San Lucas 2:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Allempoñapaꞌ pomaꞌyorñekma awanmoet, oꞌña xhapoet Beléñopaꞌ all entoset María ñamha José ñamha cheshatholl all phanatholleꞌtena wakshepawo.

San Lucas 2:16 Iomraidhean Croise

San Lucas 1:39

Maríañapaꞌ allentha awoꞌ pomaꞌyorñekma oꞌch emoꞌtenanaꞌ Elisabet. All yexhenapaꞌ all shonteꞌ aspentharer allara Judeo. Allempoña xhap anetso all sechenapaꞌ beꞌthosos Zacarías paꞌpakllo, womhchaꞌtosan Elisabet.

San Lucas 19:32

Allempoña ñeñth moeñapaꞌ ñetñapaꞌ awanmoet all anetso. Allñapaꞌ atethxhoꞌ entoset eꞌñe ateth otanet Jesús, alloꞌtsenkaꞌye ashen rreꞌptor all wankëñet.

San Lucas 2:12

Theꞌpaꞌ oꞌch noterrserr atthoch señoch ñeñth cheshatholler. Ñeñthchaꞌ sentos cheshatholl ephareth poꞌñoꞌmo all phanatholleꞌteñet wakshepawo, ñeñthkaꞌyeña Yompor Poechemer.

San Lucas 2:15

Allempoña mellañotheñneshaꞌpaꞌ sowaneret ñeñth kowampeneꞌ poꞌcarneror, ñetñapaꞌ oꞌ awanerret poeꞌntaño. Allempoña ñeñth koweneꞌ poꞌcarnerorpaꞌ allentha otannaꞌtyeset: —Errothenwakaꞌyeña ñeñth otenyaꞌ Yompor. Oꞌch awey Beléño oꞌch yenteñaꞌ ñeñth ateth otenyetaꞌ.

San Lucas 2:17

Allempo entoset ñetñapaꞌ serrpareꞌtoset ñeñth ateth oꞌ otwenanetaꞌ mellañotheñ cheshathollekop. Allowen ñeñth eꞌmoeneꞌpaꞌ nanak kowanrroretyeset, otannaꞌtyeset: —Taꞌm errothenoththeꞌñakaꞌ oꞌ serrpareꞌtosña ateth.

San Lucas 2:7

Alla emareꞌt, ñeñthña poeꞌmarethollpaꞌ asheñorrotholl ñeñth eꞌñe poꞌmother phaꞌ. Epeꞌ poꞌñoꞌmopaꞌ alla phanatholleꞌch wakshepawo allothekma apoeñet wakësh poerrar. Ñewa, tharroꞌmar alla emareꞌtos wakshepawoñaꞌ moetsopawopaꞌ ama eseshaꞌ epatso eꞌñe poktakma eshepena acheñ ñeñth manrraꞌtosets all.

San Lucas 22:13

Allempo ateth otwanet Jesúspaꞌ poeyochreshaꞌñapaꞌ atethxhoꞌ pet, xha awanmatset. Eꞌñe ateth otapanet, ñetñapaꞌ eꞌñexhoꞌ ateth entoset. Allchaꞌ aññoꞌtosñañetña rreñets allchaꞌ rrallmeꞌchenet ñeñthe pascuapo.