San Lucas 19:5 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵ Allempoña xhap Jesús eꞌñe ñesho, kowostsa enonethpaꞌ alla entos, ñañapaꞌ ateth otos: —Zaqueo, peswerra thekma. Theꞌ napaꞌ eꞌñe poktennana oꞌch nexhap pepakllo.

San Lucas 19:5 Iomraidhean Croise

San Lucas 19:10

Na Ñeñthen Acheñetosets ñeñthoꞌmarña nowapa añe patsro oꞌch neꞌnyesos acheñeneshaꞌ ñeñth chenkëtsa ñeñthchaꞌña naꞌkeshphatyesos.

San Lucas 19:2

Allñapaꞌ alloꞌtsen poesheñarr yakma ñeñth sochetsa Zaqueo ñeñth paꞌmhchaꞌtarether peñ allowen ñeñth cobraꞌyeneꞌ acheñeneshaꞌ kelle gobiernokop. Ñañapaꞌ atarr ekhllayoreth.

San Lucas 19:4

Ñeñthoꞌmarña ñapaꞌ mata allenethchaꞌ oñem, aꞌtapos tsacho ñeñth paꞌsoꞌcheñ sicómoꞌrech allothchaꞌ entapan Jesús tharroꞌmar allchaꞌ oñem.

San Lucas 19:6

Ñañapaꞌ allentha sowerra thekma eꞌñe poksheñeshaꞌ agapaph.

San Juan 1:48

Natanaelñapaꞌ ateth otosan Jesús: —Napaꞌ ¿errothenotheꞌtña peñotenen? Amakaꞌye pentarno. Jesúsñapaꞌ ateth otererr: —Allempo ama aꞌsechenphaꞌ Felipe nesho, allempo phapaꞌ alla phanen mañtho higocho nañapaꞌ nentenephkaꞌye.

San Juan 14:23

Jesúsñapaꞌ ateth oterraneterr: —Ñerraꞌm eseshaꞌch nemorrentaya na eꞌñechña ateth perret ñeñth ateth notenanet. Apañapaꞌ atarrchaꞌ morrentenanet. Ñeshetoñapaꞌ yexhapchaꞌ atthoch yeyxherra ñet poeyoxhreto.

2 Corintios 6:1

Theꞌpaꞌ attho yethorraprecha Yompor, napaꞌ oꞌch notas, amach eꞌñe orrena sagapatstoñe Yompor poemoereña.

Efesios 3:17

Ñamha xhokmoepaꞌch yexhena Cristo eꞌñe seyoxhro eꞌñe seyemteñoth ña. Allochñapaꞌ atthochña eꞌñe sagapoñ Yompor poemorrenteña atthoch eꞌñe womenk sephaꞌ seyoxher Yomporekop. Ateth ñerraꞌmrratheꞌ tsach ñeñth atarr erxhath eꞌñech womenk orrena patso, allochña poeꞌchorpaꞌ eꞌñech kowen then.

Hebreos 13:2

Ñamha amach sepsatsto atthoch eꞌñe kowen sagaph allowen amaꞌt esesha ñeñth wapyetsa sepakllo. Tharroꞌmar ama señotannaꞌtweno; ñatoꞌrraña añ sagën ñeñth moeñen Yompor ateth pena poꞌpotantañ ñetpaꞌ añepaꞌt agapoet mellañotheñ.

El Apocalipsis 3:20

Señochepaꞌch ñeñthchaꞌ ateth netmaꞌntaterrsa. Napaꞌ atethchaꞌ nepena ñerraꞌmrratheꞌ eseshaꞌ ñeñth xhokma xhoreꞌtets yetarroth. Ñerraꞌm eseshas seꞌmapoerrnan neñoñ ñamha ñerraꞌm setorampenen, nañapaꞌ oꞌch nebeꞌthos all, allñapaꞌ oꞌch yerrallmeꞌchen parro.