San Lucas 18:21 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²¹ Ñeñthña aꞌphthoꞌteneꞌpaꞌ ateth otererr: —Napaꞌ eꞌñekaꞌye cheshotheñ ora añexhnopaꞌ eꞌñekaꞌye netsotweñ.

San Lucas 18:21 Iomraidhean Croise

San Lucas 15:29

Ñañapaꞌ ateth otwerran pompor: “Napaꞌ peñotenen oꞌ shonteꞌ char eꞌñe kowen nameꞌñenpha; napaꞌ amaꞌt parrochapaꞌ ama esempo nathpareꞌtenpe. Tharraña amaꞌt ateth nepenpeñpaꞌ nañapaꞌ amaꞌt esempapaꞌ ama phapoennoña amaꞌt pathrra cabra atthoch nokshameꞌta namha epan ñeñth parro neyemoetyena na.

San Lucas 15:7

Ñeñthoꞌmarña theꞌpaꞌ notenes: Yamoꞌmteꞌ ñeñth poeꞌtañoꞌtsen atthekmach atarr nanak kosherrana amaꞌt poesheñarra acheñ ñeñth atarr ochñath ñerraꞌm esempoch oꞌch kothapeꞌcherret ello eꞌñe kowen ñokop. Elloch metanaꞌtwerran ñeñth attho koshenana poꞌpotantañ ñeñth shonteꞌ ñeñth eꞌñe pokteꞌ es phaꞌyenet ñokop amaꞌt ñetpaꞌ shontet ateth ñerraꞌm noventa nueve carnero ñamha ñetpaꞌ amaꞌt ama pallteneto oꞌch kothapeꞌcherret ello kowen.

San Lucas 18:20

Phapaꞌ eꞌñe peñotwen Yompor poꞌñoñ all oteney ñeñthchaꞌ ateth yepena eꞌñe kowen; ñeñthpaꞌ ateth oteney: “Amach yechtapretyesatsto thaporets; amach yemtsannaꞌtatsto; amach yetyesatsto; amach yetomaꞌtamphsatsche yamoꞌts eꞌñe attha; ñamha yemorrenteñothpaꞌ yemhchaꞌnaꞌchchaꞌ yompor ñamha yachor.”

San Lucas 18:22

Oꞌña ateth otwa Jesúsñapaꞌ alla otererr: —Eñallmeñkaꞌye patherr ñeñth pepalltena ñeñth ama attheyeꞌ pepenaꞌ. Theꞌpaꞌ añchaꞌña ateth pepha oꞌch eꞌñe pepomwerr ora allpon ñeñth pechyen oꞌch phapaꞌyeraꞌ wokchañneshaxhno ñeñth atarr es palltaꞌyetsa atthochña phapaꞌ pecherrchaꞌ ñeñth atarr nanak sherbets Yompor poeꞌntaño. Allempochña pewerrapaꞌ oꞌch phoktherren atthoch eꞌñe neyochreshaꞌ neperreph eꞌñe poktakma.

Filipenses 3:6

Nanak netsoteꞌth judioneshaꞌ pokthaphña. Eꞌñe nemoñseñoth yokthaphña napaꞌ neꞌmoñeꞌcheꞌth allowen ñeñth oꞌ ameꞌñerrana Cristo. Ñeñthoꞌmarña epayeꞌch neꞌnameꞌtaneteꞌth atthoch errothenothpaꞌ oꞌtheꞌ erroth nephatanet. Ñamha ora ateth oteney ñoñets ñeñth ateth anareth judioneshakop napaꞌ xhokma eꞌñe ateth nephowaweꞌth. Ñeñthoꞌmarña ama eñalleꞌthe amaꞌt pathrra ñeñth nepalltena atthoch ello poꞌpsheñeñpaꞌ oꞌch otnet ñeñthoꞌ nepalltenmeñ.