San Lucas 2:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

² Ñewa, allempo ñanom kellkatyeset paꞌsoꞌcheñpaꞌ, arrña anets Siriapaꞌ añ amhchaꞌtarethtetsa ñeñthpaꞌ añ paꞌsoꞌcheñ Cirenio ñeñth paꞌmhchaꞌtarether pen allowen judioneshaꞌ.

San Lucas 2:2 Iomraidhean Croise

San Mateo 4:24

Attheñapaꞌ eꞌmareꞌtwet errapharen amaꞌt Sirioꞌmar. Wapatyesoñet allowen ñeñth moeroxhtatyen atsnañets. Wapatyesoñet ñeñth osyen paꞌnamen atsnañets ñamha ñeñth atserrphañaxhno. Wapatyesoñet ñamha ñeñth chorraꞌyena oneñeth ñamha ñeñth othañaxhno ñamha echarrtañaxhno. Allowenetpaꞌ ñañapaꞌ eꞌñe aꞌkrratyeswerranet.

San Lucas 2:1

Allempopaꞌ añ amhchaꞌtarethtatseꞌth romoꞌmarneshaꞌ ñeñthpaꞌ añ paꞌsoꞌcheñ Augusto. Ñañapaꞌ nenan poꞌñoñ ñeñthpaꞌ ateth oten: Allowen acheñeneshaꞌ errapharen añe patsropaꞌ kellkatyesetepaꞌ paꞌsoꞌcheñ.

San Lucas 2:3

Ñewa, allowenet awanerret paꞌtañneshaꞌ paꞌnetsro allochñapaꞌ allchaꞌ kellkatyerretaꞌ paꞌsoꞌcheñ.

San Lucas 3:1

Ñewa, allempo xhap allempoch amhchaꞌtarethta ñamha ñeñth paꞌsoꞌcheñ Tiberio all Romo. Allempo xhap oꞌ amhchaꞌtarethta xharraꞌ poechena amnar char allempoña Judeopaꞌ añ amhchaꞌtarethtatsa ñamha Poncio Pilato. Galileoñapaꞌ añ amhchaꞌtarethtatsa Herodes. Paꞌmoꞌnasheñña Felipepaꞌ ñapaꞌ epa anetsokop amhchaꞌtarethta, ñeñthpaꞌ arr amhchaꞌtarethta Iturea ñamha Traconite. Lisaniasñapaꞌ arr amhchaꞌtarethta Abilinio.

Los Hechos 13:7

Ñañapaꞌ xhokma yemtenana ñeñth amhchaꞌtarethtetsa ateth ñerraꞌm gobiernoꞌ ñeñth alloꞌtsen. Añña amhchaꞌtarethpaꞌ añ paꞌsoꞌcheñ Sergio Paulo, ñeñthpaꞌ nanak es eñot. Añña amhchaꞌtarethpaꞌ oꞌ agotatan Bernabé ñamha Saulo. Ñapaꞌ moeneñ oꞌch eꞌman Yompor poꞌñoñ ateth serrpareꞌtenet.

Los Hechos 18:12

Allempoña amhchaꞌtarethta Galión eꞌñe alla Acayopaꞌ judioneshaꞌña oꞌ apxhetpaꞌ, oꞌpachet Pablo. Allempoña oꞌ rromoetpaꞌ anmet amhchaꞌtarethesho allekma aꞌpoktatenet ñoñets.

Los Hechos 23:26

“Gobernador Félix ñeñtheph nanak koweneph amhchaꞌtareth, na Claudio Lisiaspaꞌ oꞌch newomhchaꞌtaph añ necartoth.

Los Hechos 26:30

Allempoñapaꞌ oꞌ thomxhaꞌterret allowenet —amhchaꞌtareth Agripa, ñamha gobernador Festo, ñamha Berenice ñamha allowen ñeñth alloꞌtsaꞌyen.

Los Hechos 5:37

Allempoña allponmaterrerrpaꞌ orrta ñamha poꞌpsheñeñ ñeñth paꞌsoꞌcheñ Judas ñeñth galileoꞌmarneshaꞌ. Ñapaꞌ tharrempo orrta allempo kellkatyenet paꞌsoꞌchñexhno amhchaꞌtarethesho. Ñapaꞌxhoꞌña tama yochreshaꞌtana allpon acheñeneshaꞌ. Allponmaterrerrpaꞌ ñapaꞌxhoꞌña oꞌ chenka. Añña ñeñth poeyochreshaꞌpaꞌ oꞌ parratseꞌtwerret.