San Lucas 18:5 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵ Tharraña añ rrethorrnanesharpaꞌ atarr atsrreꞌmoxhtanaꞌtenen, epayeꞌ wapameꞌtennana, oꞌkaꞌye atarr aꞌmñechatna. Ñeñthoꞌmarña theꞌpaꞌ oꞌch neyenpoeꞌ allochñapaꞌ amach alla werrnaneꞌthe.”

San Lucas 18:5 Iomraidhean Croise

San Mateo 15:23

Jesúsñapaꞌ amaꞌt mameshapaꞌ ama eñoranaꞌteño. Attheñapaꞌ oꞌ ponemhya poeyochreshaꞌ otoset: —Peꞌmhñochñakaꞌye thekma allochñapaꞌ oꞌch awerr, xhakaꞌye kothaꞌneney perranareꞌtnomoeꞌ.

San Lucas 11:8

Tharraña napaꞌ oꞌch notas, amaꞌt ñeñth atarr yeyemtenañaꞌ ñerraꞌm ama xhaꞌnmaponayopaꞌ yañapaꞌ ñerraꞌm alla yenamoereꞌthpaꞌ xhaꞌnmaponayach atthoch apapoey amaꞌt erraꞌtsena ñeñth atarr yenamoeñ atthoch amach alla yaꞌtsrreꞌmoxhtanaꞌtneñe es enamareꞌteꞌ.

San Lucas 18:3

Ñeñthña anetsropaꞌ all yexhena ñamha poesheñarr rrethorrnaneshaꞌ. Ñañapaꞌ eñall poꞌpsheñeñ ñeñth eꞌmoñeꞌteneꞌ, xhokmach erroth peññañ ñeñth ama pokteyaye. Rrethorrnaneshaꞌñapaꞌ xhokmach seneꞌth juezesho. Allchaꞌ xhokma ateth otareꞌtenan juez: “Theꞌpaꞌ nemneñ oꞌch eꞌñe kowen peyenpaꞌn atthoch phaꞌpoktaton kowen ñoñets añekop ñeñth neꞌmoñeꞌteneꞌ.”

San Lucas 18:39

Acheñeneshaꞌ ñeñth otaxhetsa ñetñapaꞌ xha moeneꞌ cheꞌptareꞌtnomet, ateth otoset: —Oꞌwa pemma. Aporoꞌyethñapaꞌ elloña alla rranerrerr ateth oterranerr Jesús: —Ñeñtheph Davidnaꞌtareph, pemoerayeꞌchnomnañakaꞌye.

1 Corintios 9:27

Xhochña newnat nañeña nechets. Eꞌñe nach tarwasateꞌ nechets Yomporekop. Atethchaꞌ nepha tharroꞌmar amaꞌt na serrpareꞌtateꞌ poꞌpsheññexhnopaꞌ ñatoꞌrraña ellopaꞌ theꞌt alla awaporeꞌtarethen nañeña tharroꞌmar ama netsotoñe ñeñth moenen Yompor.