San Lucas 2:14 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁴ Ateth otoset: ¡Ayeꞌchoxhtaterrapoꞌch Yeyomporer ñeñth poeꞌntañoꞌtsen! Amaꞌt ñamha acheñeneshaꞌ ñeñth añe patsroꞌtsen koshaꞌrrtetepaꞌ ñamet ñeñth koshaten Yompor.

San Lucas 2:14 Iomraidhean Croise

San Mateo 21:9

Allowen acheñeneshaꞌ ñeñth otaxhetsa ñamha ñeñth kothaꞌwaneneꞌ chentaꞌ ñetñapaꞌ poerrannarteñothetpaꞌ ateth atarr kowentatyesneññañetpaꞌ ateth otenet: —¡Aksherrapoꞌch alloweney! ¡Ayeꞌchoxhtaterrapoꞌch Jesús ñeñth amhchaꞌtareth David poꞌmhreneñ! ¡Ayeꞌchoxhtaterrapoꞌch Jesús ñeñth llesensen Yompor! ¡Yaꞌyeꞌchoxhtaterrñañepaꞌch Yompor Parets ñeñth poeꞌntañoꞌtsen!

San Lucas 1:79

Atthochña aꞌpoetarsamphsarethterra allowen acheñeneshaꞌ ñeñth chekmetoꞌtsaꞌyeneta, ñeñth ama eñotenaye Yompor, ñetñapaꞌ aña oꞌpatenawet rromoeñets ñeñthara koñcheñets. Ñeñth attho aꞌpoetarsamphsarethey ñeñthchaꞌña yeñotateneꞌ atthoch eꞌñe kowen yoksheñeshokmañen yeyxhena arr patsro. Arrpaꞌ allowa wañ attho Zacaríaspaꞌ axhotenan Yompor eꞌñe poksheñeshokmañen.

San Lucas 19:38

Ñetñapaꞌ ateth otyesnenet: —¡Ayeꞌchoxhtaterrapoꞌch Amhchaꞌtareth Jesús ñeñth llesensen Yompor! ¡Kosherretepaꞌch amaꞌt ñeñth poeꞌntañoꞌtsen! ¡Ayeꞌchoxhtaterrapoꞌch ñamha Yompor Parets ñeñth poeꞌntañoꞌtsen!

San Lucas 2:13

Allempoñapaꞌ machayothepaꞌtchaꞌ orrterrerr poꞌpotantañ shonteꞌ mellañotheñneshaꞌ ñeñth oꞌ sowaxherrerr entoth. Ñeñthña mellañotheñneshaꞌpaꞌ atarr ayeꞌchoxhtatosñañet Yompor.

San Lucas 2:15

Allempoña mellañotheñneshaꞌpaꞌ sowaneret ñeñth kowampeneꞌ poꞌcarneror, ñetñapaꞌ oꞌ awanerret poeꞌntaño. Allempoña ñeñth koweneꞌ poꞌcarnerorpaꞌ allentha otannaꞌtyeset: —Errothenwakaꞌyeña ñeñth otenyaꞌ Yompor. Oꞌch awey Beléño oꞌch yenteñaꞌ ñeñth ateth otenyetaꞌ.

San Juan 14:27

‘Nokshateña nenaꞌnerrnaschaꞌ alloch eꞌñe soksherra seyoxhro, napaꞌ xhochña atarr nokshaterres seyoxhro. Ñeñth ateth nokshatenes na seyoxhro ñeñthpaꞌ ama attheyaye ñerraꞌmrratheꞌ añ patsoꞌmar kosheñets. Ñeñthoꞌmarña seyoxhropaꞌ amach xha sellkaꞌpeno amaꞌt mamesha, amach xha es semhchaꞌteno.

San Juan 17:4

‘Napaꞌ oꞌ eꞌñe nekowentatwonaph arr patsro. Oꞌ eꞌñe netsotwonaph ñamha petarwas ñeñth ateth photen.

San Juan 3:16

‘Attho atarr morrentenya Yompor alloweney acheñeneshay arr patsro ñeñthoꞌmarña apoey Poechemer ñeñth poꞌpathrror pen, allochñapaꞌ allowen ñerraꞌm eseshaꞌ ameꞌñerraya ña amach chenkërreto, ñetñapaꞌ korretsetach poksheñeshokmañen eꞌñe thayotheñ errponañowen.

Los Hechos 10:36

Alla oterrerr Pedro: —Sapaꞌ señoteñeꞌtña Yomporpaꞌ oꞌ moeñonay Poechemer Jesucristo, ñeñthey judioneshakpay. Añ ñeñthara Jesúspaꞌ oꞌ aꞌpoktatwonay eꞌñe kowen Partsokop atthoch kosheñtsoꞌtseneychaꞌ. Theꞌñapaꞌ ñach Yepartseshar yeperr alloweney. Añ kowen ñoñetspaꞌ oꞌ serrpareꞌtwet errakmañen Judeoꞌmar. Ñanompaꞌ serrpareꞌcheteꞌth Galileo allempo apateꞌth Juanañ.

