San Lucas 2:34 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁴ Oꞌ eñoranaꞌtwanet poeꞌmaretholletpaꞌ allempoñapaꞌ enamatanet ñamet ñokpoet Yompor paꞌnateña. Allempoñapaꞌ otoñ pachor María, ñeñthpaꞌ ateth och: —Peñochepaꞌch añ cheshatholl ñeñthpaꞌ ñeñthña onañcheꞌth awath Yompor. Ñokoppaꞌ shonteꞌch israelenaꞌtarneshaꞌ ñeñthchaꞌ ama ameꞌñerrayo ñeñthchaꞌ chenkërrtsa. Tharraña eñall ñamha shonteꞌ poꞌpotantañ ñeñthchaꞌ ameꞌñerraya ñeñthchaꞌ kowenoꞌtsenterrtsa. Tharroꞌmar Pomporpaꞌ añekopña moeñer allochñapaꞌ ñach eñotaterrawet ñapaꞌ Pomporeshoth wapa. Tharraña shonteꞌch acheñ ñeñthchaꞌ achmhareꞌterreꞌ.

San Lucas 2:34 Iomraidhean Croise

San Mateo 12:46

Allempo ateth eñoranaꞌtenana acheñeneshaꞌpaꞌ oꞌ wapa Jesús pachor epoet ñamha paꞌmoꞌnasheñneshaꞌ. Oꞌ xhapoet allpaꞌ ñetñapaꞌ alla thomxhenet aꞌyoth. Añ moenenet awoꞌch serrpareꞌtatoset.

San Mateo 21:44

Allowen erraꞌtsenchaꞌ atetsa añ mapyo ñeñthña mapoeꞌpaꞌ eꞌñech aꞌyosatseꞌtwanet. Ñamha ñerraꞌm eseshesho shoraꞌnom ñeñth mapyerpaꞌ eꞌñech aꞌpephtseꞌtwosanet. Atthoña Jesúspaꞌ tomaꞌntatanet ñerraꞌm ama eseshaꞌ pokteyeꞌ entenaye Cristo ñerraꞌm erraꞌtsenchaꞌ ama agërraye, ñeñthña acheñerpaꞌ xhokmach wapoña ñeñthchaꞌ atarr moeroxhtaterrawet.

San Mateo 27:63

Ñeñthpaꞌ ateth otoset: —Nomporchaꞌ yapaꞌ oꞌkaꞌye yeyerpoera añ acheñer ñeñth atarr ashkañpaꞌ allempo korreꞌthpaꞌ atethkaꞌye otyeꞌth: “Napaꞌ amaꞌt poemaꞌpamtañopaꞌ netanterrachkaꞌye rromoth.”

San Lucas 2:35

Phapaꞌ ñeñthchaꞌña atarr pellkaterreꞌña pha. Atarrchaꞌ atserr peꞌmoerr pellkëña eꞌñech ateth peꞌmoerr poellkëña ateth ñerraꞌmrratheꞌ kochllo patenpet peyoxhro. Elloña poesheñaꞌtetspaꞌ eñotaterranetchaꞌ errothentheꞌ ñeñth ateth kothapeꞌchyenet poeyoxhreto.

San Juan 3:20

Allowen ñeñth ama masosyayeꞌ kothapeꞌchyeneto ñetpaꞌ ama kowenayeꞌ enteñetoña Cristo ñeñth aꞌpoetarsampeneꞌ alloweney yokthaphña. Ñeñthoꞌmarña ama eneto alloꞌtsen ñeñth aꞌpoetarsamphsañtetsa thayeꞌtoꞌtheꞌ orrtatarethtet pokthaphñet ñeñth ama masosyo.

