San Lucas 2:20 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁰ Allempoña ñeñth koweneꞌ poꞌcarnerorpaꞌ oꞌ awanerret. Ateth otenanetaꞌ mellañotheñneshaꞌpaꞌ ñetñapaꞌ eꞌñe poꞌñoxh entoset. Allpon ñeñth ateth eꞌmoet, amaꞌt ñamha ñeñth ateth entet, ñeñthoꞌmarña ñetpaꞌ eꞌñe paꞌyeꞌchoxhtateñeshet awanerret, atthoña ñetpaꞌ atarr kowentatnerrñañet Yompor.

San Lucas 2:20 Iomraidhean Croise

San Mateo 9:8

Acheñeneshaꞌña all ñeñth enteneꞌ ñetñapaꞌ xha yorenet, elloñapaꞌ alla kowentaterrñañet Yompor. Ateth otyenet: —Yomporkaꞌyeña oꞌ llesenserran ñeñth amaꞌt eꞌñe acheña.

San Marcos 1:7

Juanñapaꞌ ateth serrpareꞌtatanet: —Cristoña ñeñthchaꞌ wapatsa chentaꞌpaꞌ ñapaꞌ atarrkaꞌye awamenkatheshaꞌ, nañapaꞌ ama tama awamenkatheyayno. Ñapaꞌ ñeñthña atarr sherbets, nañapaꞌ ama es nesherbeno atthoch nemoꞌka paꞌrrphoth amaꞌt poꞌsapatrexhapaꞌ oꞌch nepyoñ.

San Lucas 18:43

Eꞌñepaꞌtchaꞌ allorokma eꞌñe kowen enterra. Eꞌñe kowerrtsapaꞌ xha kothaꞌnmoeꞌ ñamha Jesús, allentha atarr ayeꞌchoxhtatnoman Yompor all kothaꞌnenan Jesús. Atthoꞌ enteñ allowen acheñeneshaꞌ ñetpaꞌxhoꞌña eꞌñe kowen ayeꞌchoxhtatneññañet Yompor.

Los Hechos 11:18

Ñeñtha otwapaꞌ allempoñapaꞌ alla momaꞌwet allowenet. Allempoñapaꞌ oꞌ ayeꞌchoxhtatoñet Yompor, ateth otet: —Amaꞌt poꞌpoñ acheñ ñeñth ama judioneshayaye Yomporpaꞌ moeneñ oꞌch kothapeꞌcherret ello kowen alloch ñetpaꞌxhoꞌña korretsetach poksheñeshokmañen eꞌñe thayotheñ errponañowen. Allowa ñeñth ateth pha Pedro ñamha Cornelio.