San Lucas 18:13 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹³ Poꞌpsheñeñña ñeñth cobrets kelle ñañapaꞌ alla thomos aꞌyoth. Ñapaꞌ eñotena atarr ochñath ñeñthoꞌmarña ñapaꞌ ama kowoso enoneth Yomporeshoneth. Ña poellkëñothpaꞌ nosan pot poesomapo. Ña poemaꞌyocheñoth ateth otos: “Nompore, theꞌpaꞌ oꞌch pemorrenterrna atthoch eꞌñe pephretnaꞌwerrnan allowen noꞌchñar tharroꞌmar napaꞌ atarrkaꞌye ochñathen.”

San Lucas 18:13 Iomraidhean Croise

San Mateo 10:3

Allothñapaꞌ ñamha Felipe ñamha Bartolomé; allothñapaꞌ ñamha Tomás ñamha Mateo ñeñth cobrayeꞌth acheñeneshaꞌ kelle ñeñth gobiernokop; allothñapaꞌ Jacobo ñeñth Alfeo poechemer, allothpaꞌ ñamha Tadeo.

San Mateo 6:5

Jesúsñapaꞌ ateth oterraneterr: —Ñamha ñerraꞌm esempo semaꞌyochena sapaꞌ amach ateth sephatsto ateth pena ommoñatheneshaꞌ. Ñetpaꞌ añekpaña maꞌyochenet atthoch acheñeneshaꞌpaꞌ eꞌñech kowen entenanetañ. Ñeñthoꞌmarña allempo maꞌyochenetpaꞌ arrach thomyesoset all shontena acheñeneshaꞌ poerawoꞌmar amapaꞌ all etsapeꞌtyena thoñ allekma waxhena shonteꞌ acheñeneshaꞌ atthochña allowen acheñeneshaꞌpaꞌ eꞌñech kowen entenanetañ. Tharraña napaꞌ poꞌñoxhpaꞌ oꞌch notas: Ñeñth ateth ommoꞌchetsa Yomporñapaꞌ amach apoerraneto ñeñthchaꞌ koshaterrawet tharroꞌmar ñetpaꞌ aña eꞌnenet acheñeneshach kowentatenawet. Ñetpaꞌ eꞌñech alla atsaꞌtarethterret.

San Mateo 9:13

Napaꞌ ama añekpayeꞌ nowapo atthoch nexhoreꞌtos ñeñth eꞌñe ateth entetsañ ñetpaꞌ eꞌñoꞌ kowen es phaꞌyenet. Napaꞌ añekopña nowapa atthoch nexhoreꞌtos ñeñth atarr ochñath entyetsa. Allochñapaꞌ atthoch oꞌch kothapeꞌcherret ello eꞌñe kowen Yomporekop. Sokoppaꞌ añ poktetsa ñerraꞌm oꞌch awerrespaꞌ señotwerrepaꞌchña ñeñth ateth yexhateney añ Yompor poꞌñoñ ñeñth ateth anareth awathotheñ. Ñeñthpaꞌ ateth oteney Yompor: “Napaꞌ ama eꞌñe aña kowen nenteno oꞌch sapoenen sayara ñeñth semtsen nokop. Añeꞌnaña atarr kowen nenten oꞌch semoereña allowen samoꞌtseshaꞌ.”

San Marcos 11:25

Ñamha theꞌpaꞌ oꞌch notnomoes: Ñerraꞌm semaꞌyocheñoth xho sathen ñerraꞌm xho seꞌmoñeꞌteñ poꞌpsheñeñ xhosach peretnerreꞌ seyoxhro allorokma, allochñapaꞌ Sompor ñeñth entoꞌtsen peretnerrnaschaꞌ samha ñeñth ateth sephatseꞌtyen ñeñth ama pokteyeꞌ enteno ña.

San Lucas 17:12

Allempoñapaꞌ xhap patherr anetso. Allñapaꞌ waxhaꞌtoña xharrasheña ñeñth osyen poetsarñats ñeñth otenet lepra. Ñeñthña aptsarñathexhno aꞌyotha thomxhaꞌtyesoset.

