Amaꞌt pokteñ amach netsaꞌtatsto tharroꞌmar napaꞌ ñeñthen Poechemeren ñeñth paꞌpakëll peneꞌ ñeñthekop tsaꞌtenet, tharraña atthoch ama yaꞌtsrreꞌmatanetopaꞌ eꞌñekaꞌye pokteꞌ oꞌch netsaꞌta. Oꞌch aweph oño oꞌch pegoꞌtenaꞌ all. Erraꞌtsenchaꞌ ñanom pechtaꞌ pegoroth ñeñthñapaꞌ oꞌch pexhete. Poenamopaꞌ allchaꞌkaꞌye pent poetallarr kelle. Ñeñthña kellepaꞌ oꞌch phaner ñeñthñapaꞌ alloch petsaꞌtanet nokop amaꞌt ñamha phokop.
San Lucas 17:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho2 Amaꞌt ñeñth eꞌñe errteꞌ nameꞌñenaya ñerraꞌm eseshaꞌ oꞌch orrtatanet atthoch oꞌch ateth phatachet ñeñth ama pokteyeꞌ enteno Yompor, ñeñthña acheñerpaꞌ atarrchaꞌ yoroxhenoꞌtsen tharroꞌmar ñapaꞌ aña oꞌpatenaya koñcheñets ñeñth atarr womenk. Amaꞌt ñokoppaꞌ ama tama yoroxhenayayñe ñerraꞌm ama ateth phatenanaꞌ poꞌpsheñeñ, eꞌñech allorokma xharachetañ mapoeꞌ añekmoen paꞌxhnopho allpon ñerraꞌm poetseꞌtamets oꞌch waporeꞌchet oño epo allchaꞌ ñoꞌshach mapoeꞌ. Faic an caibideil |
San Lucas 17:2
13 Iomraidhean Croise
Jesúspaꞌ alla oterranerr poeyochreshaꞌ: —Eꞌñech señota, añepaꞌchña atarr asherben senten ñeñth ama ommoꞌchetso ñeñth ateth petsa ñerraꞌm cheshatholl ñeñthñapaꞌ eꞌñech poeñmañeshaꞌ yemtenna. Tharroꞌmarña theꞌpaꞌ oꞌch notas, ñeñth ama pommoꞌcheñotheyeꞌ nameꞌñenayo ñokpoetpaꞌ eñalletkaꞌyeña poꞌmhllañotheñer ñeñthchaꞌ kowampenawet. Ñeñthña poꞌmhllañotheñretpaꞌ xhokma Yomporeshoꞌtsenet allña eꞌñe kowen eꞌmhñotenanetña Yompor poeꞌntaño.
Poꞌñoxhkaꞌye theꞌpaꞌ alloꞌna sen etsotnomtsa ñeñth ateth anwareth Yompor poꞌñoño nokop Ñeñthen Acheñetosets; atthothchaꞌ moetsaterrnet. Tharraña nokoppaꞌ eꞌñe pokteꞌ; añña poꞌñoxh acheñer ñeñthchaꞌ nepomoerreꞌ ñokopñapaꞌ atarr llekëñets. Añ acheñerpaꞌ eꞌñekaꞌye pokteñ ñokop amachñaxhoꞌ eñalletatstañe.
‘Amaꞌt erraꞌtsena ñeñth ama pommoꞌcheñotheyeꞌ ameꞌñenno ateth ñerraꞌm cheshatholl ñeñth ama eñotenanaꞌ oꞌch ommoꞌchena, tharraña ñerraꞌm eseshaꞌña poꞌpsheñeñ oꞌch ateth phatach ñeñth ama pokteyeꞌ enteno Yompor, ñeñthña acheñerpaꞌ atarrchaꞌ yoroxhenoꞌtsen tharroꞌmar ñapaꞌ aña oꞌpatenaya koñcheñets ñeñth atarr womenk. Amaꞌt ñokoppaꞌ ama tama yoroxhenayayñe ñerraꞌm ama ateth phatenanaꞌ poꞌpsheñeñ, eꞌñech allorokma xharachetañ mapoeꞌ añekmoen paꞌxhnopho allpon ñerraꞌm poetseꞌtamets oꞌch waporeꞌchet oño epo allchaꞌ ñoꞌshach mapoeꞌ.
Allempoña rrowaꞌmoenet Jesúsñapaꞌ ateth otan Simón Pedro: —Simón, Jonás poechemere, phapaꞌ ¿atarrtheꞌ pemorrentenna, ellotheꞌ pemhtanaꞌtweñ añeneshaꞌ? Ñañapaꞌ ateth otan Jesús: —Poꞌñoxhkaꞌye, Partseshachaꞌ, peñotenen napaꞌ nemorrentenpha. Jesúsñapaꞌ ateth otererr: —Ñeñthepñapaꞌ eꞌñech kowen peserrpareꞌtatyes allowen ñeñth nameꞌñenaya; ñetpaꞌ eꞌñe ateth nentenanet ñerraꞌmrratheꞌ necarneroretholleshaꞌ.
Ñewa, amaꞌt eꞌñe pokteñ oꞌch sapoennoñ ñeñth nepalltenapaꞌ tharraña napaꞌ amaꞌt awathapaꞌ ama es notaseꞌthe oꞌch es sapoen. Amaꞌt theꞌpaꞌ ama ñeñthekpayeꞌ nekellkënnaso ateth. Tharroꞌmar ama nemno oꞌch wañ attho neserrpareꞌtatenes eꞌñe attha. Eꞌñechña noksheñeshaꞌ neserrpareꞌtatenes eꞌñe attha. Ñerraꞌm oꞌch wañ attho neserrpareꞌtatenes eꞌñe atthapaꞌ añatheꞌ pokteꞌ nenten oꞌch nerroma. Tharroꞌmar napaꞌ ama nemno amaꞌt eseshapaꞌ oꞌch poerratamphsenña ñeñth allo eꞌñe nokshena.
Ñamha ñerraꞌm esempo alloꞌtsenen parro epan ñeñth ama womenk penaye poeyoxher Yomporekoppaꞌ napaꞌxhoꞌña oꞌch nepena ateth ñerraꞌmrratheꞌ ama womenkayaye namha neyoxher Yomporekop, allochñapaꞌ atthoch nokthapeꞌchach kowen ñeñth ama womenk penaye poeyoxher Yomporekop. Ñamha amaꞌt erraꞌtsena acheñ errothenxhoꞌ kothapeꞌchenpaꞌ napaꞌxhoꞌña allempo alloꞌtsenen parro epan atethchaꞌ nepena namha ateth pokteꞌ entenet ñet, allochñapaꞌ atthoch amaꞌt errothenettheꞌ atthochña naꞌkeshphaterranetchaꞌ amaꞌt patantaꞌttsa.
Sanasan