San Lucas 17:27 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁷ Allempopaꞌ ama es poexhaꞌyeneto aña eꞌñe kothapeꞌcheteꞌth attho atarr paꞌnamen moenenet ñeñthchaꞌ rraꞌyenet, orrareꞌtyeseteꞌth, senaꞌtanatyena yakmaneshaxhno, koyaneshaxhnopaꞌxhoꞌña apanatyeseteꞌth ñeñth yoranatyesaweteꞌth. Ñetñapaꞌ ñeñtha eꞌñe kowen enteteꞌth. Attheñapaꞌ xhap allempo beꞌthosos Noé poꞌwarkopawo. Allempoñapaꞌ wata, chopha oñ errakmañen, eꞌñe aꞌkllatwan allowen acheñeneshaꞌ errapharen.

San Lucas 17:27 Iomraidhean Croise

San Mateo 22:30

Tharroꞌmar esempowañen allempoch tanterret poꞌpocheño, allempopaꞌ amaꞌt poesheñarrotheta amach senaꞌterreto, amaꞌt koyaneshaꞌpaꞌxhoꞌ amach eseshayeꞌ apoerraye ñeñthchaꞌ yorerrawet. Tharroꞌmar allempopaꞌ eꞌñech atthet ñerraꞌm Yompor poꞌmhllañotheñnaneshar ñeñth poeꞌntañoꞌtsaꞌyen.

San Lucas 17:26

Tharraña allempoch nowerra poꞌpocheño na Ñeñthen Acheñetosets, allempopaꞌ eꞌñech ateth perret eꞌñe ateth peteꞌth awath allempo korreꞌth Noé.

San Lucas 17:28

Atthekma perreterr allempo korreꞌth Lot, aña eꞌñe kothapeꞌchyerreterr shonteꞌ rrallmeꞌchyeseteꞌth ñamha shonteꞌ orrareꞌtyeseteꞌth, atarr es rañthaꞌyeseteꞌth, ñamha pomatsreꞌtyeseteꞌth. Shonteꞌ esokmañen ñeñth paꞌnamen nareꞌtyeseteꞌth, thomatyeseteꞌth ñamha shonteꞌ pokollaxhno. Ñetñapaꞌ eꞌñe ñeñtha kowen enteteꞌth.