San Lucas 19:21 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²¹ Napaꞌ xha nemhchaꞌteneph tharroꞌmar neñoteneph phapaꞌ amakaꞌye matsrreꞌmñape. Phapaꞌ xhokmakaꞌye peprratampesyen amaꞌt ñeñthpaꞌ ama phoyaye, ñamha xhokmakaꞌye pethotatyenña ñeñth ama phayeꞌ nareꞌtatyenaye.”

San Lucas 19:21 Iomraidhean Croise

San Lucas 19:20

Allempoñapaꞌ wapa poꞌpsheñeñ paꞌtarwasañer, ñapaꞌxhoꞌña ateth otos: “Ayochreshathe, arrpaꞌ ñeñtha allponara ñeñth eꞌñe allpona phapaꞌnmoen awaña kelle. Napaꞌ alla naññoꞌtennaph eꞌñe kowen nepennaph pañello.

San Lucas 19:22

Pamoꞌmteꞌñapaꞌ ateth otwer: “Phaña poꞌñoxhpaꞌ amakaꞌye kowenayeꞌ pesherbenno amaꞌt eꞌñe mamesha. Eꞌñe ateth photenen napaꞌ atarroꞌ atsrreꞌmñathen theꞌñapaꞌ poꞌñoxh atethchaꞌkaꞌye natsrreꞌmoxhtanaꞌtwerrephchaꞌ. Ñerraꞌm poꞌñoxh peñotennoñ napaꞌ atarr atsrreꞌmñatheneñ, ñerraꞌm poꞌñoxh xhokma neprratampesyeneñ ñeñth ama noyaye, ñamha napaꞌ ñerraꞌm poꞌñoxh xhokma nethotatyeneñ ñeñth ama nayeꞌ nareꞌtatyenaye,

Romanos 8:15

Ñeñthoꞌmarña amach alla yemhchaꞌterrerro ateth ñerraꞌmrratheꞌ ñeñth ñañrets, atarrchaꞌ mechaꞌtenan pamoꞌmteꞌ. Tharroꞌmar yapaꞌ allempotheñ oꞌ yagërrñañ Yompor Poekamkëñ yañapaꞌ oꞌ poechemer perrey poꞌñoxh. Ñeñthoꞌmarña amach yemhchaꞌnañotheyeꞌ yemaꞌyocheñothpaꞌ oꞌch yexhoreꞌch, oꞌch yoch: “Apa.”

Romanos 8:7

Tharroꞌmar ñerraꞌm añach yeꞌnen ñeñth ateth moenatseꞌtateney yechetspaꞌ ñeñthpaꞌ ateth yepena ñerraꞌmrratheꞌ xha yeꞌmoñeꞌteñ Yompor, ñeñthoꞌmarña xhach yathpareꞌteññañ poꞌñoñ. Amach errothenoth yameꞌñeroña Yompor ñerraꞌm añach yeꞌnen ñeñth ateth moenatseꞌtateney yechets. Ñamha ñerraꞌm atthach yepenapaꞌ amach errothenoth yokshacheña Yompor.

2 Timoteo 1:7

Tharroꞌmar Yomporpaꞌ ama añekpayeꞌ chorratenyoña Poekamkëñ atthoch yapaꞌ oꞌch xha yemhchaꞌt, añekopña chorratenya atthoch awamenkath phaꞌy, ñamha atthoch yemorrentannaꞌta alloweney, ñamha atthoch eꞌñe kowen yorrtatyen ñeñth ateth moenen Yompor.

Santiago 2:10

Ñamha amaꞌt eꞌñe yeyxhatset allowen Yompor poꞌñoñ ñeñth ateth anarethñaꞌ, ñerraꞌm patherrñapaꞌ ama attheyeꞌ yepeñepaꞌ Yomporñapaꞌ oꞌch enteney ñerraꞌmrratheꞌ oꞌ ora yepantaꞌwoñ.

1 San Juan 4:18

Ñerraꞌm poꞌñoxh yemorrenteña Yomporpaꞌ amachña xha yemhchaꞌteñe. Tharroꞌmar attho eꞌñe poktakma kowen yemorrentannena epay Yompor, ñeñthña poꞌñoxh yewaporeꞌtampeneꞌña yemhchañ. Ñerraꞌm esempo xha es yemhchaꞌtenpaꞌ atthoña eꞌñe yañeña koñchatetsa. Ñamha ñerraꞌm orameñ yemhchaꞌten amakaꞌye eꞌñe yeyxhenaꞌña atthoch eꞌñe kowen yemorrentannena eꞌñe poktakma.

San Judas 1:15

Werrach allochñapaꞌ oꞌch entwerran allowen acheñeneshaꞌ ñatoꞌ kowenettheꞌ ñatoꞌ amatheꞌ kowenayayeto. Allowen ñeñthchaꞌ ama kowenayeꞌ entwerro Yompor, ñetñapaꞌ amñarethterretchaꞌ koñcheñtso. Atthochña tsaꞌtatwerrana allowen ochñatheneshaꞌ ora allpon phatseꞌtyeseteꞌth ñeñth ama pokteyeꞌ enteno Yompor Parets amaꞌt mamesha. Ñamha atethchaꞌ tsaꞌtatwerranet ora allpon attho sasareꞌcheteꞌth Yompor eꞌñe pachmhareꞌteñothet.” Arrpaꞌ allowa wañ ñeñth ateth eñoseꞌth Enoc awath.