San Juan 5:18

Ñeñthoꞌmarña judioneshaꞌ paꞌmhchaꞌtaretherneshaꞌpaꞌ ello atarr nanak oꞌpateñet oꞌch moetset, tharroꞌmar ñetpaꞌ ateth otyeset: —Ñapaꞌ ama ñapthayeꞌ añe yether oꞌ poeswerro allempokma yamesen, ñapaꞌ añeꞌnaña oten eꞌñoꞌ Pompor penan Parets, ñapaꞌ atthakaꞌye moeneñ oꞌch Partsokoptartena.

Los Hechos 13:45

Allempoña judioneshaꞌ ñeñth ama ameꞌñetsopaꞌ oꞌ eñchet shonteꞌ acheñ waxhaꞌtatsapaꞌ, poesopeꞌcheñothetpaꞌ oꞌ kowanaꞌchet Pablo. Ñeñth ateth oten Pablopaꞌ ñetñapaꞌ oꞌch otenet ama attheyaye. Nanak achmhareꞌchet.

Los Hechos 17:6

Allempoña xhaxhaꞌtet Jasón paꞌpakllopaꞌ tharraña ama entarethteto. Ñaptha rromoet Jasón ñamha poꞌpoñexhno acheñeneshaꞌ ñeñth ameꞌñetsa. Ñetaña anmarethtatset amhchaꞌtarethesho. Paꞌtsrreꞌmoeñothetpaꞌ nanak amaꞌtoxhetnomoet atthothaxhoꞌ xhapoet alloꞌtsen amhchaꞌtarethneshaꞌ. Allñapaꞌ ateth otoset: —Oꞌ xhap acheñ ñeñth moeneneꞌ oꞌch aꞌpoꞌpoñeterrnay yokthaphña. Atthoꞌ phowanmoet amaꞌt poꞌpoñ anetsoꞌmar, theꞌpaꞌ oꞌ xhapoet ñamha arr. Oꞌ alla oterreterr: —Añ Jasónpaꞌ oꞌ agapanet eꞌñe kowen theꞌpaꞌ ñaña paꞌpakllo aꞌpoenet.

Los Hechos 24:5

Yapaꞌ yeñoteñ añ yakmapaꞌ nanak atsrreꞌmoxhtena, nanak moññeꞌtatyenana ora allowen judioneshaꞌ attho theꞌpaꞌ ama pathrrayeꞌ kothapeꞌcheneto. Ñamha añmapaꞌ ñeñth pompor pen allowen ñeñth kotheneꞌ pokthaphña ñeñth wapatsa Nazaretoth.

Los Hechos 28:22

Yapaꞌ aña yeñoten poꞌñoxh xhokma eꞌmoñeꞌteñet errakmañen ñeñth kotheneꞌ Jesús pokthaphña. Ñeñthoꞌmarña yapaꞌxhoꞌña yemneñ theꞌpaꞌ oꞌch yeꞌmhñotaph yamha errothentheꞌ phokthapeꞌchen pha.

Los Hechos 4:26

Ñeñth amhchaꞌtarethtetsa arr patsro ñetpaꞌ apxhet atthoch oꞌpachet Yompor, oꞌpachet ñamha ñeñth llesensaꞌ ñeñthara Cristo. Añpaꞌ allowa ateth oteꞌth David awath.

Los Hechos 6:7

Allempoñapaꞌ oꞌ eꞌñe epaꞌwa Yompor poꞌñoñ ora. Allempoñapaꞌ alloꞌna sen shontaꞌnmatsa ñeñth ameꞌñetsa all Jerusaléño. Allempopaꞌ shonteꞌ judioneshaꞌ poꞌkornaneshar ameꞌñatsa.

