San Lucas 18:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ —Eñall epsheña acheñ ñeñth sets Parets paꞌpakllo allchaꞌ maꞌyochoset. Poesheñarr ñeñthpaꞌ fariseo ñeñth eꞌñe ñañeña kowen entetsa; poꞌpsheñeññapaꞌ ñeñth poeshkëñotheꞌna cobraꞌyenan acheñeneshaꞌ kelle ñeñth gobiernokop.

San Lucas 18:10 Iomraidhean Croise

San Mateo 10:3

Allothñapaꞌ ñamha Felipe ñamha Bartolomé; allothñapaꞌ ñamha Tomás ñamha Mateo ñeñth cobrayeꞌth acheñeneshaꞌ kelle ñeñth gobiernokop; allothñapaꞌ Jacobo ñeñth Alfeo poechemer, allothpaꞌ ñamha Tadeo.

San Lucas 19:46

Allñapaꞌ ateth otosan ñeñth pomatsreꞌtyetsa: —Yompor poꞌñoñ ñeñth ateth anwareth awathotheñ, allñapaꞌ ateth oten Yompor: “Añ ñeñth nepakëll nepenpaꞌ añekpakaꞌyeña sherben allekmach maꞌyochennet”; tharraña sañapaꞌ ateth sepeññañña Yompor paꞌpakëll ateth ñerraꞌmrratheꞌ eñeth ñeñth eꞌpotyetsa mapoetponoꞌmar.

Los Hechos 26:5

Amaꞌt awathotheñpaꞌ eñotwaneteꞌth napaꞌ fariseoneshan ñeñthara ñeñth nanak etsoteneꞌ kothaphñats nanak echarr allo yokthapeꞌchen Partsokop. Ñeñth ateth entneteꞌth ateth nokrreꞌthpaꞌ, atethchaꞌñaxhoꞌ aꞌmethaꞌnetañ.

Los Hechos 3:1

Pamtharrpaꞌ xhap allempokma maꞌyochenet Parets paꞌpakllo, ateth ñerraꞌm allempopaꞌ ñatoꞌ oꞌ ellerrenmoch. Pedroñapaꞌ awoꞌ Parets paꞌpakllo epoet Juan, oꞌch maꞌyochoset all.

Filipenses 3:5

Tharroꞌmar napaꞌ oꞌ eꞌñe allpon netsotweññañ judioneshaꞌ pokthaphña: Amaꞌt poꞌpsokmatñotheñ allempo neꞌñalletwapaꞌ napaꞌ atsorratatholleꞌtarethen ñeñth ateth anwareth allowen asheñorrotholleshakop ñeñthey judioneshay, tharroꞌmar eꞌñe israelenaꞌtareshoth ñeñth eꞌñe judiomhreyoth eñalletñan. Ellonethpaꞌ ñamha napaꞌ Benjamín poꞌmhrenñen. Ñamha napaꞌ eꞌñe hebreoneshan tharroꞌmar ach ñamha apapaꞌ eꞌñe judioneshet poktakma ñeñth eñets eꞌñe ya yeñoño ñeñthara hebreaxho. Allothpaꞌ ñamha na awathpaꞌ eꞌñe fariseoneshan ñeñthen nanak maꞌyoxhrayeꞌth atthoch netsotwa ora allpon ñoñets ñeñth akellkaꞌwareth judioneshakop.