San Lucas 18:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ Poꞌpocheñoña Jesúspaꞌ ateth serrpareꞌtatan allpon acheñeneshaꞌ ñeñth eꞌñe ñeta yemtetset tharroꞌmar ñetpaꞌ eꞌñe kowen entyenet eꞌñe ñañeñeta. Ñetñapaꞌ amaꞌt mameshapaꞌ ama kowenayeꞌ enteñetoña poꞌpotantañ acheñeneshaꞌ. Ñeñthoꞌmarña Jesúspaꞌ alla tomaꞌntatanet, ñeñthpaꞌ ateth otanet:

San Lucas 18:9 Iomraidhean Croise

San Lucas 10:29

Ñeñthña acheñerpaꞌ aña atarr moenen oꞌch eꞌñe kowen enteñ Jesús ñamha allowen acheñeneshaꞌ. Ñeñthoꞌmarña alla aꞌphthoꞌterranerr Jesús: —Ñewa, theꞌpaꞌ oꞌch photen ¿eseshaꞌtña ñeñth eꞌñe poꞌñoxh namoꞌts nepen?

San Lucas 15:2

Añña fariseoneshaꞌ ñamha ñeñth atarr etsotayenayeñ ñoñets ñeñth ateth anareth judioneshakop, ñetñapaꞌ amaꞌt mameshapaꞌ ama pokteyeꞌ enteñeto. Ñetñapaꞌ attha sasareꞌteñet Jesúspaꞌ ñeñthpaꞌ ateth otannaꞌtyenet: —Añ acheñer amaꞌt ñeñth atarr ochñatheneshaꞌpaꞌ esoꞌmartheꞌña eꞌñe kowen agapyenanet, ñamha alla rrallmeꞌchapreteñet.

San Lucas 16:15

Jesúsñapaꞌ ateth otanet: —Sapaꞌ xha sottenañ ñerraꞌmrratheꞌ atarr kowensoñ atthoña acheñeneshaꞌpaꞌ eꞌñe kowen entyensetañ. Tharraña Yomporñapaꞌ eꞌñe eñotennas seyoxher ñeñth attho sapaꞌ atarr seshkareꞌtyeñ acheñeneshaꞌ. Tharraña ñeñth eꞌñe ñañeñeta atarr kowen entyetset arr patsro, ñetñapaꞌ atarr tsenaꞌtenanet Yompor.

San Lucas 18:11

Ñeñthña fariseopaꞌ thomos all maꞌyochosañ, ñeñthpaꞌ ateth otos: “Nompore, napaꞌ oꞌch neparasyosoꞌtoseph tharroꞌmar napaꞌ atarr kowen acheñren, napaꞌ ama attheyayno Nompore ñerraꞌm poꞌpotantañ acheñeneshaꞌ. Ñetpaꞌ atarr es poerratamphsannaꞌtyenet, ama pokteyeꞌ es phannaꞌtyeneto, atarrchaꞌ chetaꞌyeñet koyaneshaxhno ñeñth ama poethaporeyaye. Napaꞌ ama attheyeꞌ, Nompore, nepeno. Napaꞌ ama neshkareꞌteno ateth pena añ acheñer ñeñth poeshkëñotheꞌna cobraꞌyeneꞌ acheñeneshaꞌ kelle gobiernokop.

San Lucas 19:7

Allempoña acheñeneshaꞌ ateth eñchet, ñetñapaꞌ amaꞌt mameshapaꞌ ama pokteyeꞌ es entaye. Ñetpaꞌ ateth otannaꞌtyeset: —Esoꞌmarchaꞌkaꞌyeña beꞌthososña Jesús allchaꞌ mos añ acheñer paꞌpakllo ñeñth atarr nanak ochñath.