Romanos 9:32

Yeñoteñ ama enterreto atthoch pokteꞌ entenanet Yompor, tharroꞌmar ama yemteñeto Yompor ñeñth ateth otenanet. Ñetpaꞌ aña eꞌñe yemtenet oꞌch yexhkatyenet ñeñth eꞌñe kowen entenet ñet. Ñeñthpaꞌ eꞌñe ateth phowet ñeñth ateth oten Yompor poꞌñoñ, ñeñth anwareth awathotheñ, ñeñthpaꞌ ateth ot Yompor awath: Napaꞌ oꞌch nemñanet poesheñarr ñeñthchaꞌ atarr sherberrets all añetso ñeñth paꞌsoꞌcheñ Sión ñeñthara Jerusaléñ. Tharraña ñetpaꞌ xhach tsenaꞌchet. Poetsenaꞌteñothetpaꞌ oꞌwañ yemtennanet ñeñth ateth nokthapeꞌchatanetañ. Tharraña amaꞌt erraꞌtsena ñeñthchaꞌ ameꞌñerraya ñapaꞌ ñetñapaꞌ ellopaꞌ amach alla es eꞌnerreteꞌthe. Ñeñthpaꞌ ateth tomaꞌntachet awath: Cristopaꞌ ñach anarethtatsa arr patso ateth ñerraꞌmrratheꞌ mapoeꞌ ñeñth atarrchaꞌ sherben. Tharraña judioneshaꞌñapaꞌ ama asherbenayeꞌ eñcheto amaꞌt mamesha, xha ottet ñerraꞌmrratheꞌ attha epothoꞌtatseꞌtyeset ñesho ñeñth atmaꞌntatareth mapoeꞌ.

1 Corintios 1:23

Tharraña yapaꞌ añchaꞌña yeserrpareꞌtatanet attho Cristo rroma korsocho yokop. Tharraña añña judioneshaꞌ poetsenaꞌteñothetpaꞌ amach kowenayeꞌ enteñeto. Ñamha ñeñth ama judioneshayaye ñetpaꞌxhoꞌña atthach enteñet ñerraꞌmrratheꞌ attha yotatseꞌtyen.

Hebreos 7:1

Ñewa, theꞌpaꞌ oꞌch alla neyerpaterrsa ñeñth ateth peꞌth ñeñth korneshatatseꞌth awath ñeñthpaꞌ añ paꞌsoꞌcheñ Melquisedec. Ñapaꞌ ñeñth korneshatatseꞌth Partsokop ñeñth atarr partsotets. Ñamha ñapaꞌ ñeñth amhchaꞌtarethtatseꞌth all anetso ñeñth paꞌsoꞌcheñ Salem. Allempopaꞌ korrena ñamha yatañ Abraham. Parrochña Abrahampaꞌ awoꞌ allchaꞌ kellarenanaꞌ poꞌpotantañexhno ñeñth amhchaꞌtarethetyetsa alloꞌmar. Eꞌñe aꞌmchechwawenanetaꞌpaꞌ werra. Allempo err, thoñopaꞌ all poktapoeñ korneshaꞌ Melquisedec. Allña pokteñpaꞌ allentha bensareꞌtamphsapoenan Abraham.

Hebreos 7:7

Ñewa, yeñoteñ poꞌñoxh ñeñth atarr nanak amhchaꞌtarethtetsa ñapaꞌ ñachña bensareꞌtampeneꞌ poꞌpotantañexhno ñeñth ama tama amhchaꞌtarethtetso ateth ñerraꞌm ña. Ñeñthoꞌmarña yeñoteñ Melquisedecpaꞌ atarr sherben tharroꞌmar amaꞌt amhchaꞌtareth Abrahampaꞌ ñapaꞌ ello bensareꞌtampeñ.

1 San Pedro 4:14

Ñerraꞌm xho sasareꞌtenset attho oꞌ secristonaꞌtarterra, sañapaꞌ atarrchaꞌ kosheñtsoꞌtsenes, tharroꞌmar eꞌñe allempotheñ Yompor Poekamkëñ ñeñth kowenñatsotetspaꞌ xhaponasa sesho. Poꞌñoxh ñetpaꞌ Cristoꞌna sasareꞌtenet tharraña sapaꞌ eꞌñe kowen sekowentateññañ Cristo.