San Lucas 18:30 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁰ amaꞌt erraꞌtsenchaꞌ ñeñthchaꞌ sowanmoeꞌ allowen, elloña ñetpaꞌ oꞌch alla agërret shonteꞌ esokmañen ñeñth atarr kowen amaꞌt theꞌ allempo eꞌñe korrenet, elloña tsapathonethñapaꞌ oꞌch agërret ñeñth alloch ñetpaꞌ korretsetach beñekpoen.

San Lucas 18:30 Iomraidhean Croise

San Mateo 12:32

Ñamha ñerraꞌm eseshaꞌ nesaseneꞌ na Ñeñthen Acheñetosets ñeñthpaꞌ aphretnaꞌpoꞌ nenteñ. Tharraña ñerraꞌm eseshaꞌ añ achmhareꞌteññañet Parets Poekamkëñ ñeñthñapaꞌ amakaꞌye aphretnaꞌpawoyeꞌ nenteñe. Ñeñthpaꞌ amach aphretnaꞌpawoterro eꞌñe thayotheñ errponowañen.

San Mateo 4:24

Attheñapaꞌ eꞌmareꞌtwet errapharen amaꞌt Sirioꞌmar. Wapatyesoñet allowen ñeñth moeroxhtatyen atsnañets. Wapatyesoñet ñeñth osyen paꞌnamen atsnañets ñamha ñeñth atserrphañaxhno. Wapatyesoñet ñamha ñeñth chorraꞌyena oneñeth ñamha ñeñth othañaxhno ñamha echarrtañaxhno. Allowenetpaꞌ ñañapaꞌ eꞌñe aꞌkrratyeswerranet.

1 Timoteo 4:8

Ñamha añchaꞌña oꞌch pemaꞌyoxhra atthoch womenk pephaꞌ peyoxher Yomporekop. Ateth pena poꞌpotantañ acheñeneshaꞌ maꞌyoxhraya atthoch womenktatet eꞌñe ñañeñeta poꞌchets, amaꞌt ñeñthpaꞌ ama tama es sherbeno. Tharraña phapaꞌ añchaꞌña pemaꞌyoxhra atthoch womenk pephaꞌ peyoxher Yomporekop, tharroꞌmar ñeñthpaꞌ ello nanak sherben atthoch yokrra kowen añe patsro, ñamha sherben atthoch ello yokrraꞌwerra kowen esempowañen.

1 Timoteo 6:6

Ñewa, poꞌñoxh yapaꞌ yeñoteñ eꞌñe yameꞌñeñoth Cristopaꞌ shonteꞌ yechen esokmañen. Ñeñthoꞌmarña yapaꞌ ñeñthach nanak yokshena.

El Apocalipsis 2:10

Amach yoreꞌtatstaso moeroxhteñets ñeñthchaꞌ awen sewapoya. Tharroꞌmar ñeñthchaꞌ seyottamphseꞌ patantaꞌttsos, ñeñthpaꞌ oneñetheshoth wena añekopña atthoch topatwas ñerraꞌm poꞌñoxhtheꞌ sameꞌñena. Poesheñaꞌttsos moeroxhtatasetchaꞌ eꞌñe xharramat. Amaꞌtchaꞌ moetsasetpaꞌ añ pokteꞌ oꞌch serromapes attho sameꞌñena. Allochña napaꞌ napwerreschaꞌ ñeñth noꞌpatatensa alloch sokrraꞌwerra eꞌñe soksheñeshokmañen. Ñeñthpaꞌ ñeñthara noten poꞌpoñ ñoñtso napwerreschaꞌ sepremio ñeñthchaꞌ sokshatwerreꞌ eꞌñe poktakma.

El Apocalipsis 2:17

Ñeñth eꞌmhñoteneꞌ añ ñoñetspaꞌ xhapanetepaꞌch poeyoxhreto ñeñth ateth neñotatenanet na Nekamkëñoth ora allowen ñeñth pameꞌñeñothet xhokma apxhaꞌyenet allemeñ anetsoꞌmar. Ñeñth metanaꞌtweꞌ allowen paꞌnamen topateñtsoxhno, ñeñth ama nepoerramperrayo ñetñapaꞌ napanetchaꞌ maná ñeñthchaꞌ pokrramh perret ñeñth ama entpawesho. Ñamha oꞌch napanet mapyetholl ñeñth atarr wallamemen allo akellkarethtena soꞌchñets eꞌñe etserra. Ñeñthchaꞌ agapoeꞌ ñeñthpaꞌ ñaptha eñotenan añ soꞌchñets ñeñth akellkareth all.’ ” Arrpaꞌ allowa wañ ateth ot pérgamoꞌmarneshakop.

El Apocalipsis 3:21

Ñeñth metanaꞌtweꞌ allowen paꞌnamen topateñtsoxhno ñeñth ama nepoerramperraye, ñetñapaꞌ nemnatanetchaꞌ oꞌch amhchaꞌtarethtapreterrnet eꞌñe all nekonaño. Eꞌñech atthet ñerraꞌmrratheꞌ na, napaꞌ eꞌñe nemhtanaꞌtwa allowen paꞌnamen topateñtsoxhno. Ñeñthoꞌmarña napaꞌ naꞌmhchaꞌtarethtapreteña Nompor eꞌñe all poꞌkonaño.