San Lucas 22:41

Allempoña ñapaꞌ awoꞌ mameꞌ aꞌyentheyeꞌ. Ñañapaꞌ all konkorpaꞌwena oꞌ maꞌyochwena.

San Lucas 23:48

Ñamha allowen acheñeneshaꞌ ñeñth alloꞌtsaꞌyen ñeñth enteꞌ ñeñth ateth oꞌ phach oꞌ yoroxhtach, ñetñapaꞌ poellkëñeshaꞌ naꞌyesnerret pot poesomapo awanerret.

San Lucas 5:8

Allempoña ateth eñch Simón Pedro ñañapaꞌ pomaꞌyorñekma ponmana Jesús, konkorposa paꞌrrphoth, all otos: —Amach Partseshachaꞌ alloꞌna peyemtatsetnenno tharroꞌmar napaꞌ ñeñthen atarr ochñathen.

Los Hechos 2:37

Allempoñapaꞌ ñeñth matrraꞌtatsa allpaꞌ oꞌ xhapanet poeyoxhro añ ñoñets. Nanak llekanrrortet. Ateth ochet Pedro ñamha poꞌpotantañexhno Jesús poellsensar. Eꞌñe poellkëñothet ateth otet: —Masheñneshachaꞌ, errothenwachkaꞌye yeperraña theꞌ.

Romanos 5:8

Tharraña yapaꞌ amaꞌt allempo ora yephatseꞌtyen sosyaꞌtsañpaꞌ eꞌñe allempokmaña Cristopaꞌ awoꞌt rroma yokop. Atthoña Yomporpaꞌ eñotaterrey yapaꞌ nanak morrentenya.

2 Corintios 7:11

Sa sellkëñapaꞌ eꞌñe ateth senteñ ñerraꞌm Yompor eꞌñe sellkateneꞌ. Ñeñthoꞌmarña allempotheñ yoroxhen senten sa soꞌchñar ñeñthoꞌmarña sapaꞌ semneñ oꞌch alla kowen nentapreterres. Ñamha ñeñthpaꞌ apenkoxhen senteñ ñeñth atarr athparñath. Ñeñthoꞌmarña semhchañothpaꞌ atarr semneñ oꞌch alla senterren, atthoch eꞌñe kowen naꞌpoktatonas. Ñamha allempotheñña eꞌñe pokteꞌ senteñ oꞌch sekoñchach ñeñth athparñathtetsa. Ñeñthoꞌmarña theꞌpaꞌ ateth oꞌ sephowerra ñeñth eꞌñe pokteꞌ nenten, allochñapaꞌ amach alloꞌna saꞌyowarethteno.

1 Timoteo 1:15

Ñeñthoꞌmar theꞌpaꞌ oꞌ neñoter añepaꞌtña ñoñets ñeñth eꞌñe poꞌñoxh: Cristo Jesúspaꞌ añekopña wapa añ patso atthoch aꞌkeshphatosan allowen ochñatheneshaꞌ. Ñeñthoꞌmarña theꞌ napaꞌ neñotena, allowen ñeñth ochñatheneshaꞌpaꞌ na ello metanaꞌtwenawet poꞌchñaret. Ñeñthoꞌmar theꞌpaꞌ aña poktetsa oꞌch yameꞌñaꞌwerra ñeñthara añ ñoñets.

Hebreos 4:16

Ñeñthoꞌmarepaꞌchña eꞌñe yeyemteñoth Yompor Poechemer, amach yemhchaꞌnañotheyeꞌ yexhoreꞌteñe Yompor amaꞌt ñeñth atarr partsotets poꞌkonaño. Eꞌñe poemoereñothey eꞌñech kowen eꞌmhñoteney, xhokmach yenpoeney. Ñamha ñerraꞌm esempo wennaya ñeñthchaꞌ yellkateneꞌ ñachña eꞌñe awamenkath yepeneꞌ.

Hebreos 8:12

Ñamha napaꞌ eꞌñe nemoereñothanetpaꞌ nephretnerranetchaꞌ poꞌchñaret, amach alla neyerpoerraneteꞌthe poꞌchñaret. Arrpaꞌ allowa ateth ot Yompor awath.