San Lucas 19:39 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁹ Fariseoneshaꞌña poesheñaꞌtets ñeñth alloꞌtsaꞌyen ñeñth ama ameꞌñenaye Jesús, ñetñapaꞌ ateth otapet Jesús: —Maestro, pecheꞌptareꞌtayeꞌchyesnomhñakaꞌyeña peyochreshaxhno atthoch amach alloꞌna attha axhotatsetnenpeto.

San Lucas 19:39 Iomraidhean Croise

San Mateo 2:7

Allempoña otwoset atethpaꞌ Herodesñapaꞌ eꞌñe aꞌnawa agotaterran ñamha poꞌpotantañ eñotañneshaꞌ ñeñth xhaxhaꞌtats allempo Jerusaléño. Allñapaꞌ eꞌñe akopha aꞌphthoꞌtareꞌtyesapanet: —Rantopaꞌ ¿eꞌñeꞌtña esempotheñña señch ñeñth sorrtoya ñenmath?

San Mateo 23:13

‘Atarr nanak llekëñtsoꞌtsenes fariseoneshachaꞌ ñamha samha ñeñthes eꞌñe etsotayenayeñ ñoñets ñeñth ateth anareth judioneshakop tharroꞌmar sapaꞌ sommoꞌcheñotheꞌna atarr seshkareꞌtyen. Tharroꞌmar amaꞌt sapaꞌ amakaꞌye senteññañeña Yompor poꞌkowenña, ellonethpaꞌxhoꞌña xhokma sepatareꞌteñña poꞌpotantañ ñeñth eꞌneneꞌ Yompor poꞌkowenña. Xha saꞌnpampeñña acheñeneshaꞌ atthoch ñetpaꞌxhoꞌña amach enterrñañeto Yompor poꞌkowenña ñeñth attho atarr ayochreshathtena ña poeꞌntañoth.

San Juan 12:10

Ñeñthña paꞌmhchaꞌtaretherneshaꞌ pen allowen judioneshaꞌ poꞌkornaneshar ñetñapaꞌ añeꞌna oꞌpatenet Lázaro ñaꞌnach moetset.

San Juan 12:19

Allempoña fariseoneshaꞌpaꞌ ateth otannaꞌtyeset: —Señchtheꞌkaꞌyeꞌm yapaꞌ amatheꞌ erroth es yepho amaꞌt koñeꞌtha. Sekweꞌ shonteꞌkaꞌye ñamha acheñeneshaꞌ errapharenoth oꞌ eꞌñe kothaꞌwanmet.

Santiago 4:5

Ñeñthpaꞌ ama orrena oteno Yompor poꞌñoñ ñeñth akellkareth awathotheñ, ñeñthpaꞌ ateth oten. “Yompor Poekamkëñ ñeñth chorratenya ñapaꞌ eꞌñe poemorrenteñotheypaꞌ nanak mopaꞌteney.”