San Lucas 17:18 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁸ Eꞌñe poesheñarraña ñeñth poerrerrtsa atthoch atarr ayeꞌchoxhtatan Yompor amaꞌt ñapaꞌ ama judioneshayaye.

San Lucas 17:18 Iomraidhean Croise

San Mateo 19:30

Theꞌpaꞌ señochepaꞌch, eñall shonteꞌ acheñ ñeñth ama esoyeꞌ senteno sa theꞌ tharraña ñetña allempopaꞌ atarrchaꞌ asherben enterranet Yompor. Ñamha eñall shonteꞌ acheñ ñeñth atarr asherben sentyen sa theꞌ, tharraña ñetña allempopaꞌ amach asherbenayeꞌ enterraneto Yompor.

San Mateo 20:16

Ñeñthoꞌmar theꞌpaꞌ oꞌch noterrserr: Ñeñth ama esoyeꞌ senteno sa theꞌ tharraña ñetña allempopaꞌ atarrchaꞌ asherben enterranet Yompor. Ñeñthña atarr asherben sentyen theꞌ, ñetña allempopaꞌ amach tama asherbenayeꞌ enterraneto Yompor. Ñeñthoꞌmar theꞌpaꞌ oꞌch alla noterrserr: Amaꞌt shonteñña ñamha ñeñth awaꞌñareth ñeñthchaꞌ neyochreshaꞌ neperreñ, tharraña ñetpaꞌ eꞌñe poesheñaꞌttseta ñeñthchaꞌ eꞌñe pokteꞌ nenterr na ñeñthchaꞌña eꞌñe neyochreshaꞌ neperr poktakma.

San Mateo 8:10

Allempo eꞌman Jesús ñeñth ateth oten capitán, ñañapaꞌ ateth otan allowen acheñeneshaꞌ ñeñth kothaꞌneneꞌ: —Ñapaꞌ atarrkaꞌye yemtenna, amaꞌt ñapaꞌ amakaꞌye judioneshayaye. Napaꞌ poꞌñoxh oꞌch notas: Amaꞌt awathapaꞌ ama nentareña acheñ ñeñth eꞌñe ateth neyemtenaya, amaꞌt allowen israelenaꞌtarneshaꞌpaꞌ amaꞌt poesheñarra ama nentareña ñeñth ateth atarr neyemtenaya.

San Mateo 8:12

Shonteñña judioneshaꞌ ñetchaꞌña xhapatsetañ all amhchaꞌtarethtena Yompor, tharraña ñetñapaꞌ amach xhapoeto all tharroꞌmar ñetpaꞌ ama nayeꞌ yemteneto. Ñetñapaꞌ allach awaporeꞌtarethterret aꞌyoth chekmeto. Allñapaꞌ allchaꞌ yawanrrorterret, panmoeñothet atserrpaꞌ rrasoꞌtyesosetchaꞌ paꞌs.

San Mateo 9:8

Acheñeneshaꞌña all ñeñth enteneꞌ ñetñapaꞌ xha yorenet, elloñapaꞌ alla kowentaterrñañet Yompor. Ateth otyenet: —Yomporkaꞌyeña oꞌ llesenserran ñeñth amaꞌt eꞌñe acheña.

San Lucas 17:17

Allempoña Jesúspaꞌ ateth otan acheñeneshaꞌ ñeñth alloꞌtsaꞌyen: —Amaꞌt xharrasheña ñeñth oꞌ naꞌkrratyeswa theꞌ. ¿Poꞌpotantañña eskonsheñapaꞌ? Ñetñapaꞌ ama es yerpaꞌpesnomayeña atthoch ayeꞌchoxhtatoñet Yompor.

El Apocalipsis 14:7

Ñeñth attho anomaꞌmtena all, eñosnen, atarr womenk eꞌmorrtena, ñeñthpaꞌ ateth otnen: —Semhchaꞌnaꞌchepaꞌch Yompor, xhochña sekowentatoñ tharroꞌmar theꞌpaꞌ oꞌ xhap allempoch entyesas eꞌñe poesheñaꞌttsos errothentheꞌ sephaꞌyena. Theꞌpaꞌ ñachña semaꞌyocha ñeñth yexhkateꞌ enet ñamha ñeñth yexhkateꞌ pats, ñamha oñexhno amaꞌt alloth potayen oñ.