San Lucas 17:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Amaꞌtchaꞌ atonocheꞌtats ateth penset, amaꞌtchaꞌ pamtharrpaꞌ kanxhrrocheꞌtatschaꞌ ateth penset ñerraꞌm oꞌch alla llekërrana ñeñth ateth pennaset, ñerraꞌm amaꞌt pamtharr kanxhrrocheꞌtats oꞌch alla oterrset: “Napaꞌ oꞌ ateth nephonaph ñeñth ama pokteyaye tharraña theꞌña ellopaꞌ amach alla ateth neperreꞌthe”, sokoppaꞌxhoꞌña añña eꞌñe poktetsa oꞌch alla eꞌñe kowen sephretner ñeñth ateth sepeneꞌ.

San Lucas 17:4 Iomraidhean Croise

San Mateo 18:16

Ñerraꞌm sokthapeꞌchatweñaꞌ amach eꞌmhñotasopaꞌ seꞌñ poesheñarr amapaꞌ epsheña ñeñthchaꞌ saꞌpoktatapreterreꞌ. Atethchaꞌ sepha allochñapaꞌ ñeñthchaꞌ eñosets epsheña amapaꞌ maꞌpsheñoꞌmareschaꞌ eñosets allempopaꞌ eꞌñech poꞌñoxh sameꞌña ñeñth ñoñets tharroꞌmar eꞌñech atthekma otenet.

San Mateo 18:35

‘Sapaꞌxhoꞌña eꞌñe poesheñaꞌttsosña ñerraꞌm amach sephretnere samoꞌtspaꞌ eꞌñech atthekma perres samha Nompor ñeñth poeꞌntañoꞌtsen. Xhokmoepaꞌch eꞌñe kowen sephretnannenaña sa eꞌñe seyoxhrokmañen.

San Mateo 5:44

Tharraña naña theꞌpaꞌ elloña oꞌch noterres: Semoeryach amaꞌt ñeñth seꞌmoñeꞌteneꞌ. Ñamha ñeñth sarrnomareꞌtenaya sañapaꞌ oꞌch senamaterrñañ Yompor paꞌnateña. Ñamha ñeñth erroth sepeneꞌpaꞌ sañapaꞌ añchaꞌ ateth sepoñ ñeñth atarr kowen enten ña. Ñamha ñeñth saꞌmoeroxhtateneꞌ sañapaꞌ oꞌch semaꞌyochampesya.

San Mateo 6:12

Pephretnaꞌwonayepaꞌch Nompore allowen yoꞌchñar ñeñth ama pokteyeꞌ pentapretenye attho Nompore yapaꞌxhoꞌña yephretnannena ñerraꞌm esempo erroth yephannena.

San Lucas 17:5

Allempo ateth otarethtenet añña poellsensarneshaꞌñapaꞌ ateth ochet Poꞌpartsesharet Jesús: —Elloña yapaꞌ awamenkathchaꞌ pephaꞌy allochñapaꞌ eꞌñech kowen yeyemterrpha.

Romanos 12:20

Añchaꞌña ateth sephoñ ñeñth seꞌmoñeꞌteneꞌ ñeñth eꞌñe ateth oteney Yompor poꞌñoñ. Ñewa, ñeñthpaꞌ ateth oten: “Ñeñth seꞌmoñeꞌteneꞌ ñerraꞌm esempo cheporrenapaꞌ sañapaꞌ sapepaꞌch ñeñthchaꞌ rraꞌ. Ñamha ñerraꞌm esempo oñpaꞌten sañapaꞌ sapepaꞌch ñeñthchaꞌ orr. Ñerraꞌm atethchaꞌ sepeꞌpaꞌ ñañapaꞌ oꞌch penkëna nanak. Atarrchaꞌ atserr eꞌman attho penkëna. Allempoñapaꞌ ñatoꞌ eꞌñe poepenkëñothpaꞌ ñeñthchaꞌña kothapeꞌchaterreꞌ kowen.”