San Lucas 17:22 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²² Elloña ñapaꞌ ateth oterranerr poeyochreshaꞌ: —Xherrchaꞌ esempowañen allempoch atarr seꞌnerren atarrchaꞌ semnerren Ñeñthen Acheñetostseꞌth oꞌch norrterrnasa amaꞌt eꞌñe pamtharra. Tharraña amaꞌt eꞌñe allempa amach senterrno.

San Lucas 17:22 Iomraidhean Croise

San Mateo 9:15

Jesúsñapaꞌ alla tomaꞌntatanet, ateth otanet: —Ñeñth awaꞌñarethexhno all rrallmeꞌchapreteñet ñeñth errteꞌ senaꞌtetsa, ama pokteyaye oꞌch yotanet amach es serraꞌyesatsto. Amach yellkatatstaneto tharroꞌmar ateth koshapreteñet ñeñth senaꞌtetsa. Tharraña ñerraꞌm esempo machayotha saꞌnerranet ñeñth senaꞌtetsa, ñeñthña parro yemoetyena allempoña ñetpaꞌ eꞌñe poellkëñothet kexhpaꞌwerretchaꞌ poerrar, amach arrenayeꞌ enterreto. Ñeñthpaꞌ atthochña thoreꞌterret allempo Yomporekop eꞌñe poꞌñoxh. Arrpaꞌ allowa wañ ñeñth ateth Jesús tomaꞌntata ña senaꞌtostsa.

San Marcos 2:20

Tharraña ñerraꞌm esempo machayotha saꞌnerranet ñeñth senaꞌtetsa, ñeñthña parro yemoetyenapaꞌ allempoña ñetpaꞌ eꞌñe poellkëñothet kexhpaꞌwerretchaꞌ poerrar, amach arrenayeꞌ enterreto. Ñeñthpaꞌ atthochña thoreꞌterret allempo Yomporekop eꞌñe poꞌñoxh. Arrpaꞌ allowa wañ ñeñth ateth Jesús tomaꞌntata ña senaꞌtostsa.

San Lucas 13:35

Theꞌñapaꞌ all seyxhena sa, Yomporñapaꞌ oꞌch aꞌypoꞌñerres. Tharroꞌmar theꞌpaꞌ oꞌch alla noterrserr: Na poꞌpocheñopaꞌ amach alla senterrno theꞌ. Esempowañenñapaꞌ senterrenchaꞌ allempoñapaꞌ atethchaꞌ soterren: “Ayeꞌchoxhtatpawepaꞌch Jesucristo ñeñth wapatsa ñeñth llesensen Yeyomporer.”

San Lucas 5:35

Tharraña ñerraꞌm esempo machayotha saꞌnerranet ñeñth senaꞌtetsa, ñeñthña parro yemoetyena allempoña ñetpaꞌ eꞌñe poellkëñothet kaxhpaꞌwerretchaꞌ poerrar, amach arrenayeꞌ enterreto. Ñeñthpaꞌ atthochña thoreꞌterret allempo Yomporekop eꞌñe poꞌñoxh. Arrpaꞌ allowa wañ ñeñth ateth Jesús tomaꞌntata ña senaꞌtostsa.

San Juan 12:35

Jesúsñapaꞌ ateth oterraneterr: —Mameshamha palltena arroꞌtsenmeñen na ñeñthen aꞌpoetarsamphsañtetsa. Sokthapeꞌcherrnan eꞌñe thayekma neñoñ thayepaꞌtña arroꞌtsenmeñen ñeñthenchaꞌ aꞌpoetarsamperreꞌ sokthaphña allochñapaꞌ atthoch amach xha sechenkaꞌwerro. Poꞌñoxh ñeñth ama ameꞌñetso ñetpaꞌ ama eñoteñeto atthoch chenkaꞌwerret. Ñeñthoꞌmarña ñetpaꞌ eꞌñe ateth penet ñerraꞌmrratheꞌ chekmeta chopeꞌchenet ama eñoteñeto errenethchaꞌ tet.

San Juan 13:33

Jesúsñapaꞌ alla oterraneterr: —Naꞌkñetharneshachaꞌ, oꞌ eꞌñe koñeꞌthamha pallta alloꞌtsenmeñenchaꞌ na eꞌñe arr parro. Napaꞌ oꞌch awerren. Allempoña sapaꞌ seꞌnerrnaꞌch. Ateth noteñ awaña judioneshaꞌ, allchaꞌ neserr napaꞌ sañapaꞌ amach errothenoth sexhapo, theꞌpaꞌxhoꞌ sapaꞌ eꞌñe ateth notenes.