San Lucas 2:51 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵¹ Allempoñapaꞌ oꞌ kotherran pamoꞌmteꞌ oꞌ xhaxherret Nazareto, ñapaꞌ eꞌñe kowen ameꞌñenana pompor ñamha pachor. Pachorñapaꞌ allowen ñoñetspaꞌ eꞌñe eñotweñ poeyoxhro.

San Lucas 2:51 Iomraidhean Croise

San Mateo 12:46

Allempo ateth eñoranaꞌtenana acheñeneshaꞌpaꞌ oꞌ wapa Jesús pachor epoet ñamha paꞌmoꞌnasheñneshaꞌ. Oꞌ xhapoet allpaꞌ ñetñapaꞌ alla thomxhenet aꞌyoth. Añ moenenet awoꞌch serrpareꞌtatoset.

San Mateo 3:15

Jesúsñapaꞌ ateth otererr: —Phapatapnoꞌthach Juanachaꞌ tharroꞌmar atethkaꞌye poktetsa oꞌch yetsota allowen ñeñth poktetsa Partsokop. Allempoña Juanpaꞌ eꞌñe pokteꞌ eñch,

San Marcos 1:9

Allempoña wapa Jesús Nazaretoth allara Galileo. Xhap Juanesho allñapaꞌ apataph Juan oño Jordanaso.

San Marcos 6:3

Ñapaꞌ añakaꞌye ñeñth poꞌtarwas peneꞌ oꞌch thorrenana tsach atthoch es yexhkatyen paꞌnamen. Ñapaꞌ añakaꞌye María poechoyor. Paꞌmoꞌnasheñpaꞌxhoꞌña añakaꞌye Jacobo, José, Judas, ñamha Simón. Ñamha poꞌxhaneshaꞌpaꞌ eꞌñekaꞌye yechmeꞌtenanet, parroꞌmarneshayarramcheꞌ. Ñeñthoꞌmarña all eꞌñe ña paꞌnyopaꞌ ama eseshayeꞌ akwaꞌpenaye entenaye.

San Lucas 18:37

Ñetñapaꞌ ateth ochet: —Añkaꞌye wetsa Jesús ñeñth nazaretoꞌmarneshaꞌ.

San Lucas 2:19

Maríañapaꞌ eꞌñe ñeñtha nen poeyoxhro eꞌñe ñeñtha kothapeꞌchen ñeñth allpon oꞌ entwa awañotheñ.

San Lucas 2:39

Allempoña oꞌ aꞌpoktatwet ora allpon ñeñth ateth anareth Yompor poꞌñoño ñeñthchaꞌ eꞌñe yexhaꞌ judioneshaꞌ ñetñapaꞌ awanerret paꞌnyeto Nazareto allara Galileo.

San Lucas 4:16

Attheñapaꞌ oꞌ alla xherr Nazareto all yexhacheꞌth pompor allempo cheshenaꞌ. Pamtharrña allempo xhap yeth allempo xhokma amesen judioneshaꞌ, Jesúsñapaꞌ oꞌ awoꞌ judioneshaꞌ poꞌprawo, ñapaꞌxhoꞌ ateth yexhena. Oꞌ xhap poerawopaꞌ allñapaꞌ thomos allchaꞌ lleyatan acheñeneshaꞌ Yompor poꞌñoñ.

San Lucas 4:23

Jesúsñapaꞌ ateth oterraneterr: —Sapaꞌ ñeñth ateth oꞌ seꞌmareꞌton ñeñth ateth norrtatyenaꞌ awaña Capernaumo theꞌña sapaꞌ xha semneñ oꞌch soten añ ñoñets ñeñthekma moeneꞌ yotannena amaꞌt awathotheñ: “Pha ñeñtheph aꞌkrratañtetsa theꞌpaꞌ oꞌch phaꞌkrrata eꞌñe phañeña”, tharroꞌmar sapaꞌ añtheꞌ semnen oꞌch ateth norrtat ñamha arr kowen eꞌñe ya yaꞌnetsro ateth norrtatenaꞌ awaña Capernaumo.

Efesios 5:21

Eꞌñe semorrenteñoth Cristopaꞌ eꞌñepaꞌchña kowen sameꞌñannena. Atthochña yekowentateññañ Cristo.

1 San Pedro 2:21

Ñeñthoꞌmarña theꞌpaꞌ yapaꞌ oꞌ waꞌñerrey Cristo atthoch yameꞌñaꞌwera, allochñapaꞌ oꞌch yemoeroxhtaprecha ña. Ñapaꞌ ña ñanom moeroxhtatsa, tharraña ñapaꞌ yexhatnerrey atthoch añ poktetsa oꞌch yemoeroxhtapretera ña.