San Lucas 17:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ Ñeñthoꞌmarña sapaꞌ eꞌñech señota, amach sorrtatatsto atthoch saꞌshoratach poꞌpsheñeñ amaꞌt erraꞌtsena. ‘Elloña napaꞌ oꞌch alla noterrserr, ñerraꞌm esempo samoꞌts erroth phonas sa ñeñth ama pokteyeꞌ enteno Yompor, sokoppaꞌ añ poktetsa oꞌch sokthapeꞌchater eꞌñe kowen oꞌch photer ñeñth ateth oꞌ phowonaphpaꞌ amaꞌt mameshapaꞌ ama pokteyeꞌ enteñe Yompor. Allochñapaꞌ ñerraꞌm oꞌch alla kothapeꞌcherran kowen Yomporekop, sañapaꞌ añ poktetsa oꞌch alla eꞌñe kowen sephretner.

San Lucas 17:3 Iomraidhean Croise

San Mateo 18:21

Allempoña Pedropaꞌ aꞌphthoꞌtenanaꞌ Jesús, ñeñthpaꞌ ateth otos: —Partseshachaꞌ, ñerraꞌm xhokma epayeꞌ erroth penen namoꞌts, taꞌm ¿errponocheꞌtchaꞌña nephretneꞌ ñatoꞌ eꞌñech kanxhrrocha nephretneꞌ?

San Lucas 21:34

‘Tharraña theꞌpaꞌ oꞌch notas, sapaꞌ xhokmachña eꞌñe señotnoma atthoch sapaꞌ amach aña sokthapeꞌchatsto ñeñth sosyaꞌtsañexhno, posaꞌtareꞌteñets, ñamha attho eꞌñe kowen sokrrena añ patsro. Tharroꞌmar ñerraꞌm ñeñtha eꞌñe sokthapeꞌchenpaꞌ machayothach waponasa añ yether

Efesios 5:15

Ñeñthoꞌmarña theꞌpaꞌ oꞌch notas: Señota eꞌñe errothentheꞌ sephaꞌyen, ñatoꞌ kowentheꞌ ñatoꞌ amatheꞌ kowenayaye. Amach ateth sephatsto ateth ñerraꞌmrratheꞌ ñeñth ama es eñotetso. Añchaꞌña ateth sephaꞌyes ateth ñerraꞌm ñeñth atarr es eñotets ñeñth kowentetsa Yomporekop.

Hebreos 12:15

Ñamha señotannaꞌtnomoepaꞌch, ñatoꞌ eseshaspaꞌ ama añeyeꞌ eꞌneno Yompor ñeñthchaꞌ yenpoeꞌ. Ñamha señotannaꞌtepaꞌch ñatoꞌtña amaꞌt eꞌñe mameshapaꞌ sorrtatenaꞌña atthoch seꞌmoñeꞌtannaꞌta. Ñerraꞌm ateth sepenapaꞌ akophotheñpaꞌ oꞌch eꞌñe epaꞌwapaꞌ xhach orrtatan atsrreꞌmoxhen. Atthoña ñerraꞌm shonteꞌ acheñeneshaꞌpaꞌ xhach aꞌsosyatwanet; ñeñthpaꞌ ama pokteyeꞌ enteñe Parets. Ñeñthpaꞌ atethchaꞌ netmaꞌntacha ñerraꞌmrratheꞌ narmets ñeñth atarr pesherr yeꞌmoen.

Santiago 5:19

Masheñneshachaꞌ ñamha noxhanesha ñerraꞌm sa poesheñarrothes oꞌch alla sepoerrerra ñeñthes theꞌpaꞌ kotheneꞌ kowen Yompor poꞌñoñ, tharraña ñerraꞌm eseshaꞌña alla sokthapeꞌchaterreꞌ eꞌñe kowenpaꞌ

2 San Juan 1:8

Sapaꞌ eꞌñech señota allochñapaꞌ amach shekaso. Ñerraꞌm shekas allempopaꞌ eꞌñetheꞌ orrena sethorrerra Yomporekop. Añchaꞌña sethorrena atthochña sapaꞌ eꞌñech sagapwerr ora allpon ñeñth alloch tsaꞌtwerrsa ña.