San Lucas 18:20 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁰ Phapaꞌ eꞌñe peñotwen Yompor poꞌñoñ all oteney ñeñthchaꞌ ateth yepena eꞌñe kowen; ñeñthpaꞌ ateth oteney: “Amach yechtapretyesatsto thaporets; amach yemtsannaꞌtatsto; amach yetyesatsto; amach yetomaꞌtamphsatsche yamoꞌts eꞌñe attha; ñamha yemorrenteñothpaꞌ yemhchaꞌnaꞌchchaꞌ yompor ñamha yachor.”

San Lucas 18:20 Iomraidhean Croise

San Lucas 18:19

Jesúsñapaꞌ ateth otaph: —Esoꞌmareꞌt photenenña napaꞌ atarroꞌ kowen acheñren. Arr arromñatheneshaꞌ amaꞌt eꞌñe poesheñarrapaꞌ ama eñalleña ñeñth eꞌñe kowen acheñer. Ñapthaña Yompor ñeñth eꞌñe poꞌñoxh kowen.

San Lucas 18:21

Ñeñthña aꞌphthoꞌteneꞌpaꞌ ateth otererr: —Napaꞌ eꞌñekaꞌye cheshotheñ ora añexhnopaꞌ eꞌñekaꞌye netsotweñ.

Romanos 13:9

Ateth ñerraꞌm patherr ñoñets ñeñth ateth anareth ñeñthpaꞌ ateth oten: “Amach sechtapretannaꞌtatsto sethapor.” Poꞌpoñ ñoñetspaꞌ ñeñthpaꞌ ateth oten: “Amach semtsannaꞌtatsto.” Poꞌpoñpaꞌ ateth oten: “Amach setyesatsto”; poꞌpoñpaꞌ ateth oten: “Amach setomaꞌtamphsatsche samoꞌts.” Poꞌpoñpaꞌ ateth oten: “Amach seyeꞌchapretannaꞌtatsto”, ñamha eñall poꞌpoñexhno ñoñets ñeñth ateth yexhateney. Allowen añ ñoñets amaꞌt poꞌpoñeꞌttsokma ateth yexhatenyeñ, tharraña poꞌñoxhpaꞌ eꞌñe pathrra oteney, ñeñthpaꞌ ateth oteney: “Atarrepaꞌchña yemorrenteña yamoꞌts eꞌñe ateth atarr yemorrentena yañeña.” Ñerraꞌm xhokma yemorrenteña yamoꞌtspaꞌ allempoña poꞌñoxhpaꞌ yetsotwach ora allowen ñeñth ateth yexhatyeney poꞌpoñeꞌttsokma ñoñets ñeñth ateth anareth.

Romanos 3:20

Tharroꞌmar yeñoteñ eꞌñe yetsotateñotha añ ñoñets ñeñth ateth anareth awathotheñpaꞌ amach errothenoth amaꞌt poesheñarrotheya eꞌñe yaꞌpoktatoña yañeña atthoch eꞌñe pokteꞌ enteney Yompor. Añekpaña sherbeney añ ñoñets ñeñth ateth anareth, ñeñthchaꞌ yeñotateneꞌ poꞌñoxh yapaꞌ nanak ochñath enteney Yompor.

Efesios 6:2

“Ñamha eꞌñe semorrenteñoth somporpaꞌ xhokmoepaꞌch semhchaꞌnaꞌch ñamha sachor” tharroꞌmar ñeñthpaꞌ ñeñth eꞌñe ñanom ateth ot Yompor ñeñthchaꞌ ateth yepeñ yamoꞌmteꞌ allochñapaꞌ atthoch eꞌñe kowen aꞌnatenya Yompor.

Colosenses 3:20

Ñamha sa cheshaneshachaꞌ oꞌch notas samha: Xhokmach sameꞌñya sompor ñamha sachor amachña xha sathpareꞌtatsto. Ñerraꞌm atethchaꞌ sephapaꞌ eꞌñech kowen koshensa amaꞌt Yompor Parets.