San Lucas 7:39

Añña fariseo ñeñth waꞌñeneꞌ Jesús, ñañapaꞌ eñchpaꞌ ateth ot poeyoxhro: Tharraña añ yakma ñerraꞌm poꞌñoxh ñeñth aꞌmhtenayeñ Yompor poꞌñoñpaꞌ eñotapaneñchaꞌña añ koyaneshaꞌ ñeñth aꞌphlleneꞌpaꞌ atarr ekañoreshath, amach moenacheñe oꞌch aꞌphllosñañ amaꞌt paꞌtka.

San Juan 8:48

Judioneshaꞌñapaꞌ ateth otereterr: —Eꞌñe poꞌñoxh ateth yoteneph, phapaꞌ samarioꞌmarneshaph, oneñetha pechorrenaya.

San Juan 9:28

Ñetña allentha otnareꞌchetpaꞌ ateth otereterr: —Phapaꞌ poeyochreshaꞌ peneph ñeñth yakmar, yañapaꞌ Moiséskaꞌye poeyochreshay.

San Juan 9:34

Ñetñapaꞌ alla otereterr: —Phapaꞌ peꞌñalleta eꞌñe ochñartsoth. Theꞌñapaꞌ xha pemneñ oꞌch peyxhatey ya. Allentha moeñoꞌchet eꞌñe ñet poꞌprawoth.

Los Hechos 22:21

Oꞌ alla oterrnerr Yepartseshar: “Amaꞌt atethpaꞌ theꞌpaꞌ oꞌch aweph oꞌch nemñaph allaphar alloꞌtsaꞌyen acheñeneshaꞌ ñeñth ama judioneshayayeto.”

Romanos 10:3

Poꞌñoxhpaꞌ ama xhenaneto poeyoxhreto ñeñth ateth moenen Yompor atethchaꞌ yepha atthoch pokteꞌ enteney amaꞌt eꞌñe alloweney. Ñetpaꞌ otenapoetañ eꞌñe poeyexhkateñothet ñeñth kowen entenet ñetpaꞌ Yomporñapaꞌ pokteꞌtheꞌ entapretenanet. Elloña ñetpaꞌ ama moeneñeto oꞌch yemterrñañet ñeñth ateth oteney Yompor, ñeñthchaꞌ atthoch eꞌñe poꞌñoxh pokteꞌ enterrey ña.

Romanos 14:10

Ñeñthoꞌmarña amach yotatsche yemoꞌnasheñ ñeñth ateth pena ñapaꞌ ñeñthpaꞌ ama pokteyaye. Ñamha amach yotatsche ñapaꞌ ama es eñoteno. Tharroꞌmar Cristo ñapaꞌ ñach yoterreꞌ errothenchaꞌ entyerrey esempowañen allempoch yapxherra alloweney ñesho.

Romanos 14:3

Ñeñthey paꞌnamen es rraꞌyetspaꞌ amoepaꞌch yentatsche ñeñth thoreꞌtetsa ñapaꞌ ama es eñoto. Ñamha ñeñth es thoreꞌtetsapaꞌ amoepaꞌch otatsetye ya ñeñthey paꞌnamen es rraꞌyets ama pokteyaye oꞌch yerratseꞌtyes paꞌnamen ñeñth ama arrapawoyaye. Tharroꞌmar Yomporpaꞌ ñaña oꞌ agërrey atthoch poeyochreshaꞌ perrey.

Romanos 7:9

Awath napaꞌ allempo ama neñotenaꞌ ñoñets ñeñth ateth anareth, nañapaꞌ nanak kosheñtsoꞌtsennoñ allempo. Tharraña allempoña neñoter ñeñth ateth oteney ñeñthchaꞌ ateth yepha kowen ñamha ñeñth ama ateth aphapawopaꞌ allempotheñña napaꞌ neñotena poꞌñoxhpaꞌ shonteꞌ noꞌchñar ñeñth neyoxhroꞌtsen. Allempotheñña napaꞌ atarr nellkërra nanak. Neñoteñ aña noꞌpatenaya rromoeñets ñeñthara koñcheñets.