Romanos 5:1

Ñeñthoꞌmarña theꞌpaꞌ yeñoteñ eꞌñe yeyemteñotha Jesucristo, Yomporñapaꞌ eꞌñe pokteꞌ enteney, oꞌwañchaꞌ yoroxhenoꞌtseney Yomporeshoth, tharroꞌmar Yepartseshar Jesucristopaꞌ awoꞌt aꞌpoktatwerrnay yoꞌchñar Yomporesho.

Efesios 1:6

Ayeꞌchoxhtatpawepaꞌch Yompor attho ñapaꞌ atarr nanak kowen moerenya. Attho ñapaꞌ awoꞌt moeñonay Poechemer Cristo ñeñth rromosets yokop. Attho ashatarethta poꞌrras ñeñthpaꞌ alloña tsaꞌtwerrnaya yoꞌchñar. Theꞌña ya eꞌñe yeyemteñoth Poechemer, Pomporñapaꞌ atthoña oꞌ eꞌshowerrnay ñeñth yoꞌchñar yepeꞌth. Ñeñthoꞌmarña yapaꞌ yeñoteñ ñapaꞌ atarr morrentenya. Attho atarr morrentenana Poechemer Jesúspaꞌ yapaꞌxhoꞌña atthekma atarr morrentenya eꞌñe yeparrokmateñoth Yompor Poechemer.

Efesios 2:4

tharraña Yomporñapaꞌ atarr nanak amorrentña, atarr moerenya. Eꞌñe ña poemoereñotheypaꞌ oꞌ aꞌkeshphaterrey.

Efesios 2:7

Atthoña Yomporpaꞌ xhokmach orrtatennay poemoereña amaꞌt errponañowen. Atthoña oꞌ xhapwonaya yeyoxhro Yomporpaꞌ atarr moerenya nanak. Attho atarr moerenana Poꞌcristor yaꞌnaña atarr moerena tharroꞌmar yapaꞌ yeparrokmaterrñaña Poꞌcristor ñeñthara Jesús.

Filipenses 2:13

Tharroꞌmar Yompora eꞌñe yemnateneꞌ eꞌñe yeyoxhro ñeñth kowen enten ña. Ñamha ñapaꞌ ñach awamenkath yepeneꞌ atthoch yetsotoñ amaꞌt ora erraꞌtsenchaꞌ koshateneꞌ ña.

Colosenses 1:20

Ñañapaꞌ eꞌñe alla parrokmaten Pomporesho eꞌñe parrokma allowen esokmañen, amaꞌt ñeñth patsoꞌtsaꞌyen, amaꞌt ñeñth entoꞌtsaꞌyen. Allempo ashatarethta Cristo poꞌrras korsocho, ñeñthña eꞌñe aꞌmchechatweꞌña allowen esokmañen.

2 Tesalonicenses 2:16

Theꞌñapaꞌ oꞌch notas: Yepartseshar Jesucristo ñamha Yompor Parets ñetepaꞌchña eꞌñe kowen sokshaterreꞌña sa seyoxhro, ñetepaꞌchña awamenkath sephaꞌyeseꞌ allochñapaꞌ atthochña sapaꞌ xhokmach señosyen ñeñth eꞌñe kowen ñoñets ñamha eꞌñechña kowenareꞌ es sorrtatyen. Tharroꞌmar Yomporpaꞌ ñeñthña atarr yemorrentenaya, ñapaꞌ ña ñeñth xhokma yokshateneꞌ yeyoxhro. Ñeñthña kosheñetspaꞌ amach awañañathterro amaꞌt errponaña. Ña eꞌñe poemoereñothpaꞌ xhokma eñotateney eꞌñe kowen ñeñth atarr yeyemtena.

El Apocalipsis 5:13

Allempoña neꞌmoerrerr ateth amaꞌt allowen ñeñth Yompor poeyexhkatar ayeꞌchoxhtateññañet Yompor amaꞌt ñeñth entoꞌtsaꞌyen ñamha amaꞌt allowen ñeñth patsoꞌtsaꞌyen, ñamha allowen ñeñth oꞌponoꞌtsen patso ñamha oño. Amaꞌt eꞌñe allowen poeyexhkatar ñeñth alloꞌtsaꞌyen allowenet ayeꞌchoxhtateññañet Yompor, ateth otenet: Yaꞌyeꞌchoxhtatoñepaꞌch Yompor ñeñth anets poꞌkonaño ñamha Poechemer Cristo ñeñth atmaꞌntatareth Carnero. Amhchaꞌnaꞌtpawepaꞌch yenteñ, yekowentatoñepaꞌch tharroꞌmar ñetpaꞌ atarr awamenkathet thayotheñ amaꞌt errponañowen.