San Lucas 2:32 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³² Ñapaꞌ ñach sherberrets ateth ñerraꞌmrratheꞌ poetareꞌ ñeñthchaꞌ aꞌpoetarsamperreꞌ allowen acheñeneshaꞌ amaꞌt ñeñth ama israelenaꞌtareyaye atthoch ñetpaꞌxhoꞌña oꞌch eñoteret ñeñthchaꞌ aꞌkeshphatañterrtsa eꞌñe poꞌñoxh. Allochñapaꞌ atthothchaꞌ eꞌñe kowen ayeꞌchoxhtaterrnaph ñamha peyochreshaxhno ñeñthara israelenaꞌtarneshaꞌ.

San Lucas 2:32 Iomraidhean Croise

San Mateo 4:16

Ñeñth acheñenesharpaꞌ ñetpaꞌ aña yexhaꞌyenet ñeñth ama kowenayeꞌ enteno Yompor; ñetpaꞌ xha ottenet ñerraꞌm chekmetoꞌtseneta. Tharraña theꞌñapaꞌ oꞌ enteret ñeñthchaꞌ eꞌñe kowen aꞌpoetarsamperrawet pokthaphñet. Ñetña amaꞌt aña oꞌpatyesawetañeꞌth rromoeñets ñeñthara chenkëñets, theꞌñapaꞌ amaꞌt ñokpoetpaꞌ oꞌ aꞌpoetarsamphsarethterret eꞌñe kowen. Arrpaꞌ allowa ateth naneꞌth Isaías poꞌñoñ.

San Lucas 2:10

Mellañotheññapaꞌ otosanet: —Amach semhchaꞌtatsetno xhoña seꞌmhñoten na, oꞌch neñotatoses ñeñthchaꞌ atarr sokshaterreꞌ sa amaꞌt ñamha allowen errapharen acheñeneshakop.

San Lucas 2:31

Ñeñthña oꞌ phorrtaterrnay allowenakpay ñeñthey paꞌnameney acheñeneshakpay añe patsro.

Los Hechos 26:23

Ñeñthara serrpareꞌtataneteꞌth awoꞌch wapa Cristo añ patsropaꞌ nanakoꞌch moeroxhtachet, allothpaꞌ awoꞌch rroma, tharraña ñapaꞌ tanterrach. Atthoꞌchña tanterra ñanompaꞌ oꞌch aꞌpoetarsamphsanet poeyoxher allowen judioneshaꞌ, ñamha amaꞌt poꞌpoñexhno acheñ.

Los Hechos 28:28

Allempopaꞌ alla oterraneterr Pablo: —Theꞌpaꞌ oꞌch neñotatas añ, thayotheñ Yompor poꞌñoñpaꞌ oꞌch yeserrpareꞌtach poꞌpoñ acheñ ñeñth ama judioneshayaye. Tharroꞌmar ñetpaꞌ ñerraꞌm eꞌmoñet Yompor poꞌñoñpaꞌ oꞌch ameꞌñet. Eꞌñe pameꞌñeñothetpaꞌ keshperretchaꞌ.

1 Corintios 1:31

Ñeñthoꞌmar ateth anwarethta Yompor poꞌñoñ awath: “Ñerraꞌm eseshaychaꞌ es ayeꞌchoxhtatetspaꞌ Yomporekpoepaꞌchña es yaꞌyeꞌchoxhtaten.”

El Apocalipsis 21:23

Ñamha Parets paꞌnetsro allpaꞌ ama moenenano atsneꞌ amaꞌt arrorra ama moeneñeto ñeñthchaꞌ xhoyoꞌtetsa all. Tharroꞌmar Yompor ñeñth attho poptena paꞌtsnomoeñothpaꞌ ñeñthña xhoyoꞌtetsa all epoet ñamha Poechemer Cristo ñeñthña lamparñetets. Ñeñthara Cristo ñeñth atmaꞌntatareth Carnero.