San Lucas 2:40 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁰ Cheshathollñapaꞌ alloꞌna sen rrorranmats, alloꞌna sen womenkatnomoets, nanak eñotnenan ñeñth atarr kowen enten Pompor Parets, ñeñthoꞌmarña Yomporpaꞌ atarr moereña.

San Lucas 2:40 Iomraidhean Croise

San Lucas 1:80

Añña cheshatholl Juanpaꞌ alloꞌna sen atarretnomtsa. Poekamkëñothpaꞌ atarr awamenkathetnena. Ñañapaꞌ alla yexhena allaphar amayo tharrempowa allempo orrta israelenaꞌtarneshesho.

San Lucas 2:47

Ñeñthoꞌmarña allowen ñeñth eꞌmoeneꞌpaꞌ xha atarr kowanrrorteñet, otyenet: —Errothenothwañakaꞌyeña atarr es eñoten ñeñthoꞌmar atarr kowen es anapyen.

San Lucas 2:52

Jesúsñapaꞌ alloꞌna sen rrorranmats atarretnomtsa. Alloꞌna nanak eñotañetnena. Pomporña Paretspaꞌ atarr kowen enteñ, ñamha acheñeneshaꞌpaꞌ atarr kowen enteñet.

San Juan 1:14

Cristoña ñeñth Poꞌñoñ pen Yompor oꞌ acheñetos arr patsro, oꞌ yeyxhañ eꞌñe parro mameꞌ añe patsro. Ñapaꞌ atarr amoerañtosa. Ñamha attho yexhatosey Yompor poꞌñoñ ñeñthña ñoñetspaꞌ eꞌñe poꞌñoxh ateth, ama shekëñtsoyaye amaꞌt mamesha. Ñamha yapaꞌ xhokma yentoñeꞌth poꞌkowenña. Ñeñthña poꞌkowenñapaꞌ ateth ñerraꞌm Pompor ñeñth poꞌpathrror peneꞌ ña.

Los Hechos 4:33

Jesús poellsensarneshaꞌpaꞌ eꞌñe poꞌwamenkokmañen aꞌpothoñeteꞌth attho tanterra Yepartseshar Jesús. Yomporpaꞌ nanak moeraneteꞌth, ñamha nanak awamenkath phaneteꞌth.

Efesios 6:10

Allowanen arr necartoth oꞌch masheñneshachaꞌ ñamha noxhaneshachaꞌ notas, awamenkathepaꞌch phas Yepartseshar tharroꞌmar ñapaꞌ ña atarr awamenkathtetsa.

2 Timoteo 2:1

Nechemere Timoteo, eꞌñe peparrokmateñoth Cristo Jesúspaꞌ womenkëpaꞌch pephaꞌ peyoxher tharroꞌmar ñapaꞌ xhokmach yenpaph.