San Lucas 2:7 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷ Alla emareꞌt, ñeñthña poeꞌmarethollpaꞌ asheñorrotholl ñeñth eꞌñe poꞌmother phaꞌ. Epeꞌ poꞌñoꞌmopaꞌ alla phanatholleꞌch wakshepawo allothekma apoeñet wakësh poerrar. Ñewa, tharroꞌmar alla emareꞌtos wakshepawoñaꞌ moetsopawopaꞌ ama eseshaꞌ epatso eꞌñe poktakma eshepena acheñ ñeñth manrraꞌtosets all.

San Lucas 2:7 Iomraidhean Croise

San Mateo 1:25

Tharraña ñapaꞌ ama aꞌphlleñe tharrempowa allempoch emareꞌtwa; ñeñthña asheñorrpaꞌ soch JESÚS.

San Mateo 13:55

Ñapaꞌ aña poechemer ñeñth poꞌtarwas peneꞌ oꞌch thorrenana tsach atthoch es yexhkatyen paꞌnamen. Pachorpaꞌ aña María. Paꞌmoꞌnasheñpaꞌxhoꞌña aña Jacobo, José, Simón, Judas.

San Mateo 8:20

Jesúsñapaꞌ ateth och: —Theꞌpaꞌ napaꞌ peñotenchaꞌ amaꞌt nepakllapaꞌ ama necheñe allchaꞌ neyxhenañ. Roꞌkëphpaꞌ xhokma eñall paꞌpon allekma yexhena. Othexhnopaꞌxhoꞌña xhokma eñall paꞌmaꞌ allekma yexhaꞌyenet. Tharraña naña Ñeñthen Acheñetosetspaꞌ ama eñalle ñeñth eꞌñe nepakëll nepen allchaꞌ nephanena.

San Lucas 10:34

Allentha ponmosya, shosñañ olivoseꞌ ñamha vino allo partosñañ all atserrpeñet. Allempoñapaꞌ wankërrñañ all atserrpeñet. Tantaterpaꞌ montacha pashanoropaꞌ anemh allchaꞌ mos. Allñapaꞌ all kowamphsos.

San Lucas 2:6

Allempoña alloꞌtsaꞌyenet Beléño, Maríañapaꞌ awepaꞌt xhen allempoch emareꞌten.

San Lucas 2:8

Allempo emareꞌten María all Beléño ñeñthe tsaprokma allampañoꞌtsen ñamha ñeñth kowampeneꞌ poꞌcarneror pastemo.

San Juan 1:14

Cristoña ñeñth Poꞌñoñ pen Yompor oꞌ acheñetos arr patsro, oꞌ yeyxhañ eꞌñe parro mameꞌ añe patsro. Ñapaꞌ atarr amoerañtosa. Ñamha attho yexhatosey Yompor poꞌñoñ ñeñthña ñoñetspaꞌ eꞌñe poꞌñoxh ateth, ama shekëñtsoyaye amaꞌt mamesha. Ñamha yapaꞌ xhokma yentoñeꞌth poꞌkowenña. Ñeñthña poꞌkowenñapaꞌ ateth ñerraꞌm Pompor ñeñth poꞌpathrror peneꞌ ña.

2 Corintios 8:9

Ñewa, sapaꞌ oꞌ señoter ñeñth ateth pha Yepartseshar Jesucristo. Ñapaꞌ atarr amoerañtosa, ñapaꞌ esokmañen echeneñ Pomporesho, tharraña eꞌñe poemorrenteñothey ya, ñañapaꞌ attha wokchañetos. Allochña eꞌñe poewokchañeteñoth yokop, yañapaꞌ shonteꞌch esokmañen yecherr Yomporeshoth.

Gálatas 4:4

Tharraña allempoña oꞌ etsota allempo onañcheꞌ awath Yomporpaꞌ oꞌ moeñonay Poechemer arr patsro. Arrñapaꞌ eñalletach poesheñarr koyaneshaꞌ ñeñth judionaꞌtar. Añña ñoñets ñeñth ateth anareth judioneshakoppaꞌ nanak amhchaꞌnoxhteꞌth allempo amaꞌt ñokop.