San Lucas 2:29 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

^29-30 Theꞌña poꞌñoxh Nompore amaꞌtchaꞌ nerromapaꞌ eꞌñech noksheñeshokmañen nerroma tharroꞌmar theꞌpaꞌ poꞌñoxh oꞌ nenterrnaph ñeñth oꞌ pemñerrnay ñeñthchaꞌ yaꞌkeshphaterreꞌ eꞌñe ateth photneꞌth awañmoꞌchotheñ na ñeñthen atarr pesherbeneꞌ.

San Lucas 2:29 Iomraidhean Croise

San Lucas 2:28

Waptsapaꞌ allentha enatatholleꞌtosan cheshatholl, atarr ayeꞌchoxhtatosan Yompor. Ñeñthpaꞌ ateth otos:

Filipenses 1:23

Ñeñth nanak thorrapoꞌ nenten oꞌch notas ñeñth atarr kowen nenten, ñatoꞌ oꞌch nerroma amapaꞌ korretsanach. Napaꞌ nemneñeñ oꞌwañchaꞌ nokrra añe patsro allochñapaꞌ oꞌch nexhap thekma Cristesho, tharroꞌmar ñeñthpaꞌ elloña nanak kowen nokop.

El Apocalipsis 14:13

Allempoña na allpaꞌ neꞌmoerrerr ñoñets arroth wena entoth, ñeñthpaꞌ ateth oten: —Theꞌpaꞌ oꞌch pekellkaꞌ añ ñoñets: “Theꞌñapaꞌ atarrchaꞌ kosheñtsoꞌtsaꞌyen allowen ñeñthchaꞌ rromayets eꞌñe pameꞌñeñothet Yepartseshar Jesucristo.” Poꞌñoxh ateth oten Yompor Poekamkëñ, ñetpaꞌ amesatarethterretchaꞌ. Theꞌpaꞌ amach alla thorrerreteꞌthe tharroꞌmar ñeñth allpon oꞌ thorraꞌyenet añ patsro, ñeñthpaꞌ eꞌñe eñotwareth all Yompor poeꞌntaño.

El Apocalipsis 6:10

Añña ñeñth kamoekñetsoxhnopaꞌ ñetñapaꞌ rrannartenetpaꞌ oteñet Yompor: —Yompore, pha atarr Partsoph, atarr ayemoetpoꞌ ateth photeney. Esempowachkaꞌ pekoñchatwerña acheñeneshaꞌ all patsro, esempowachkaꞌ petsaꞌtateraña ñeñth acheñer yemtsanatayeꞌth ñeñth patsoꞌtsen. Añpaꞌ allowa ateth ot kamoekñetsneshaꞌ.