San Lucas 2:11 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹¹ Theꞌpaꞌ sokop oꞌ eñalleta ñeñthchaꞌ Saꞌkeshphatañer seperr ñeñthpaꞌ ñeñthchaꞌ Cristotats ñeñth Yepartseshar yepen. Ñeñthña cheshathollpaꞌ arr eñalleta David paꞌnetsro allara Beléño.

San Lucas 2:11 Iomraidhean Croise

San Mateo 1:16

Jacobñapaꞌ chemereꞌtana José ñeñthepaꞌtchaꞌ poerrollar phaꞌ María. Maríañapaꞌ cheyoreꞌtana Jesús, ñeñthara ñeñth Cristotats.

San Mateo 1:21

Theꞌpaꞌ eñalletatanchaꞌ asheñorr, ñeñthñapaꞌ pesochchaꞌ Jesús tharroꞌmar ñapaꞌ ñeñthchaꞌ aꞌkeshphaterreꞌ paꞌcheñer poꞌchñarothet. Arrpaꞌ allowa ñeñth ateth och mellañotheñ.

San Mateo 16:16

Simón Pedroñapaꞌ eñoratsapaꞌ ateth och: —Phapaꞌ ñeñthephkaꞌye atarr yekwen amaꞌt awathotheñ; ñeñthephkaꞌye Parets Poechemereph ñeñtheph Cristotosets. Ñeñthña Parets ama arromñatheshayaye.

San Mateo 16:20

Allempoñapaꞌ otan poeyochreshaꞌ: —Amach eseshaꞌ sotaphsaꞌtatsto amaꞌt poesheñarra napaꞌ na ñeñthen Cristotosets.

San Lucas 1:43

Amaꞌt na Yepaparpaꞌ atarr koshatenen attho pemoꞌtenen amaꞌt ñeñtheph pachor pen ñeñthchaꞌ Yepartseshar yeperr.

San Lucas 1:69

Ñapaꞌ oꞌ orrtatonay ñeñthchaꞌ aꞌkeshphatañterrtsa ñeñth atarr awamenkatheshaꞌ ñeñthara ñeñthchaꞌ eñalletatsa David poꞌmhrenñoth, ñeñthara David ñeñth atarr sherbhayeꞌth awath Yompor.

San Lucas 2:4

Ñeñthoꞌmarña Josépaꞌ on Nazaretoth allara anets Galileo, oꞌch awoꞌ all paꞌnetser peꞌth paꞌtañneshañ, ñeñthña anetserpaꞌ añ paꞌsoꞌcheñ Beléñ, allara Judeo, tharroꞌmar Beléño eñalleta awath paꞌtañ David. Tharroꞌmar Josépaꞌ Davidnaꞌtarkaꞌye.

San Juan 1:41

Andrésñapaꞌ allorokma awerr eꞌnerrayaꞌ Simón; oꞌña enteraꞌpaꞌ ateth otwerr: —Yapaꞌ oꞌkaꞌye yenter Mesías. (Ñewa, ñeñthña ñoñets Mesías añkaꞌye otenet ñeñthchaꞌ Cristoterrets.)

San Juan 1:45

Felipeñapaꞌ entwenan Natanaelpaꞌ ateth otweñ: —Yapaꞌ oꞌkaꞌye yenter ñeñth ñokop kellkëꞌth Moisés all orrtatan ñoñets ñeñth ateth anareth, ñamha ñokop kellkëꞌth ñeñth aꞌmhtaꞌyesayeꞌth Yompor poꞌñoñ. Añepaꞌtkaꞌye Jesús ñeñth wetsa Nazaretoth ñeñth José poechemer.

San Juan 11:27

Martañapaꞌ ateth otererr: —Partseshachaꞌ, napaꞌ neñoteneph eꞌñe poꞌñoxh phapaꞌ ñeñtheph Cristotosets, phapaꞌ Yepapar Poechemereph, pha atarr yekwen awathotheñ oꞌch pewapa arr patsro.

San Juan 20:31

Allpon ñeñth akellkarethtatsa arr libro ñeñthpaꞌ añekop anareth ñeñthchaꞌ sameꞌñateꞌ poꞌñoxh Jesúspaꞌ ñeñth Cristotets, ña poꞌñoxh Yompor Poechemer. Tharroꞌmar eꞌñe sameꞌñeñotha Cristo sañapaꞌ korretsasach thayotheñ eꞌñe errponañowen.

San Juan 4:25

Koyaneshaꞌñapaꞌ alla otererr: —Napaꞌ neñoteñ añ Mesíaspaꞌ wapach ñeñthara ñeñth yoten Cristo. Ñerraꞌm ña wapatsapaꞌ eꞌñech serrpareꞌtatwerrey ora allowen ñeñth esokmañen eñall.

San Juan 4:42

Ñetñapaꞌ ateth oteñet koyaneshaꞌ: —Theꞌñapaꞌ ama eꞌñe pha peñoñotheyeꞌ yameꞌñeno. Theꞌpaꞌ eꞌñe ya eꞌmoeneꞌ yamha alloweney. Ñeñthoꞌmarña theꞌ yapaꞌ oꞌ yeñoch poꞌñoxh ñapaꞌ ñach yaꞌkeshphaterreꞌ alloweney ñeñthey añe patsroꞌtseney.

San Juan 6:69

Yapaꞌ oꞌkaꞌye yameꞌñapha. Yapaꞌ yeñoteneph phapaꞌ pepaꞌtkaꞌye Cristotets, ñeñtheph Yompor Poechemereph.

