San Lucas 19:44 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁴ Aꞌmataꞌtwerrnasetchaꞌ ora allowen saꞌnetser atthoch sepaklleꞌnachña eꞌñe saꞌtpetseꞌtwerreꞌ allowenes amaꞌt sakñetharetholleshowen. Allo sorraten sepakëll amaꞌt pathrra mapoeꞌpaꞌ amach aꞌpoerro, tharroꞌmar sapaꞌ ama semno oꞌch sagërrñañ Yompor poemoereña allempo moeneñeñ oꞌch yenpoerrsoñ samha.

San Lucas 19:44 Iomraidhean Croise

San Mateo 24:2

Allempo Jesúspaꞌ ateth otanet: —Amaꞌt senteñeñ ora allowen ñeñth koxhneshareꞌ tharraña napaꞌ oꞌch notas: Poꞌñoxhkaꞌye xherrchaꞌ allempoch eꞌñe aꞌmataꞌtarethetwerra. Amaꞌt eꞌñe poemharra mapyetpaꞌ amach aꞌpoerroña all allo orratenet Partsopoꞌ eꞌñechkaꞌye poktakma aꞌkoyeꞌtarethetwerra.

San Marcos 13:2

Jesúsñapaꞌ ateth och: —Amaꞌt sentyeñ theꞌ ñeñth atarr koxhneshareꞌ pokollexhno tharraña esempopaꞌ xherrchaꞌ allempoch eꞌñe aꞌmataꞌtarethetwerra. Amaꞌt eꞌñe poemharra mapyetpaꞌ amach aꞌpoerroña all allo orratenet Partsopoꞌ.

San Lucas 1:68

—Ayeꞌchoxhtaterrapoꞌch Yompor, ñeñthara ñeñth Poꞌpartseshar pen allowen israelneshaꞌ, tharroꞌmar theꞌñapaꞌ oꞌ orrtaterrnay poemoereña ñeñthchaꞌ yaꞌkeshphaterreꞌ ñeñthey poechemer pen.

San Lucas 1:78

Theꞌpaꞌ xhapchaꞌ allempoch Yompor eꞌñe poemoereñothey xhapaterrnaychaꞌ ñeñth wetsa entoth ñeñthchaꞌ yokthapeꞌchaterreꞌ eꞌñe kowen, ñeñthña kothaphñatserpaꞌ ñeñthchaꞌ yaꞌpoetarsamperreꞌ.

San Lucas 19:42

Allpaꞌ ateth eñorosa ñokpoet: —Atarr nemneñeñ amaꞌt eꞌñe thayekma poꞌñoxh sapaꞌxhoꞌña oꞌtheꞌ señotereñ errothenchaꞌ seperra atthoch Yomporpaꞌ oꞌch aꞌkeshphaterrsoñ eꞌñech soksheñeshaꞌ sokrrerrañ. Tharraña saña themeꞌttsen ñeñthñapaꞌ amaꞌt mameshapaꞌ ama xhennaso seyoxhro.

San Lucas 21:6

—Ora ñeñth allpon eꞌñe koxhneshareꞌ sentyen theꞌ xherrchaꞌ allempoch eꞌñe aꞌmataꞌtarethetwerra. Amaꞌt poemharra mapyetpaꞌ amach aꞌpoerroña all allo orratenet Partsopoꞌ.

1 San Pedro 2:12

Ñeñth ama ameꞌñetso seshopaꞌ añ poktetsa oꞌch sorrtatoñ ñeñth ateth eꞌñe kowenareꞌ es sepen. Allochñapaꞌ ñerraꞌm moeneñet oꞌch sasareꞌtasetpaꞌ oꞌch entonaset attho eꞌñe kowenareꞌ es sepen. Allochñapaꞌ ñerraꞌm esempo werra Cristo atthoch eñotatwerrey ñeñth ateth yephaꞌyena, ñetpaꞌxhoꞌña oꞌch ayeꞌchoxhtaterrñañet Yompor.