San Lucas 18:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Juezñapaꞌ amaꞌt allponmat ama moeno oꞌch yenpoeꞌ. Tharraña rrethorrnaneshaꞌ ñapaꞌ xhokmach sen juezesho enamareꞌteneꞌ atthoch aꞌpoktatoñ ñoñets añekop ñeñth eꞌmoñeꞌteneꞌ. Attheñapaꞌ xhap allempo kothapeꞌch juezpaꞌ ateth ot: “Napaꞌ poꞌñoxh amaꞌt Parets ama nemhchaꞌteñe; acheñeneshaꞌpaꞌxhoꞌña amaꞌt mameshapaꞌ ama akwaꞌpenayeꞌ nentenaneto.

San Lucas 18:4 Iomraidhean Croise

San Lucas 12:17

Ñeñthña ekhllayorethpaꞌ ateth kothapeꞌchen poeyoxhropaꞌ ateth oten: “Errothwachkaꞌye nephaꞌña, ñeñth atarr nanak aton nethotaten amakaꞌye eñalleña allchaꞌ eꞌñe naññoꞌtwe.”

San Lucas 16:3

Allempoña paꞌtarwasañer ñapthopaꞌ ateth kothapeꞌchen: “Theꞌpaꞌ amach alloꞌna netarwasaꞌneno namoꞌmtayesho; oꞌkaꞌye mopaꞌtamperrenña allo neganena. Theꞌpaꞌ errothenwachñakaꞌye nephatheꞌ. Napaꞌ ama necheno newamenk atthoch namreꞌt ñeñthchaꞌ netarwas neperreñ, ñamha ama nemno oꞌch netarwas nephaꞌ oꞌch attha nenamareꞌtyen kelle ateth phaꞌyena poꞌpsheññexhno ñeñth poꞌtarwas peneꞌ oꞌch enamareꞌtyeset kelle, tharroꞌmar na ñeñthpaꞌ atarr apenkoxhen nenteñ.”

San Lucas 18:2

Ñeñthoꞌmarña allempopaꞌ ateth otanet: —Patherr anetso alloꞌtsen poesheñarr juez ñeñth poꞌtarwas peneꞌ oꞌch eꞌñe kowen aꞌpoktatan ñoñets acheñeneshakop ñerraꞌm esempo eꞌmoñeꞌtannenet. Tharraña ñeñthña juezpaꞌ atarr atsrreꞌmñath. Amaꞌt Yomporpaꞌ ama amhchaꞌnaꞌtpawoyeꞌ enteñe amaꞌt eꞌñe mamesha. Acheñeneshaꞌpaꞌxhoꞌña amaꞌt poesheñarrapaꞌ ama akwaꞌpenayeꞌ entenaneto.

San Lucas 18:3

Ñeñthña anetsropaꞌ all yexhena ñamha poesheñarr rrethorrnaneshaꞌ. Ñañapaꞌ eñall poꞌpsheñeñ ñeñth eꞌmoñeꞌteneꞌ, xhokmach erroth peññañ ñeñth ama pokteyaye. Rrethorrnaneshaꞌñapaꞌ xhokmach seneꞌth juezesho. Allchaꞌ xhokma ateth otareꞌtenan juez: “Theꞌpaꞌ nemneñ oꞌch eꞌñe kowen peyenpaꞌn atthoch phaꞌpoktaton kowen ñoñets añekop ñeñth neꞌmoñeꞌteneꞌ.”

San Lucas 20:13

‘Allempoña ñeñth pamoꞌmteꞌ penetpaꞌ ateth ot: “Theꞌpaꞌ errothwachñakaꞌyeña nepeꞌtheꞌ. Theꞌpaꞌ oꞌch nemñe ñeñth eꞌñe na nechemer ñeñth atarr nemorrentena. Ñatoꞌrraña ñeñthpaꞌ mechaꞌnaꞌtapetchaꞌ.”

Hebreos 12:9

Elloña yeñoteñ allempo cheshenyaꞌ ñeñth yompor yepen arr patsro attho eꞌñe kowen kothapeꞌchatyesyeꞌth, ñeñthpaꞌ eꞌñe pokteꞌ yeñcheꞌth tharroꞌmar yeñoteñ ñeñthpaꞌ eꞌñe kowen yokop. Ñeñthoꞌmarña theꞌpaꞌxhoꞌña eꞌñepaꞌchña kowen yenteñ attho Yomporpaꞌ oꞌ kothapeꞌchaterrey kowen ñeñthara Yompor ñeñth poeꞌntañoꞌtsen ñeñth pamoꞌmteꞌ pen yekamkëñ atthoña yapaꞌ korretsayach.