San Lucas 19:19 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁹ Pamoꞌmteꞌñapaꞌ ateth otwer: “Eꞌñe pokteꞌ, theꞌpaꞌ oꞌch nenwerreph phamha amnarekop anets allchaꞌ phaꞌmhchaꞌtarethterra phamha.”

San Lucas 19:19 Iomraidhean Croise

San Lucas 19:18

Allempoñapaꞌ oꞌ wapa ñamha poꞌpsheñeñ paꞌtarwasañerpaꞌ ñapaꞌxhoꞌña ateth otos: “Ayochreshathe, na ñeñth allpon phapaꞌnmoen awaña kelle, nañapaꞌ ello neganaterrnaperr pekhllayor anmaroch.”

San Lucas 19:20

Allempoñapaꞌ wapa poꞌpsheñeñ paꞌtarwasañer, ñapaꞌxhoꞌña ateth otos: “Ayochreshathe, arrpaꞌ ñeñtha allponara ñeñth eꞌñe allpona phapaꞌnmoen awaña kelle. Napaꞌ alla naññoꞌtennaph eꞌñe kowen nepennaph pañello.

1 Corintios 15:58

Ñeñthoꞌmar eꞌñe nemorrenteñothpaꞌ oꞌch, masheñneshachaꞌ ñamha noxhaneshachaꞌ, noterrserr: Theꞌpaꞌ womenkëpaꞌch sephaꞌ seyoxher, amach sekexhpatstere. Ñamha xhokmoepaꞌch sethorrena Yomporekop. Ñamha sapaꞌ señochepaꞌch ñeñth attho yethorrena Yomporekoppaꞌ ama orrena yethorreno.

1 Corintios 3:8

Ñeñthoꞌmarña yeñoteñ ñeñthey nareꞌtets ñamha ñeñthey sheꞌtamoꞌreꞌtetspaꞌ eꞌñe parrokma yethorrena Yomporekop. Elloña Yomporpaꞌ apaꞌyerreychaꞌ poesheñaꞌttsoy kowen ñeñthchaꞌ atarr yokshaterreꞌ. Apaꞌyerreychaꞌ errothentheꞌ yethorraꞌyesnoma ñokop.

2 Corintios 9:6

Xhokmach seyerpoena añ ñoñets, ñeñthpaꞌ ateth oten: Ñerraꞌm ya atarr koñeꞌth es yapaꞌyen Yomporekop, yapaꞌxhoꞌña oꞌch alla yagërr ñeñth atarr koñeꞌth. Ñerraꞌm atarr aton es yapaꞌyen Yomporekop, yapaꞌxhoꞌña oꞌch alla yagërr ñeñth atarr aton. Ñewa, ñatoꞌ oꞌch netmaꞌntacha ateth ñerraꞌmrratheꞌ xho yenareꞌtatseꞌten yaꞌmro. Ñerraꞌm atarr koñeꞌth yenareꞌtatseꞌtpaꞌ atarrchaꞌ koñeꞌth yaꞌyapaxherr ñerraꞌm esempo poꞌnen. Ñerraꞌm atarr aton yenareꞌtatseꞌtpaꞌ atarrchaꞌ aton yaꞌyapaxherr ñerraꞌm esempo poꞌnen.

2 San Juan 1:8

Sapaꞌ eꞌñech señota allochñapaꞌ amach shekaso. Ñerraꞌm shekas allempopaꞌ eꞌñetheꞌ orrena sethorrerra Yomporekop. Añchaꞌña sethorrena atthochña sapaꞌ eꞌñech sagapwerr ora allpon ñeñth alloch tsaꞌtwerrsa ña.