San Juan 7:41

Poꞌpotantañpaꞌ ateth otyeset: —Añmapaꞌ ñeñththeꞌkaꞌyeña Cristotets ñeñth xhokma yekwen. Poꞌpotantaññapaꞌ ateth otyenet: —Ñeñthchaꞌ Cristoterretspaꞌ amatheꞌ arrotha wapo Galileoth.

Los Hechos 10:36

Alla oterrerr Pedro: —Sapaꞌ señoteñeꞌtña Yomporpaꞌ oꞌ moeñonay Poechemer Jesucristo, ñeñthey judioneshakpay. Añ ñeñthara Jesúspaꞌ oꞌ aꞌpoktatwonay eꞌñe kowen Partsokop atthoch kosheñtsoꞌtseneychaꞌ. Theꞌñapaꞌ ñach Yepartseshar yeperr alloweney. Añ kowen ñoñetspaꞌ oꞌ serrpareꞌtwet errakmañen Judeoꞌmar. Ñanompaꞌ serrpareꞌcheteꞌth Galileo allempo apateꞌth Juanañ.

Los Hechos 13:23

Alla oterraneterr Pablo: —Ñeñth poesheñarr David poꞌmhrenñoth Yomporpaꞌ oꞌ orrtatonay yokop ñeñthey israelenaꞌtarey ñeñthchaꞌ yaꞌkeshphaterreꞌ. Añ paꞌsoꞌcheñ Jesús. Theꞌpaꞌ oꞌ etsota ateth otyeꞌth Yompor awath.

Los Hechos 17:3

Allpaꞌ añ yexhatanet ateth anarethta ñeñthchaꞌ Cristotats ñerraꞌm esempoch wapa añ patsropaꞌ nanakchaꞌ moeroxhtachet. Tharraña oꞌch moeroxhtatwetpaꞌ elloch alla tanterra amaꞌtchaꞌ rroma. Ateth otanet: —Theꞌñapaꞌ oꞌch notas, añ Jesús ñeñthara ñeñth oꞌ neserrpareꞌtatwaspaꞌ ñeñthña Cristotets.

Los Hechos 2:36

Allempoñapaꞌ alla oterraneterr Pedro: —Sapaꞌ israelenaꞌtares. Ñeñthoꞌmarña señochepaꞌch eꞌñe eñotoxhen attho Yompor Parets oꞌ nan Poechemer Jesús. Ñapaꞌ ña Partseshatets, ñeñthara Cristotats. Añ ñeñth Jesús sañapaꞌ oꞌ sekorsoꞌtamphsach. Añpaꞌ ñeñtha allowa serrpareꞌtatanet Pedro.

Los Hechos 5:31

Theꞌña Pomporpaꞌ oꞌ nanak awamenkath peꞌ, eꞌñe poꞌkowenrothpaꞌ all partsoten. Allochñapaꞌ atthoch kothapeꞌchaterran israelenaꞌtarneshaꞌ ñamha atthoch kothapeꞌcherret kowen eꞌñe etserra atthoch peretnerranet poꞌchñar. Ñeñthoꞌmarña Yomporpaꞌ nan Jesús ñeñthchaꞌ Yaꞌkeshphatañer yepen.

1 Corintios 15:47

Tharroꞌmar ñeñth ñanom acheñ ñeñthara Adánpaꞌ patsa ayexhkatareth, ñeñthoꞌmarña ñapaꞌ attha patsoꞌmarneshat. Tharraña poepañ ñeñth acheñetosets ñeñthara Yepartseshar Jesucristo ñeñthpaꞌ entoth wapa.

Filipenses 3:8

Amaꞌt elloneth allowen poꞌpoñexhno ñeñth nenteꞌth ñeñthoꞌch sherbhatseñ nokoppaꞌ theꞌña eꞌñe neyemteñoth Cristopaꞌ ama asherbenayeꞌ nenteñe, amaꞌt koñeꞌtha, tharroꞌmar theꞌpaꞌ oꞌ neyemtera Yepartseshar Cristo Jesús ñeñth nanak sherbets. Ñapaꞌ ello metanaꞌtwenan allowen poꞌpoñexhno ñeñth ateth nenteꞌth na ñeñthoꞌña nanak sherbets. Ñeñthoꞌmarña nemorrenteñoth Cristo theꞌpaꞌ oꞌ nepoeswerr ora poꞌpoñexhno, nokop theꞌñapaꞌ ama esoyeꞌ nenteñe eshekchaꞌ theꞌpaꞌ eꞌñech noksheñeshaꞌ nokther Cristo.

Colosenses 2:6

Attho oꞌ sagapoer Yepartseshar Cristo Jesús, theꞌña sapaꞌ alloꞌnepaꞌch sesen eꞌñe parrokmatats epas.

1 San Juan 4:14

Ñamha yapaꞌ eꞌñe yentwoñeꞌth Yompor Poechemer ñeñthoꞌmarña ya theꞌpaꞌ oꞌ yaꞌpothonas samha attho Yompor poꞌñoxhpaꞌ moeñonay Poechemer ñeñthchaꞌ yaꞌkeshphaterreꞌ ya ñeñthey yexhaꞌyetsa añ patsro.

1 San Juan 5:1

Alloweney erraꞌtseneychaꞌ ameꞌñerraya Jesúspaꞌ ña Cristotats ñeñtheyña yapaꞌ oꞌ eꞌñe poechemer perrey Yompor. Ñewa, yeñoteñ arr patsro ñerraꞌm yemorrenteña poesheñarr acheñ ñeñth achemereshath, poechemereshaꞌnaña eꞌñe yemorrentwena.