞌ ñeñth ateth yaꞌxhoteñ Cristo: Amaꞌt Paretspaꞌ oꞌ acheñetos añe patsro, tharraña Yompor Poekamkëñothña nanak awamenkathtosa ñeñth eñotateneꞌña acheñeneshaꞌ ñapaꞌ eꞌñe poꞌñoxh kowen. Amaꞌt allowen mellañotheñnaneshaꞌpaꞌ eꞌñe entwoñeteꞌth ñeñth ateth phaꞌyeseꞌth añ patsro, ñamha ñeñth ameꞌñayeꞌthpaꞌ xhokma aꞌpothet Cristo errakmañen arr patsro amaꞌt all ama judioneshayaye. Ñamha shonteꞌ acheñ ameꞌñerraya Cristo, allothña Yompor poꞌkowenñothpaꞌ oꞌ alla agër poeꞌntaño.

Hebreos 12:21

Amaꞌt Moiséspaꞌxhoꞌña atarr yoroxhen enteñ, amaꞌt ñapaꞌ ateth otanet: “Amaꞌt napaꞌ nemhchaꞌnaꞌteñothpaꞌ xha neyonshemaꞌten.”

El Apocalipsis 18:1

Allempoña oꞌ alla nenterrerr poꞌpsheñeñ mellañotheñ ñeñth sowaꞌnetsa entoth, ñeñthñapaꞌ atarr awamenkath. Oꞌ eꞌñe xhap patsopaꞌ aꞌpoetarsamphsosan pats eꞌñe ña poꞌpopteñoth.

El Apocalipsis 20:11

Allempoña oꞌ nenterrerr atarr añekmoen konañ ñeñth atarr wallamaꞌth ñamha ñeñth anets all. Ñaña eꞌñe poꞌpartsoteñoth aꞌchenkatwan añ pats ñamha enet, oꞌ eꞌñe chenkaꞌwerra poktakma. Ñokpoet ama eñalle allchaꞌ aꞌpoet amaꞌt eꞌñe koñeꞌtha.