San Lucas 18:23 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²³ Oꞌña eꞌmwan ñeñth ateth och Jesúspaꞌ ñañapaꞌ xha atarr lleka tharroꞌmar ñapaꞌ atarr ekhllayoreth, shonteꞌ paꞌnamen echyen.

San Lucas 18:23 Iomraidhean Croise

San Mateo 19:22

Oꞌña eꞌmwan wepoeshaꞌ ñeñth ateth och Jesúspaꞌ ñañapaꞌ poellkëñeshaꞌ awerr tharroꞌmar ñapaꞌ shonteꞌ esokmañen echyen.

San Marcos 10:22

Oꞌña eꞌmwan ñeñth ateth och Jesúspaꞌ ñañapaꞌ xha atarr nanak lleka tharroꞌmar ñapaꞌ shonteꞌ esokmañen echyen. Ñeñthoꞌmarña eꞌñe poellkëñeshaꞌ awerr.

San Lucas 12:15

Alla oterraneterr Jesús: —Eꞌñech señota sañeña, amaꞌt seyoxhrapaꞌ amach es seyeꞌchapretannaꞌtatsto amaꞌt eꞌñe koñeꞌtha tharroꞌmar attho yokrrena arr kowen añe patsropaꞌ ñeñthpaꞌ ama añekpayaye alloch esokmañen es yechyerr ñeñthchaꞌ atarr yokshaterreꞌ tsapathoneth.

San Lucas 18:22

Oꞌña ateth otwa Jesúsñapaꞌ alla otererr: —Eñallmeñkaꞌye patherr ñeñth pepalltena ñeñth ama attheyeꞌ pepenaꞌ. Theꞌpaꞌ añchaꞌña ateth pepha oꞌch eꞌñe pepomwerr ora allpon ñeñth pechyen oꞌch phapaꞌyeraꞌ wokchañneshaxhno ñeñth atarr es palltaꞌyetsa atthochña phapaꞌ pecherrchaꞌ ñeñth atarr nanak sherbets Yompor poeꞌntaño. Allempochña pewerrapaꞌ oꞌch phoktherren atthoch eꞌñe neyochreshaꞌ neperreph eꞌñe poktakma.

San Lucas 18:24

Jesúsña eñch ñeñth ateth atarr llekapaꞌ ñañapaꞌ poellkapreteñothpaꞌ ateth ot: —Ñeñth atarr ekhllayorethpaꞌ atarr nanak echarr atthoch agapoñet Yompor poꞌkowenña ñeñth attho ayochreshathtena ña.

San Lucas 19:8

Zaqueoñapaꞌ allentha thomwerrpaꞌ ateth otapan Partseshaꞌ: —Theꞌpaꞌ oꞌch peꞌmhñotosen, Ayochreshathe. Ñeñth ora allpon nechyen, theꞌñapaꞌ oꞌch napaꞌyer poeshmet wokchañneshaxhno. Poꞌñoxh allempo es neprratampesyeseꞌth poesheñaꞌtetspaꞌ theꞌñapaꞌ paꞌtatsocheꞌtatschaꞌ napoerranet.

San Lucas 21:34

‘Tharraña theꞌpaꞌ oꞌch notas, sapaꞌ xhokmachña eꞌñe señotnoma atthoch sapaꞌ amach aña sokthapeꞌchatsto ñeñth sosyaꞌtsañexhno, posaꞌtareꞌteñets, ñamha attho eꞌñe kowen sokrrena añ patsro. Tharroꞌmar ñerraꞌm ñeñtha eꞌñe sokthapeꞌchenpaꞌ machayothach waponasa añ yether

San Lucas 8:14

Ñamha poerets ñeñth xhapyesets ajmoꞌmar, ñeñthpaꞌ añ netmaꞌntatena poꞌpotantañ acheñeneshaꞌ ñeñth eꞌmhñotenayeñ Yompor poꞌñoñ. Amaꞌtchaꞌ xhapanetañ mameꞌ poeyoxhreto, tharraña ñetpaꞌ alloꞌnach senet aña atarr kothapeꞌchenet ñeñth llekaꞌyenet arr patsro ñeñth eꞌñe ñokpoeta. Añach moenenet oꞌch esokmañen es echyenet atthoch allo eꞌñe koshaꞌyenet. Atthoña ñetpaꞌ amach errothenoth orrtatoñeto ñeñth atarr sherbets Yomporekop. Ñetpaꞌ eꞌñe attheta ñerraꞌm narmets ñeñth xha kaꞌmatwerr ajmaꞌ amach errothenoth ellomhreꞌtyeseto.

Efesios 5:5

Sapaꞌ señoteñ ñeñth kañoreshaꞌtetspaꞌ amach es oꞌpaterroña Yomporesho amaꞌt eꞌñe esempaña allchaꞌ amhchaꞌtarethterra Cristo epoet Pompor. Ñamha allowen ñeñth eñoteneꞌ paꞌnamen sosyaꞌtsañ, ñeñthpaꞌxhoꞌña amach es oꞌpatatarethterrtsoña all amhchaꞌtarethtena Yompor. Ñamha ñeñth atarr es yeꞌchapretetsa añña poꞌyomporer pen ñeñth atarr es yeꞌchatseꞌtateneꞌ. Ñeñthoꞌmarña ñapaꞌxhoꞌña amach es oꞌpatateñoña Yompor all amhchaꞌtarethtena.

Filipenses 3:8

Amaꞌt elloneth allowen poꞌpoñexhno ñeñth nenteꞌth ñeñthoꞌch sherbhatseñ nokoppaꞌ theꞌña eꞌñe neyemteñoth Cristopaꞌ ama asherbenayeꞌ nenteñe, amaꞌt koñeꞌtha, tharroꞌmar theꞌpaꞌ oꞌ neyemtera Yepartseshar Cristo Jesús ñeñth nanak sherbets. Ñapaꞌ ello metanaꞌtwenan allowen poꞌpoñexhno ñeñth ateth nenteꞌth na ñeñthoꞌña nanak sherbets. Ñeñthoꞌmarña nemorrenteñoth Cristo theꞌpaꞌ oꞌ nepoeswerr ora poꞌpoñexhno, nokop theꞌñapaꞌ ama esoyeꞌ nenteñe eshekchaꞌ theꞌpaꞌ eꞌñech noksheñeshaꞌ nokther Cristo.

Colosenses 3:5

Ñeñthoꞌmarña sokoppaꞌ añ poktetsa: Amaꞌt erraꞌtsena sechets ñeñth sokthapeꞌchateneꞌ patsoꞌmarpaꞌ xhosaña aꞌmchechaterreꞌ, ñeñth attho sechtaꞌyeñ ñeñth ama sethaporeyaye, ñamha paꞌnamen sosyaꞌtsañexhno ñeñth ateth moenatseꞌtatyeney yechets, ñamha allpon yemnatseꞌtyen ñeñthpaꞌ ama kowenayeꞌ entapretenye Yompor, ñamha attho es atarr yeyeꞌchapretannaꞌtyena, ñeñthpaꞌ ñeñthaña yeyomporer yepen.

1 San Juan 2:15

Amachña aña atarr semorrentatsto allowen ñeñth yentyen añe patsro tharroꞌmar ñerraꞌm aña atarr yemorrentena ñeñth añe patsroꞌtsenpaꞌ Yomporña Parets poꞌñoxhpaꞌ amach yemorrenteño, (ñeñthoꞌmarña amach errothenoth xhaponayoña yeyoxhro ñeñth ateth moenen ña).