San Lucas 19:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Na Ñeñthen Acheñetosets ñeñthoꞌmarña nowapa añe patsro oꞌch neꞌnyesos acheñeneshaꞌ ñeñth chenkëtsa ñeñthchaꞌña naꞌkeshphatyesos.

San Lucas 19:10 Iomraidhean Croise

San Mateo 1:21

Theꞌpaꞌ eñalletatanchaꞌ asheñorr, ñeñthñapaꞌ pesochchaꞌ Jesús tharroꞌmar ñapaꞌ ñeñthchaꞌ aꞌkeshphaterreꞌ paꞌcheñer poꞌchñarothet. Arrpaꞌ allowa ñeñth ateth och mellañotheñ.

San Mateo 10:6

Arrchaꞌña seta all yexhaꞌyena israelenaꞌtarneshaꞌ. Ñetpaꞌ eꞌñe ateth nentenanet ñerraꞌmrratheꞌ carneroxhno ñeñth payaꞌtyetsa.

San Mateo 15:24

Ñañapaꞌ ateth otanet: —Napaꞌ eꞌñe añekpa allsensarethen ñeñth israelenaꞌtarneshakop; ñetpaꞌ eꞌñe ateth nentenanet ñerraꞌm carneroxhno ñeñth payaꞌtyetsa.

San Mateo 18:10

Jesúspaꞌ alla oterranerr poeyochreshaꞌ: —Eꞌñech señota, añepaꞌchña atarr asherben senten ñeñth ama ommoꞌchetso ñeñth ateth petsa ñerraꞌm cheshatholl ñeñthñapaꞌ eꞌñech poeñmañeshaꞌ yemtenna. Tharroꞌmarña theꞌpaꞌ oꞌch notas, ñeñth ama pommoꞌcheñotheyeꞌ nameꞌñenayo ñokpoetpaꞌ eñalletkaꞌyeña poꞌmhllañotheñer ñeñthchaꞌ kowampenawet. Ñeñthña poꞌmhllañotheñretpaꞌ xhokma Yomporeshoꞌtsenet allña eꞌñe kowen eꞌmhñotenanetña Yompor poeꞌntaño.

San Mateo 18:11

Poꞌñoxh na Ñeñthen Acheñetosets añekopña nowapa atthoch naꞌkeshphatyesos acheñeneshaꞌ ñeñth chenkëtsa.

San Lucas 15:32

Ñeñthoꞌmarña theꞌpaꞌ añ poktetsa oꞌch yokshameꞌtamphsapoeña pemoꞌnasheñ, oꞌch atarr nanak yokshena tharroꞌmar amaꞌt oꞌ rromwañ theꞌñapaꞌ oꞌ alla tanterra; amaꞌt oꞌ chenkaꞌwañ theꞌñapaꞌ oꞌ alla yenter.”

San Lucas 15:8

‘Ñeñthara kothaphñats, theꞌpaꞌ ñatoꞌ atethchaꞌ netmaꞌntacha poꞌpoñoneth ateth ñerraꞌm poesheñarr koyaneshaꞌ ñerraꞌm echenan xharratlla poꞌkhllayor ñeñth atarr morrentena. Ñerraꞌm xho aꞌchenkach poetallarrpaꞌ amaꞌtchaꞌ aꞌllchatanoña poꞌlampareñ atthoch tarrapoꞌtenan paꞌpakëll allchaꞌ eꞌnameꞌtyerran poetallarr poꞌkhllayor. Atthothchaꞌña enter.

San Juan 3:17

Yomporpaꞌ amakaꞌye añekpayeꞌ moeñanoña Poechemer arr patsro atthoch moeñosan acheñeneshaꞌ koñcheñtso. Ñapaꞌ añekopña moeñe atthoch ñach aꞌkeshphatoseꞌña acheñeneshaꞌ arr patsro.

Romanos 5:6

Yapaꞌ yeñoteñ nanak morrentenya Yompor tharroꞌmar awathpaꞌ ama es yokthapeꞌchpeno amaꞌt mamesha Yomporekop atthoch yekeshperrañ. Tharraña Yomporñapaꞌ eꞌñe allempokmapaꞌ awoꞌt moeñan Poechemer Cristo añe patsro ñeñthchaꞌ rromosets eꞌñe yokop ñeñthey ama es kothapeꞌchetso kowen amaꞌt mamesha Yomporekop.

Hebreos 7:25

Ñeñthoꞌmar Cristopaꞌ ña eñoteneꞌ atthoch xhokma aꞌkeshphatenan allowen ñeñth eꞌneneꞌ Yompor ñerraꞌm eꞌñe poeyemteñothet ña, tharroꞌmar ñapaꞌ xhokma alloꞌtsen Pomporesho allekma aꞌpoktatennay ñeñth eꞌñe kowen yokop.